Yesus Kristus batu penyuru ¹ Maka dari yak buai semua pengenyaik, tipu muslihat, ngau segala macam kemunafikan, dengki, ngau fitnah. ² Jadi ke upa nemiak te baruk adai, te ining ke aik susu te murni ngau rohani, isak kitak mansang ngau bulih selamat, ³ antik kitak benar-benar dah ngasai pemaik Tuhan. ⁴ Udek datai ngau Ya, batu te idup yak, te debuai mensia, tapi depilih ngau dehormat de hadirat Allah. ⁵ Ngau kitak piyak ugak, deguna ke ngau mulah bangunan rohani, bagi suatu imamat kudus, untuk mempesembah ke persembahan rohani, te empadai Yesus Kristus bekenan ngau Allah. ⁶ Empadai bisik detulis alam Kitab Suci: "Sebenar, Aku ngeletak ke batu te tepilih de Sion, batu penyuru te mahal, sapa te pecayak ngau Ya, ndai depemalu ke." ⁷ Bagi kitak te pecayak, yak mahal, tapi bagi sidak te ndai pecayak: "Batu te dah debuai ulih tukang bangunan, dah jadi batu penyuru, jadi batu sentuhan, batu sandungan ugak." ⁸ Sidak tesentuk, empadai sidak ndai taat ngau firman Allah; untuk yak mek sidak desiap. ⁹ Tapi kitak me bansa te tepilih, imamat ta rajani, bansa te kudus, umat empu Allah, isak kitak madah ke pempulah-pempulah te besai re Ya, te dah ngumai kitak keluar re te keleman nuju terang Ya te ajaib: ¹⁰ kitak, te subak bukai umat Allah, pituk dah jadi umat Ya, te subak ndai dekasih, pituk bulih belas kasih. ¹¹ Bala menyadik te kukasih, aku nasihat kitak, isak sebagai penatai ngau perantau, kitak nyauh kedirik re mayuh te kining, ngau bejuang ngelawan jiwa. ¹² Kalah ngau cara idup baik detengah-tengah bansa bukai Yahudi, isak antik sidak memfitnah kitak sebagai urang neraka (jurjana) sidak tau medak re pempulah-pempulah kitak te baik ngau memulia ke Allah pada ari Ya ngintu sidak. ¹³ Tunuk, empadai Allah, ngau semua lembaga mensia, baik raja, ¹⁴ atau bala wali te dutus ya, untuk ngukum urang2 te pempulah jaik, ngehurmat urang-urang te pempulah baik. ¹⁵ Empadai tuk mek te kedekak Allah, isak ngau pengawas kitak mungkam kepicik urang-urang budu. ¹⁶ Idup me sebagai urang merdeka, bukai upa sidak te nyalah guna ke merdeka untuk ngelapan ke pengenyaik sidak, tapi iduplah sebagaia hamba Allah. ¹⁷ Hormat ngau semua urang, kasih ke bala menyadik, takut ngau Allah, hormat ngau raja! ¹⁸ kitak, bala hamba, tunuk bebenar ngau tuak kitak, bukai cuma ngau te awas ngau ramah, te bengis kedak. ¹⁹ Empadai adalah kasih karunia antik urang ngau sadar ke kehendak Allah nangung penisa te bukai ya te kalah nangung. ²⁰ Empadai tau mek depadah pujian, antik urang desisa empadai ya mulah dusa? Tapi antik kitak nangung penisa empadai mulah te baik, maka yak kasih karunia ngau Allah. ²¹ Untuk yak mek kitak dekumai, empadai Kristus udah dulau sisa untuk kitak, ngau dah nudi ke teladan ke kitak, isak kitak nunak Ya. ²² Ya ndai mulah dusa, ngau tipu ndai sik alam mulut Ya. ²³ Rama Ya decaci maki, Ya ndai malas ngau caci maki; rama Ya sisa, Ya ndai ngancam, tapi Ya nyerahke direk ngau Ya (Allah) te ngakim ngau adil. ²⁴ Ya daha nangkun dusa kita alam tubuh Ya de kayu salib, isak kita te mati teradap dusa, idup untuk kebenaran. Ulih bilur-bilur Ya kitak dah semuh. ²⁵ Empadai subak kitak sesat upa Domba, tapi pituk kitak dah bekalih ke gembala ngau te meliara jiwa kitak.