¹ Иаков - Бурганның база Дээрги Ииисус Христостуң чалчазы, өске чоннар аразында чурттап чоруур он ийи аймаанга. Өөруңер! ² Мээн акыларым, янзы бүрү шенелделерге таваржы берзиңерзе, ону улуг өөрүшкү-биле хүлээп алыңар, ³ Силерниң бүзүрелиңер шенелдези шыдамыкай чорукка эккээр деп билир силер. ⁴ Силер бичии-даа четпес туда чок, долу бышкан апаар кылдыр, шыдамыкай чорууңар өзер ужурлуг. ⁵ Кым бир кижиде мерген угаан четпейин турар болза, ол кижи Бургандан дилезин, Ол кижи бурузунге чемелевейн, элбээ-биле бээр. ⁶ Чигзинген кижи, хатка өөру көдурткеш октадып турар далай чалгыынга дөмей болур, ынчангаш чигзиниг чок бүзүрели-биле дилензин. ⁷ Ындыг кижи Бургандан кандыг бир чуве алыр мен деп бодавазын. ⁸ Чигзинип чоруур кижи, бодунуң амыдыралының оруктарынга турум эвес. ⁹ Бурганга бүзүрээн ядыы кижи өру көдурткен дээш чоргаарланзын, ¹⁰ А бай кижи куду бастырар, чуге дизе хову чечээ ышкаш чиде бээр. ¹¹ Изиг хүн үнүп келгеш, оът сигенни кургадыптар, ооң чечектери дужуп каар, ооң даштыкы чаражы чиде бээр. Шак-ла ынчалдыр бай кижи база бодунуң оруктарынга оңуп каар. ¹² Аас-кежиктиг кижи дээрге шенелделерге быжыг туруштуг, чуге дизе ол шенелде соонда Дээргиниң ынак ажы-толунге аазааны чуртталганың шанналын алыр. ¹³ Кажан шенелделер келирге: «Бурган мени шенеп турар» деп чугаалаваңар, чуге дизе Бурган каржы чорукту Бодунче чоокшулатпас, Боду база кымны-даа шеневес. ¹⁴ Ынчалза-даа кижи бүрүзү бодунуң күзел соруунга башкартып алгаш шенелдеге таваржып чоруур. ¹⁵ Тыптып келген күзел, бачытты боттандырар, а кылган бачыт өлумге чедирер. ¹⁶ Мээн ынак ха- дунмам боттарыңарны мегелевеңер. ¹⁷ Эки белек бүрүзү болгаш делгереңгей чаялга Дээрден чырыткыларның Адазындан келир, чүге дизе Ол өскерлиш чок болгаш өскерлиишкинниң хөлегези безин чок. ¹⁸ Оон чаялгазының баштайгы чимизи болзун дээш, Ол күзээш, алыс шынның созу-биле бисти боттандырган ¹⁹ Мээн ынак ха –дунмам, сактып алыңар, кижи бүрүзү килеңнээринче болгаш дүрген чугааланырынче далашпайын, дыңнаарынга белен болуңар. ²⁰ Чуге дизе кылыктанган кижи Бурганың шынын кууседип шыдавас. ²¹ Ынчангаш кандыг-даа арыг эвес чуул база артыкшылдыг каржы чүүлду кыдыынче чайладыпкаш, Бурганнын чүректериңерде тарып турар сөзүн, силерни камгалап шыдаар, күчүлүг сөстү чөпшүл хүлээп алыңар. ²² Боттарын мегелеп турар чүгле дыңнакчылар эвес, а күүседикчилер болуңар. ²³ Чүге дизе сөстү дыңнааш, ону күүсетпейн турар кижи көрунчукке арнын көрген кижиге дөмей. ²⁴ Ол бодун көрүп алгаш, хая көрнүп келгеш, кандыг турганын уттуп алыр. ²⁵ Кым дээди хоойлуну болгаш хосталганың хоойлузун шингээдип алгаш сагып чурттап турарыл - ол уттуучал дыңнакчы эвес, а ажыл –херек-биле күүседип турар аас-кежиктиг кижи-дир. ²⁶ Бир эвес силерниң араңардан бир кижи бодун ачы-буян кылып чоруур мен деп бодааш бодунуң дылын башкарып шыдавас болза, ол бодун мегелеп чоруур, оон ачы-буяны ажык чок, хоозун болур. ²⁷ Бурган Аданын мурнунга шынчы, арыг, бачыт чок амыдыраары дээрге: өскүстер дээш сагыш човаары, дулгуяк кижиниң айыыл -халавынга дузалажып турар, база бо делегейниң хир - чамынга алыспайн чоруур кижи ол-дур.