1
Genam nemu blosono mang iti ngano mang ikum sam klaut mang pling.
2
Nemot do genam sno mang pu,"Nga sgo ikum to?"
3
Ngano,nemot do mang pu genam sno,"Nge piam-piam pung go ma waruk nakai.Sedue kabung naklai womso smu go mayat nemogo sam klik iji sno mang banom so,sedue wamoi so mulue go nga sno mayat nemogo sam klik banom dali.
4
Atdo pu goso klong lak go,nembut don nei go Ki Wali kukenan so lemoi gosikso go.Piam go nga wom sedue go yap bano ma sugut,ngano suue nga wamoi mulue-Agu sui no pen klong go nemo go yap basno ma dugut.Piam go nga nemotnang go yap bano usne ei masrek ngano nemotang go yap ba mawaluk nemogo di nemogo demu naklai.
Kabung ei buso sre go ei
5
Ki Wali tamot nga genam ei nembut so pengo jasno kabe pung ngano kabe pu,"Nemu yarap ko ikum ga sgo pung.
6
Genam lo tandali kabe usi,"Nga sgo?Nemodo kabepu,gantang,"nge iseng sedue kabung nge sogolo smugo!
7
Ikuma,gantang tima nemogo dam pling go blosno klak go,neguon so ikum go kabung klaya gantang nesip bano suing go.
8
Ki Wali tamot do mang pu,"Nga kefasikan!"Ngano kabung nga nemot tandali mang rulo gantang basno ngano batu tima nganemot mang pui nemogo dam so kibet ko blosono gantang temoi no.
9
Nga ei,genam nemu kabe iti ngano kabe ikum kabung namon tabang nimbut lo lekgo mang weng.Nemogo tabang wiranggung nemotnang gantang lek go nan ei go nesip lo.
10
Ngano,atdo mang usi Ki Wali tamot nga genam ei nembut so pen gono,"Nemotang gantang nagosno lek go koklong?"
11
Genam sno kabe pen,"nan Sinear sno yap klik genang so kabung ngane mot nogo.Yam so klik gono,nemot ngano masuing,nemogo sip banamso."