Gembala ke sekaban domba Allah ¹ Aku nesihat sidak te tuai dentara kitak, aku sebagai kaban sidak ngau saksi penisa Kristus, te bulih bagian ugak alam kemuliaan te depadah page lusak. ² Gembala ke sekaban domba Allah te bisik ntang kitak, nang ngau paksa, tapi sukarela sesuai penekak Allah, ngau nang ugak empadai kak ngegak untung, tapi, ngau pengabdian dirik. ³ Nang betingkah sulah-ulah kitak kak merintah sidak te depecayak ke ngau kitak, kitak malah kalah jadi teladan sidak. ⁴ Maka kitak, antik Gembala Agung datai, kitak bakal bulih mahkota kemuliaan te ndai tau layus. ⁵ Piyak ugak kitak urang biak, kalah tunuk ngau urang te lebih tuai. Udek kitak kalah renah ati ngau pangan, empadai: "Allah nentang urang te cungkak, tapi ngasih urang te renah ati." ⁶ Maka renah ke ati kitak de jari Allah te kuat, isak kitak detingik ke Ya rama waktu Ya. ⁷ Serahke ngau Ya semua kuatir kitak, empadai Ya te meliara kitak. ⁸ Ingat (sadar) ngau bejaga-jaga! Iblis lawan kitak, ketengaah bekelingik, upa singa te ngaum ngegak urang te kak detelan ya. ⁹ Lawan ya ngau iman te teguh, empadai kitak ketau, bala semua menyadik kita deseluruh denia nangung penisa te sama. ¹⁰ Ngau Allah asal (sumber) re kasih karunia, te dah ngumai kitak alam Kristus, ngau kemuli Ya te kekal, bakal ngelengkap, neguh, nguat ngukuh ke kitak, seudah kitak sisa sekejap. ¹¹ Ya mek te bekuasa sampai page lusak (selamak-lamaknya) ¹² Ngelalu Silwanus, te dah ku angap menyadik te tau depecayak, aku nulis sikit, nesihat ngau ngeyakin ke kitak kalau tuk bebenar kasih karunia re Allah. Bediri teguh alam yak! ¹³ Salam ngau bala kitak re kaban kitak te tepilih te de Babilon,ngau Markus anakku. ¹⁴ Berik salam ngau sium te kudus ngau pangan. Damai sejahtera nyereta kitak semua te bisik alam Kristus. Amin.