Pasal 1
Ki Wali go dui-duing nemogo sedue kabung nemot no tandali sekong.
1
Banu taiji-taijiso nangglik yagui namon perintah Iram Darius nembut kluim donei go Ki Wali siksogo mang weng nabi Zakharia no,danon berekhya danon ido,ngekalik,
2
Ki Wali klum mo kwa mugo babu asinogo.
3
Nge kalik kabe nembut Ki Wali kukenan,'So lemoi go siksogo,tandali iwot wengklak-nam mitsono.
4
Motang mugo babu asi kalik kua,nabi bamim go nemot so sno mang usi,ngekalik;Nembut kluim Ki Wali kukenan so lemoi won go,tandali iwot motang go tap masi piamgosiko go ngano tasam-tasam piam siksogo no,nemotnang tup go moi so kwa tup go kalik Ki Wali go nembut.
5
Mugo babu asi,nagoso?Nabi-nabi naklai maning nemu kiki so sui-suing lak?
6
Wali nembut nemogo sang-sang motui sing At do mo pen Ago Tamo-tamot no,nemotnang lo mo pendali motang go babu asi nogo?No nemotnang go kuklue,piam kebamling mang itak,ngano mangpen ne nawon,"Ki Wali kukenan so lemoi go atang no piam iwot go nam namggo tabat sikso,nam nang go kunala piam sikso!"
Amble Manai Namon-namon
7
Ku masi namon ta namon banu namon-namon ta namon taiji so klaya,nganemot banu syebat,yagui namon ingkabut Iram Darius,nembut Ki Wali sikso go mang weng nabi Zakharia nogo,danon berek danon ido nge kalik,
8
Kuklik gono,namlo ikum go sudue amble nemai bombom sogo blono klakgo!Nemot di murap bano mang ip dai bano,taton sgo amble manai mata so mang bombom sogo,didop likuoi go suk sgo kalik go,klaut sogo.
9
Nam ma usi,"Nge nemogo sni,sogo kalik Ki Wali tamot?"Nga Ki Wali tamot nam ei nembut so pen go lo mang pu,"Genam lo mot no ma taling nemogo sni?"
10
Sedue nga di murap bano ip go lo mang pu,"Nemot nang Ki Wali lo kuoigo kukenan nemu wet nang so."
11
Nemotnang lo mang pen Ki Wali tamot nga di murap mata sogo bano ip go,ngano mang pen,"Nam nang kukenan nemumo wet:Siniso,kukenan kuklue kua swei seguong so."
12
Ngano Ki Wali tamot lo nge kalik kabe pen,"Ki Wali kukenan so lemoi go,ku walong ,nago yamso mot klum mot trago Yerusalem nogo kota-kota Yehuda nogo mot nemotnang nogo klum ya kwa iwot?Mot do nemotnang itak go yagui 70?"
13
Ki Wali lo mang pen Ki Wali tamot nga namei nembut so pepen nembut sueigo dabui don so kokgo.
14
Ki Wali tamot nga namei nembut so pepen golo at no mang pu,"Sepepen klong,nembut klum donei go Ki Wali kukenan so lemoi go siksogo,Genam sangka kangok dega Yerusalem ei Sion ei so nogo.
15
No Genam piam motui saua-saula nogo nemotnang lo pugo nemot nang sno piam suguai so talinggo,nemotnang bano piam-piam go kangok so ma lemoi.
16
Nga sogoso,nembut kluim Ki Wali siksogo,"Genam tandali Yerusalem sno maklong Ago klum ei,Ago yap tandali maklik,nembut kluim Ki Wali kukenan so lemoi go,siksogo.Ngano tagan walong malek Yerusalem blolo.
17
Tandali kabe pepen,nembut kluim Ki Wali kukenan so emoi go siksogo:KOta-kota singinku yakna so ma lemoi Ki Wali lo Sion nogo dabui yakai maiti ngano Yerusalem tandali blosono malek.
Tanduk namon-namon ngano besi so sesemugo namon-namon
18
Genam nemu blesono maiti,ngano mang ikum tanduk namon-namon.
19
Genam mang usi Ki Wali tamot no,nga genam ei nembut so pepen go,"Nemogo sini sgo?Nemotdo mang pu genam sno,"Ngenemot kabe tanduk-tanduk nga Yerusalem,Yehuda,Israel so wom sedue go tasno iti go.
20
Ngano,Ki Wali Genam so mang taling tukang besi namon-namon.
21
Ngano,Genam lo mang usi,sedue kabung nga uweng lakgo sgo kebali ya,ya semu neyon?Ngano,mang pen "Nge nemot kab tanduk-tanduk nga sedue Yehuda wom sedue tasno iti go nga nogo sedue kabung ingkabui blosonogo ya kua iti.Sedue kabung nge wenglak go nemotang sadui bong pling nang sgo,ngano nemotnang ma srom saula-saula go tanduk saula-saula nga tanduk blosono moti Yehuda go kukenan sno,nemotnang wom sedue go tasno iti genanangso.