Pasal 3
Demu sung koiso pui-puit go
1
Ngano Nemot mang taling genam sno demu sung koio pui-pui go nemogo sui Yosua wisiso ipgo Ki Wali tamot mitno,Ki Wali siksogo,ngano maso nemot mitno ip tase malea ijino nemot mulue genang so.
2
Ngano Ki Wali lo maso no mang pu,"Ki Wali mot kabe tigili maso!Ki Wali lo Yerusalem kuoi go,kabe tigili mot!MOt kwa snung nemot nge di kali koi basikso sok go,
3
Yosua nemot amka kon nei go kokgo,ngano nemot Ki Wali tamot mit no ip.
4
Ngano,Ki Wali tamot lo mang pu,sedue kabung nemot mit no ip goso,"Sok ga amka kon nei go nga nemogo ssisuk siksogo,"Nemot do mang pu Yosua sno,"Ikum a,genam lo mo tega migo piam-piam go ket sno,At do mot sno amka walopso pepla go kabe kokok."
5
Ngano,nemodo mang pu,"Kibet da serban suei go nemogo wengkabui no!Ngano,serban suei go mang kibet nenawon nemogo wengkabui blono,ngano amka kok nenawon dali,Ki Wali tamot nemot mitso ip go sui-suing.
6
Ki Wali tamot do sgo-sgo nakali Yosua sno mang iti,ngano mang pen:
7
Nembut son nei go Ki Wali kukenan so lemoi go sik sogo,mot sniso tap-tap atab taling go blok moko klong ngano mugo kebali mo smu tegoi Atdo mot Ago sno taling go,Ago yap ta modo ma mlok ngano Ago yap ba wlong motdo mata Atdo pugo mot ma dugut yap dabui bano mot sedue kabung tenso tetago mit sno.
8
Setup dmu sung koiso pui-puitlo Yosua!MOrt mugo andua-andua mugo dbui iji no sung lak go sni so,matang nga lambang kalik.Sniso,Genam lo pugo maweng Ago-hamba sang tunas.
9
Nga,sni seguong so,Yosua go nemuku jano,permata klaya nemogo numu taji naklai taiji so namon.Sni seguong so,At do sam maklik Ago talo nemot blono,nganembut don nei go Ki Wali kukenan so lemoi go siksogo,genem lo nemo go piam-piam go ma suep kuklaya go datono kuklaya go bano.
10
Ku nganemot no,nembut don nei go Ki Wali Wali Aya kukenan so lemoi go,sedue klaya-klaya mot mit siksogo nemo go andua ei wawi go seweng go suing anggur ei ara ei go nuik bano."