Pasal 1
Dabui senilo taiti ey takebali ey
1
Musa Ki Wali lo usi nawon go ngga ey nembut pen ya nemot nang nego tanda basik sego dia so susuinggo,Ki Wali nebut pengo,"
2
nebut pen ya sedue Israel nego,nebut ngge kalik so se pen'Nagono sedue klay-klay mot nang taiti Ki Wali iti sego menai,suey go sapi nggano domba suey go ya seiti.
3
Ngga ey taiti ngga puit genang mo ngga sapi kemsi se iti klaya nemo go ta masi ku pudeng ngga ya se iti go u weng yap dia susuing nemogo ya taput nego ngga segoso dabui bataso mea suing.
4
Nemogo ta menai ngga nemogo wengkabui blono setui ngganemot segoso ta kebali ngga dabui bataso mea iti nemogo kan suep genang sogo.
5
Ki Wali nemu ku diano sapi negout ngga se tong,duo naklay ngga nemot nang imam,nemotnang lo menai nemogo kin bluim mezbah ketang lo ngga ey yap yataput dia no.
6
Menai ngganemot suk se kuluok ngga ey se i bot tebot-tebot so nago yamso se lemoy.
7
Imam Harun nemogo dou naklay mezbah blono koi puit go nembleng blon go nggano koi di gemang ta ne nawon koi blon go blono.
8
Imam Harun nemogo duo naklay nemotnang menai ibot nenawon go wengkabui ngga no nemogo benya mezbah blono koi puit ngga blono gemang duik nenawon.
9
Nemogo,teguan ngga no masi taiti genang sogo puit nang naklay bu se ulu.Nggano,imam ngga koi puit genang sogo mezbah blono.Ngga nemot,taiti puit genang sogo,taiti ngge koi,nemogo nemon suey seni Ki Wali go dabui yakai kangok.
10
Nggano taiti ngga,domba ey kambing mo,nemot naklay taiti menai kemsi nemot ta,masi suey nggano ejmot ya seiti.
11
Menai ngganemot kop genang sogo mezbah utara idino,ngga Harun go duo naklay nemotnang Imam,nemot nang lo menai go kin sebluim mezbah ketang idi,idi naklai Ki Wali
12
Imam nemot menai se ibot nago yamso,nemogo wengkabui,nggano nemogo benya,imam lo mezbah blono koi ta go puit go blono gemang ta ne nawon.
13
Nggano nemot lo nemogo teguen,masi taiti ngga bulo mang ulu.Ngga nemot no,imam-imam lo iti go taiti naklai mezbah blono gemang puit ne nawon koi lo nemogo nemon suey seni Ki Wali go dabui yakai ey.
14
Ngga ey,taiti ngganemot taiti wi kalik go mo,ngganemot taiti wi siksogo dali wi wabu kurlung a twin negmot se itigo weng Ki Wali go nego.
15
Imam nemot wi go wengkabui iti go mezbah blono nemogo kin mezbah nemo go tebuem idino-idina kaklai yamso bluim go nggano gemang puit ne nawon Mezbah blono,
16
Nemogo dit nggano gemang itigo se tega sip sung timur mezbah idi seno.
17
Ngga nemot segoso,imam dit sepluk nemogo tabang bogoso dit,no banon-banom kua ta.Imam lo taiti ngga puit nang sego mezbah blono koi puit go blon go blono mea ta taiti ngganemot koi lo mea puit nemogo nemon suey seni Ki Wali dabui yakai kangok.