Pasal 1
1
Wali nembut Zefanya no,Kusyi danon,Gedalya danon,Amarya danon,Hizkia danon,Yosia ku n'go,Amon danon,degunea Yehuda.
Wali Demu Tuhan go ku Nogo
2
"Genam lo Naklai-naklai ku kenam blono mesuop,"Wali nembut.
3
Genam o sude kabung ey menai naklai-naklai mesuop Genam lo wei kabut ut blo s'go ey wob dasi byab no go mesuop,sudue kabung iseng ey ku no blono mea net ey ssudue kabung naklai ku knan blono kebong,"Wali nembut.
4
"Genam ta mei tui Yehuda nogo ey sude kabung Yerusalem naklai.Ngga no,Genam lo yan Baal sip ngge n'go mesuop ngga no sude sude kabung degno kukenan sksgo ey,
5
Ne ,nemotang yap bgit bloso dewi so pugo susu so bung go nang ple sude it sogo ey nemotnang iram no dewi pen go nang no waio Milkom demet no tandali dewi pu,
6
ey nemotang Tuhan siksogo tuei go,tandali kwa nemot no kwa iwot no nemotnang Tuhan go duduing kwa kerlam ey,
7
Yakotso Ki Wali iram go masi bano suing,no,Tuhan go ku mo dagu,no Tuhan lo menai taiti so mo nu ey sude kabung ta duong sogoso mo ikum nawon."
8
No menai taitu Tuhan siksogo kungga,Genom ijekba sude yengkabi-yengkabi nogo ey sude kabung naklai amke menoi kok go naklai.
9
Ku ngga no,Genam tandali yekba mea iti sude kabung naklai no yataput sik sogo sip go,ngga ey sude kabung go yap so iseng ey no wamoi mle ey suing go."
10
Ku ngga no,"Wali nembut,"Sude kabung wali kuklung go mea tup yataput ikan sik sgo,uyagui yakna demening siksgo,ey ku klum mundum-mundum sik sgo.
11
Uklo ya,sude kabung yakna lumpang!No,sude kabung nai ta nang so mo loguot.
12
Ku ngga nemot no,Genam Yerusalem mea wet pelita ey ngga nemot ey sude kabung sasuik pei ey go ijekba mea iti anggur klemesing kalik ey dabui bano mot tra go:'Tuhan tasam suei go yakwa semu no tasam suei kwa go yakwa semu dali!
13
Nemot nang go drang mae gluik ngga ey nemot go yap nang mea net trong nemot nang yap mea bong,no ngga bano yakwa suing anggur usu mea klik no anggur seni yakwa drop."
14
Tuhan go ku dimang ey gabe mo dagu,kateba seni dagu go no Tuhan go ku nembut ey,sude-sude don ey go u bete ey mea klo.
15
ku ngga nemot ngo bite ey,deding ey idekeba ey ku,koy wong ey idekeba ku,kukuim ey,ut kenuim lo mo kedik go ku,
16
Ku ugonangso sangkakala gaei kluim semugo kota-kota ga yaisusuing go gaei ga menara penjuru ga walonggo.
17
Genam lo piam-piam sikabung ngo mia semu,gaei nemotnang sude nemu punggo kalik mia kelong,ga nemotnang kon mamo semu Tuhan nego.Nemotnang go kin mia pi ga sungkalik gano nemotnang go pok kui kalik.
18
Nemotnang nego suey yakwa pung ga nemotnanggo perak ei emas ego lo ga Tuhan go ku nego,gaei sip suing naklai nemugo oi piam golo mia dam go kwa;ga naklai kwa gonang so no'o kwagonagso kongokgo nemot lo mia semu naklai yakna sude naklai nego.