¹ لە پۆڵس، کە بەندکراوە لە پێناوی یەشوای مەسیح، هەروەها لە تیمۆساوسی برامانەوە،بۆ فلیمۆنی خۆشەویست و هاوبەشمان لە خزمەت، بۆ ² خوشکە، ئەپفییە، و ئەرخیپۆس، کە سەربازە لەگەڵمان، هەروەها بۆ ئەو کڵێسایەی لە ماڵەکەتدایە. ³ با ئاشتی و بەخشش لە خودای باوکمان و یەشوای مەسیحی پەروەردگارمان بۆئێوە بێت! ⁴ هەمیشە سوپاسی خودام دەکەم، کاتێک لە نوێژەکانمدا ناوی تۆ دەهێنم، ⁵ چونکە خۆشەویستی و سەرڕاستی تۆم بیستوە بۆ یەشوای پەروەردگار،و هەروەها هەموو پیرۆزکراوان، ⁶ نوێژ دەکەم کە باوەڕی هاوبەشمان کاریگەر بێت، لە زانینی هەموو چاکەیەک کە لە پێناوی مەسیح، بەشداری دەکەین. ⁷ ئەی برا، بۆمن شادیەکی زۆربوو وەهاندرام، بە هۆی خۆشەویستیت، لەبەر ئەوە بەهۆی تۆە سۆزی پیرۆزکراوان گەشایەوە! ⁸ لەگەڵ ئەوەی مافی تەواوم هەیە لە مەسیح فەرمانت بۆ دەرکەم، ⁹ ئاگاداربە، لەبەر ڕێزی خۆشەویستی، پێشنیازی نێوان گیریم هەڵبژاردووە، منی پۆڵسی بەندکراو لە پێناو یەشوای مەسیح. ¹⁰ سەبارەت بە ئۆنسیمۆسی کوڕم داواکاریم هەیە، ئەوەی لە بەندیخانە لە ڕێگەی منەوە باوەڕی هێنا. ¹¹ ئەوەی پێشتر بۆ تۆ بێ کەڵک بوو،بەڵام ئێستا کەڵکی بۆ من و بۆ تۆ هەیە. ¹² ئەو دەنێرمەوە لات،کە وەک جگەرمە. ¹³ پێمخۆش بوو لەلای خۆم بیهێڵمەوە، تاکو لە جیاتی تۆ خزمەتی منی کۆت و بەندکراو بکات، لە پێناوی مزگێنیی. ¹⁴ بەڵام نەمویست بێ ڕەزامەندی، تۆهیچ کارێک بکەم،تاکوئەو چاکەیەت بەرەزامەندی بێت نەک بەناچاری. ¹⁵ لەوانەیە لەبەر ئەمە بووبێت بۆ ماوەیەکی کورت لێت دوورکەوتەوە: تاکو بۆ هەتاهەتایە ببێتەوە هی خۆت، ¹⁶ جا لە مەولاوە کۆیلە نییە، بەڵکو چاکترە لە کۆیلە، برایەکی خۆشەویستە، جا ئەگەر بۆ من وابێت، ئاخۆ چەندە زیاتر دەبێت بۆ تۆ، کەبرایە لەجەستە و لە مەسیحدا؟ ¹⁷ جا ئەگەر تۆ من بە هاوبەشی خۆت دادەنێیت، پەسەندی بکە وەک ئەوەی منبم. ¹⁸ ئەگەر خراپەیەکی لەگەڵ کردوویت، یان قەرزێکت بەسەرییەوە هەیە، لەسەر منی بنووسە. ¹⁹ من پۆڵسم ئەوەم بە دەستی خۆم نووسیوە: من ئەتدەمەوە. نامەوێ بیرتخەمەوە تۆ خۆشت قەرزداری منی. ²⁰ بەڵێ برام، لە پێناوی پەروەردگاری خاوەن شکۆمان، ئەم چاکەیەم لەگەڵ بکە، بە مەسیح دڵگەشاوم بکە. ²¹ چونکە دڵنیابووم لە گوێڕایەڵیت، ئەم نامەیەم بۆت نوسی، وە دەزانم کە زیاتر لەوە دەکەیت کە داوات لێدەکەم. ²² لەگەڵ ئەوەشدا، ژووری میوانداریم بۆ ئامادە بکە، چونکە هیوادارم بەهۆی نوێژەکانتانەوه بە ئێوە ببەخشرێم. ²³ ئەپەفراس سڵاوت لێدەکات. کە لە پێناوی یەشوای مەسیحدا، لەگەڵ مندا بەند کراوە، ²⁴ هەروەها مارکۆس، و ئەریستەرخۆس، و دیماس، و لۆقا،کە هاوڕێ من لەکارکردن. ²⁵ با بەخششی یەشوای مەسیحی پەروەردگار لەگەڵ گیانتان بێت!