¹ V 1 Bulus, muntumu Kristi Yeso ka ta'a gir bah Baku njila, ka i Timoti so'ongi su, mashen boh ba warta'a Baku ma Korontus. Ka wu mu'urusu ma nza Akaya. ² Nzoh Baku ning i wun ka i ningshima yo bah Baku Tarsu ka beh Tarsu Yeso Kristi. ³ Lemme ning ma Baku ka ma Tar Tarsu Yeso kristi. yini Tar wu sun ciri, ka Baku ma za'ara dangnchimu. ⁴ Baku i za'ara su, suna mu lichiri, ne su ngi za'ara wu bah na mur pa'achiri kpanah, su mur za'ara wo bwara i za'ara dangnchimu bene i beh za'ara dangnchimu bah Baku i za'ara su iyi. ⁵ Bene bah wu ciri Kristi bana chew su, yi bah za'ara dangnchimu su bwana ku ciri Kristi. ⁶ Kpah ma suna mu nuhchiri, i ku tah za'ara dang nchimwun i ra'asa wun yi ma'ana su na ya'ana beh za'ara dangnchimu i chew za'ara dangnchimu wun. Za'ara dangnchimwun i mu pa'a tumu bwana wuna dangna nchimwun i mu pa'a tumu bwana wuna dangnanchimwun i beh nuh chiri, bah su mur nuh. ⁷ Ma'a nchimsu i wun chilla su shi'ila ne bene bah wumu nuh chiri i su, wo pah za'ara dangnchimu i su. ⁸ Su do njila ne wu sahai sh'e'ele sa, wu mu'urm, ku mur beh lichiri bah kuma su ku Asiya. A gwa'ana su bah ghana ngyarngya su, bah ma'ana su pura i nchimsu ne so bassa bong. ⁹ Ngichewe su lina chir ma wuh. mani pa'na ne su do ma'anchimsu i mursu sah, ikun beli su ma'ancchimsu ku bah Baku. ¹⁰ Baku ra'asa buksu yo lichiri ma suh, ko bass ra'asa buksu kpah. Su ma'anchimsu ku bbene ko bassa ra'asa buksu. ¹¹ Ko pa'a mani wuna kuma su i nere wun, wu bapina bwana a ho bwat ma kunsu chew pah nzoh Baku bah a pana wusu ku ta'a nere wu bapina bwana. ¹² Gir bah ma'ana sumur ngya kwa'asu yi mani, re'esh nchimsu rengya kunsu ne su shina shene su ha tahramman i re'eshe re'eshe ma shimai ka i ngichewe, su do ma'anchimsu ku mur nzor ma bapina sah, su ma'ana ku mur nzor Baku. ¹³ Su do ngwa'ala wunu gir bah wo dongi balla ke wu ngi she'ele sa, ma'ana nchimam ne wo she'eli bwana. ¹⁴ Bene bah wu shi'ila chige'e yi mani. Wo ngya kwa'awun i su ku duk ma Tarsu Yeso nene bah so ngya kwa'asu i wun kpana. ¹⁵ Chew bah ma'ana nchimam i mani, yi bah wo njila yo bawun i ma mo'on, ne wu kum pah nzoh Baku ma baring yi. ¹⁶ Wo njila shen ba wun, bah na mur kwanjere mashen Makidoniya ka njila mu shen bawun na mu bunyere yo Makidoniya. Ka njila mu shen bawun na mu bunyere yo Makidoniya, ne wu tumam bah na mu kwanjere yam mashen Yahudiya. ¹⁷ Bah wo re'eshe bene mani, wo mu sojik? Mu mur bas wu gir man bene ma bapina, ne mu chew ne, "I, I" ka "wii, wii" ku bah mo'on? ¹⁸ Bene bah Baku yi bah ngichewe, lo'o su mashen ba wun do "I ka wii" sa. ¹⁹ Mun Baku, Yeso kristi bah chew yi, yibah Silbanus, Timoti ka i mi su lwa'an wunu i muri, do yi "i" ka "wii" sa. Ikun bili yini "I" duhi-duhi. ²⁰ Wu gir bah Baku pana kuni ku mur ya a ningya "I" ku ciri yi chew na kpah na ku ciri yi su ne "Innah" mashen kahkah Baku. ²¹ Baku yi ma'a su mangichewe i wun ku ciri Kristi, ka swa'ana su muru ku mursu. ²² ma'ana garai ku mur su ka i pana wusu mpilar i nchimsu bene pahyere i mur wu gir ba a wuna. ²³ Kpah ma tu'ula Baku ne i rengkun nchimam chew gir bah ma'ana do yuana korintis sa, yini chew mu ya'a kun wun. ²⁴ Su do mur pa'a ne su ning tar pahngichewe wun sa. I ku bili, su mwan tumkorom i wun, chew bungnchimwun bene bah wu chilla i mur pahngichewe wun.