Pasal
Deguo Ki Wali Yosua Nugoso Nan Kanaan Gluik Nugoso
1
Musa koybutasemu Ki Wali ngga kebong gono,deguo Ki Wali Yosua bin Nun nogoso.Musa go kengtupdue ngga,nggeklikso,"
2
Gnam go koytasemu Musa mo kebong,mot ey saula ngga naklai,klonglak sip gnam lo nemotnang negoho maiti,ngga sikabung Israel nogoso.
3
Sip nggono mogo masi dabilo no gualingmo,gnam lo mot nogoso maiti kaikso gnam tagedi Musa nugoso.
4
Sip dikwago sikso gano mudim Libanon nggano e bu kangok,bu Efrat ngga,sikabung Het go nan naklai,e beap kango woysut metno,seguay go-bagugo ngga mugo sip so malumuy.
5
Sedue banam kalik go lo motgo Wali yai yakwa nebuemku:Kalikso Musa Gnam lo pong go,Gnam mot makwa nuey mot yakwa itak.
6
Mego dabi nenam sabang,ngga nemot segoho mot lo saula-saula ngge kuknan ngge mo iti Gnam lo tategi ey ta,nmotanggo Dabu Asilo nemotnang no genang.
7
Mugo dabi nenam sabang sugoung ey ya,mugo tap mesi suei so se klong naklai e demu motno pugo Ago koybutasemu Musa lo:Mugo banom tap nggaho nggehno kwanago-nagono klonggo mani-mani Wali mugo.
8
Mot kua kai Wali sam ngge sepipen,no tega ngga kuklik kublung,mugo wali tasam mene-mene se karlam wali sam bano klik go kalik ngga mot sogoho mugo tap masi mani-mani wali mot malumoy.
9
Motnang nogo Gnam mopuyu:Motnang go dadi nenam sabang segoung ey ya?Beblop kua,dabui buluop kua sgotangso Ki Wali,mot yay kagoko,mot klonggo"
10
Nggano Yosua nembut pugo sikabung saula plewo sogo ngga,nggekalik,
11
Klonglak naklai Balo sono nembut nggekalik sepen saula ngga,nggekalik:Mugo balui dali setui,sgotangso ku nanggik motnang bu Yordan marlung ngga klong go sip suing Ki Wali mo iti,Wali Aya motnang negoso sip suing gonang."
12
Sikabung Ruben nogo,sikabung Gad nogo ey,tang Manase sogo ngga Yosua lo nembut pen go nggekalik.
13
"Musa go nembut se sagon,koybutasemu Ki Wali ngga,motnang nugoso,nggekalik,Ki Wali klum taiti Wali pega motnang nogo,nggano nanga motnang nogoho maiti.
14
Kabung-kabung ga duo sugei-sugei go motnang bagoso gano motnang go menay motnang ey sesuing gan nan Musa lo motnang nogoso mo iti ga idi bu Yordan,mot nugoho,naklai sikabung don kangkok,se lrung usui idi-usui idi nemuku ple semlak,nemotnang nase degui,
15
E Wali Aya klum taiti wali pega motnang go usudi-usudi kalik mot nogo dali,nemotnang dali masuing sip Ki Wali nemotnang nugoso maiti dali:Nggano motnang klong weng,motnang gononan banom gano sip suing nan Musa lo iti,koybutasemu Ki Wali ngga,mot nogo ga idi bu Yordan ga idi woy ple."
16
"Nggano nemotnang nembut way Yosua,ge kalik,"Naklai mugo nembut atnang nogoso,atnang matup nagono mot pugu,atnang maklong.
17
Karlam kalik atnang Musa go nembut matup,mugo nembut pn matup dali, suguong Ki Wali mot go,klum taiti Wali pega,Musa nogo kalik so.
18
Sikabung motgo nembut puyugo kwa tup mo gano mago nembut pen kua tup dali,gnam lo nmotno pugo,motma demu kebong,suguong mogo dabui demu setui!"