¹ Wu muna njele mam, bah wu kur buhu mani. su girshi mursu, yo gir bah a mur biwi yirsu ka wu mpilar su. su pish girshi ku ciri ji'iri Baku. ² Wu pah wusu ban! su do biwi nchim bwara sa. Su do lina bwara ke su ra'asa yi bwara gima sa. ³ Do ne chew mu biwi wun yiba lo'ana lo'o man sa, chew bah wpo chiwa ma ne wu ku bum nchimsu ne su wuh mbwang su ka ne su ning i nchimsu bwang su. ⁴ Mi mor ma'anchimu i mur wun, ka mu mur ngyq kwa'am i wun bwana. Russa i za'ara ma chiri. Bungya nchimam kap i beh nuhchiri su bah sumur nuh. ⁵ Bah sy yuana Makidoniya, yirsu do kuma noss sa. I kun beli, su kuma su'uru nchimu ku wu njere bwana ku ban la'ahun i nchimu ku nzai, ji'iri kpa ku bui. ⁶ Kpah mah Baku ba za'ara wu ba chiri, za'ara su ma chiri i yo Titus. ⁷ Do ku chew yoi na ma Baku nwangna wu su i nchimsu sa, ku tra'a beh nong i nchimu bah Titus ya'ana yo bawun. Lo'ana wusu ku mur njere wun ma mwarai, biwi nchimu, i ngyarngya nchimu bah wui yi ta'am. Nchimam bungya bwana-bwana. ⁸ Mpuknsheme ba ngwa'ala biwa wunu nchimwun, do pa'ana ne ngama shi'ila sa, kpah mah bah suna ne beh mpuknsheme biwa wuna njimwun yiba pa'a ngashi'ila. Beh biwi nchimwun ma mur ban chige'e bah. ⁹ I mur bungchimam i mani, do chew ne nchimwun wo biwa sa, chew bah beh biwi nchimu wun wara wun mayo pe'egirshi. Wu sunu biwi nchimu ma shimai, chew mani wu do sahya gima sa ku ta'a su. ¹⁰ Chew ma biwi nchimu yo bah Baku i war mashen pe'egirshi bah i marsa ya'abuhu do chewne ngamashi'ila sa. Biwi nchimu ma tahramman i war mashen wuh. ¹¹ Wu sun beh mor pahnchimu bah biwi nchimu ma yo bah Baku wara wunu. I lan beh mor pahnchimwun ne wu sah ne wu doi girbiwa sa. I lan beh mor li nchimwun i woss wun ma sun ne a pa'ana ngichewe! i mur gir bwang wu sahna mur ne so pa'an girbiwa sa ku beh cirfi pa'a mani. ¹² Ngwa'ala do chew bah pa'a girbiwa ke ba a pa'a yi girbiwa sa. nwa'ala ne ngyarngya yrwun ku ta'a su a shi'ila ku dum Baku. ¹³ I ta'a mani yiba su kuma ngyarngya. Imur za'ara nong nchimsu, bungya nchimsu bwana i bungnchimu ma Titus, chew bah mpilar yi kuma girshi yo bawun mbwang, wun. ¹⁴ Na ngyana kwa'am i wun ku duhi, nzoon do bwala mi sa, i njere gba'ai, bene bah wu gir bah su chiwa wunu a ningya ngichewe, ngya kwa'asu i wun i bah Titus ningya ngichewe. ¹⁵ Njelei ku mur wun i bwana, bene bah i ningyi ri'isa i wo'okun wun mbwang bene bah wu ya'a nai i ji'iri ka i binyiru. ¹⁶ I mur bungnchimam bwna chew ne mi i ma'anchimu bwana i mur wun.