¹ Gba'a moh ngya kwa'am, na do mu kum yam gima sa, mo liduwa i sunduwa ka i lo'o sunduwa yo bah Tarsu. ² Shi'ila bwara i ciri Kristi, bah ba'a lum kuni yinung bah bwa'ala ku yiru ke do ku yiru sa, do shi'ila sa, Baku yi shi'ila a twalai mashen kallang ma tarung. ³ Shi'ila beh bapina ku ciri yiru ke do ku ciri yiru sa, do shi'ila sah, Baku yi shi'ila. ⁴ A twalai mashen ban ningya ma shimai wa'ana lo'o bah bwarra do jina lo'o sa, ⁵ Mo ngi ngya kwa'am makun beh bapina beli, mo do ngya kwa'am ma mam giram sa, mo ngya i mur shewe mam. ⁶ Na ne mu ngya kwa'am, ko do ning chew mgbutuk sa, chew mo ningyi lo'o ngichewe. mo ji'ingi gya ku'u, chew ne bwara do twalam ne ganna gir bah suna ke i wa'ana yo bam. ⁷ Mo bang yi ngya ku'u chew beh mo'oro gir sunduwa chwew ne mu do tolmuram bwana sa. A swana mi i jue, mun tumu bah girbiwa pana yam chiri, ne mu do tolmuram bwana sa. ⁸ mgba'a tarun ma nira Tarsu ne i wuk yam mani. ⁹ Ka chiwa yam ne, "nzo yam jina wu, chew ku ngyarngya i rusu ku bana shewe," ku ta'a mani mo njel mu ngya kwa'am i shewe yam chew ne ganmuru ma Tarsu ning i bam. ¹⁰ Chew mani i jina mi hu chew Tarsu. ku ciri shewe, ke sheshe, ke su'uru ban ke mahmah, ke lihchiri. Ne i ban bah na wuhna gan mu kum ngyarngya. ¹¹ Ningya mgbutuk! Wun ma'ana mi nah, bongya ne wu limam, chew do wassa ma sun wu bah a tu'ula ya ne wu mo'oro wu muna tumu sa, shi'ila ne mi do gima sa, ¹² A pa'ana girsunu mangichewe mo muna tumu ku ciri wun i dangnchimu, i girsunu ka girfah kunu ka mo'oro tumu. ¹³ Mani ma'ana wu do ningya girshima ku ciri wu bah warta'a Baku sa, chew ne do ningya wunu girsu'uru nchimu sa? Wu zus yam beh girbiwa mani. ¹⁴ Wu sunu! girsa yiram ne mu yo bawun ma mgba'a tarung. Mo do ning wunu lu'ura ka'ala sa, chew do wu munya pe'e gir wa tarya sa. Kpah ma bongya ne wu Taru a pe'e gir wa wu mun. ¹⁵ Ku bongnchimu bwana ne mu pa'a wunu gir bah wumu pe'e na ningya ne mu tal i nchimam. Na njila wun bwana, mi a njilama chige'e? ¹⁶ Bene bah i ham, do chila wun lu'ura ka'ala sa, Kpah ma, chew bah mi bah nzor yibah bwala wun i lere. ¹⁷ Ke lina wun i ta'a wu ba tumaya mashen bawun? ¹⁸ Nira Titus ne i shen bawun, ai mo'on so'ongi su. Bah tura wun Titus, lihna wun, do ciri mgbu'u mo'on yi bah su shina sa? ¹⁹ Wu mur sun ne i mani bwang sumur kurta'a su ku dum wun? I dum Baku yiba su mur chew wu gir bwang i ciri Kristi ne su pah wunu ngyarngya. ²⁰ Mu mur bang ji'iri ne na yuana mo do kum wun bene bah mu mursun bene su mur bang ji'iri ne wo do kumam bene bah wu mur sunbene sa. Mu mur bang ji'iri ne a kum lihnan, pa'a mishiu, pa'a bura, pa'a duwa, rengchie, tolmuru ka su'uru ban. ²¹ Mu mur bangji'iri na bunyere yuana Baku ko ngi ma'am mu ning biwam i dum wun. mu mur bang ji'iri ne nchimam ho biwi ta'a wu bapina bwana ba a pa'ana girbiwa mayo ban mani, wu ba a do pisa girshi i mur girbiwa ka pe'e wu maam ka pe'e wu muna sarri ka njel girbiwa bah a pa'ana sah.