CAJIICHAANA E´CATÄ´JÖDÖ ISRAELITA WWÄIÑE 4
1
Samuel cönadeuwöi tameedä Isdaeditacoomo wää. Isdaeditacoomo nejacaicho eduuwa Filisteo jadäiñe töwewänäätädöcomo wetä. Tönwanno cönejatatäicho Ebenezer ña, Filiteocoomo mane cönejatatäicho Afec ña.
2
Filiteocoomo chänönge cöneconecajätöicho töwewänätädöcoomo wetä Isadaeditacoomo jadäiñe, wänä wajäntajäcä, Filiteocoomo cöncanacaicho ñanno Isadaeditacoomo acäichea miide soto cönäjajoicho wänä aca.
3
Yääwä soto wädöacomjäcä töweichocoomo döiña inchocoomo Isadaeditaiñan coomo cönädöato: "¿Ane´cä´menei Cajiichana Wanaadi cöcanacajoto eduuwa Filiteocoomo wäiñe? Eichantäcä Cajiichana Wanaadi jatuwai Sidon ña nadö, etä yeichöwetä cödötäiñe cädachäneichomooje cutudetäneichomo jonno."
4
Yaawä cönanontoicho dhanwacomo Sidon ña; Inñanno cönnejato Cajiichana Wanaadi amodecoomo edhajätoncomo jatuwai, yää dewä cönä´jato querubin. A´nädä Eli nacomo Ofni, Fines mmaja. Wanaadi jatuwai de´wä cönä´jato.
5
Yaawä Cajiichana Wanaadi jatuwai wä´döa´jäcä yeichocomo döiña, tameedä Israelitacomo cöncätömöicho jäduje nono cönä´tumei yaawä.
6
Yaawä Filisteocomo cönetaicho jäduje chätömödöcomo cönä´döa´to; "¿A´queene töwä´döse yeichö mädä jäduje cätönnä nätadö, Hebreos weicho´como döiñanno?" Yääje mma yaawä töncwanno dhowanäcäiñe cönä´döi Cajiichana Wanaadi jatuwai yeichocomo awä yeichö.
7
Filisteocomo cönäcatoncaicho yaawä cönä´döa´to: "Wanaadi nädöi yeichocomo döiña." Edääje mmaja cönä´döa´to dea:
8
"¡Conemjönö cöjä´cäiñe ejadätai eduuwa edä nöngato ejäädätädä cönä´jacä jenaadä. ¡Conemjönö cöjä´cäiñe ejaadätai! ¿Änäcö cödachatäiyede yanadiyöcomo jädujacomo jonno? Canno ñanno Wanaadi Egipto ñancomo cönewänätoichodö ännede jödödä jata jemjönöiña.
9
Jäduujene eichäcä, dhanwacomo je mmaja, äncwano Filisteocomo, Hebreo sotoichomo je naato´de. Tönwanno cönä´jatodö je osotoichomo je. Dhanwa je adhe´wänätätäcä."
10
Filisteocomo cönewänätoicho yaawä Israelitacomo cönäcanacajoicho chawwaiñe. Dhantai dhanwacomo cönänejeicho tä´sacaiñe, jooje soto cönä´jajoicho; 30 mil suddawocomo Israelita cönä´jajoicho.
11
Wanaadi jatuwai cönenemmöcöicho a´nädä Eli nacomo cönä´jajoicho Ofni, Finees mmaja.
12
Toni dhanwa cönäjacä Benjamin weichö, töwö cönänejei wänä acanno cönecatömöi, Silo ña cöntämä yää anoto dea yomö töweshichajäe cönä´döi ijujä nonoje mmaja.
13
Yädödawä Eli shucä cönä´jacä atäi de´wä ääma e´jiwä enemajätödöje wentumje cönä´jacä töwano jadädä Wanaadi jatuwai jäcänchädä. Yaawä ñäädä dhanwa wädöajäcä wätunnä cönecammai tameedä jatawoncomo cöncätömöicho.
14
Yää wewodoichano eta´jäcä Eli wä cöncätömöi töwö cönä´döa´cä: "¿A´quene töwä´döse yeichö mädä wewodäoichanä quee?" Yäädä dhanwa cöntämä yöiña cönecammajätöi Eli wä.
15
Yaawä Eli cönä´jacä 98 wedu, tänuuqueda töwö cönä´jacä eneejacha.
16
Dhanwa cönä´döa´cä Eli wä: "Öwö ñäädä wänä acano jödö. Öwö wänejene edä anoto wänä acanno." Eli cönä´döa´cä: "¿A´quene cönejadätäi dhanwacä?"
17
Ñäädä dhanwa wätunnä cönnejädö cönä´döa´cä: "Israelitacomo nänejeicho Filisteocomo owajoiñe. Jooje soto nä´jajoicho dea. Ännacomo mmaja ñäädä Ofni, Finees mmaja näjajoicho dea, Wanaadi jatuwai mmaja nemenmöcäicho dea."
18
Wanaadi jatuwai jäcä yadeuwajäcä, Eli cönejuicai tatei de´wonno mönatata dötä, jömödö cönataiyo, cönämai yaawä inchomje töwö cönä´jacä, täjuiye mmaja. Töwö Israelitacomo cönesetäicho 40 wedu.
19
Ñäädä ijadanö, Finees jinñamo wensude cönä´jacä tönneque ennujai. Yää wätunnä etajäcä Wanaadi jatuwai emenmecödö töwodömö, töiño wämajödö etajäcä mmaja. Tönnedö yemadö cönajäntäi inñedö cönennui yaawä.
20
Ämääjai yädöajäcä, wodiiñamo iwatädöje cönä´döa´to: "Tösadeda eichä ännedö dhanwacä nennui." Töwö anetada cöneiyacä äcu´jätöda mmaja.
21
Töwö tönnedö cöneetäi Icabod töwä´döancädä: "¡Aashichato nötämä Israelitacomo jonnoiñe!" , Wanaadi jatuwai emenmecöjödö yeijäcä, töwädämma töiñö wämajödö jäcä mmaja.
22
Töwö cönä´döa´cä: "Aashichato nötämä Israelitacomo jonnoiñe, Wanaadi jatuwai emenmecöjödö yeijäcä."