Pasal 2
Sedue Swey go Wali Naklai Sni
1
Genam mea ip ago sip blono di kebleng blono,genam mea iwot ganemotno mea ikum Wali Aya go tasam at nogo,ganemotso sogo ya lemoi.
2
Gano blong dem lo genam no pengo nggea se klik sedibano nggano di sam blono dabui bano,ngganemot so nemot nang ikum ne wawon go nggono mang kuek nenawon.
3
Ngga nemot so sedibano ikum go maning bubung ku ngga mo lemoy go,ngga mea kedaso kuyamsam sogono wamoi meatu yakua semu.Ku tebut nge banose bu-bung lak.Ngga nemot so seni-seni so mea neng,ngganemot sa nambaynya ya.
4
Sedue yakay kangokko nemogo dabui kukoy-kukoyso,ngga nemot so sedue swey go wali mea keng,
5
Yangga menot so sedue anggur lopaysing go ngganemt so nemot go yakay yakwa itak.Nemot go lom nganggo sedue ke bong go sip sego kalik,no kukenan kukuim bano,tom kuatra,ngga nemot so glop naklay yakim go glop yakna nakyai pulep go nemogo dabui no.
Saula lo Galuik go Nego Ide Keba
6
Ngganemot sogoso sedue kabung naklay nebut pepen tegane nawonga nemot nogo,usam piam-pia ey wayang ey,sedue kua senigo taut meamey mea ijok no nemot go kua,ku wolong kua?Nemot go saisuik mang kenok ide keba lo kenok go!"
7
Nemot go takokang naklay kusop,sedue meno ey uwet go naklay koy no puit,nggano nemot go taso kokonggo naklay Wali Aya lo yamso kusop lak.Ngganemot,naklay klay geno yaluim ngganemot so nemot go takebali kua seni go nemotgo seni naklay tandali gemang iti semogo seni.
8
Ngga nemot so genam ukluogo kangokso,genam tap masi kong go masi suk kua masi uleso.Ngga nemot so genam nemogo ide mea lek menai iseng sik sgo,nggono ku dia mea suing wi nonok kalik.
9
Nggaso nemogo kua yakua ikum mo kuet go,mo tao Yehuda no,nggano e Yerusalem go yataput no!
10
Gad nego kua pen,u kua kluo dali!Sung blolo se tetegle Bet-Le-Afra!
11
Kongklakya,motnang sedue safir,motnang saisuk ule so suong sud.Yakna sedue Zaaman yakua puluep u nembu basik sogo nemotnang mea iti Bet-Haezel bano tebok go.
12
Mugo baso mang sedue kabonggo kin blono klik go.klong ei piam-piam blono suinggo sedue benteng kelaliman.
13
Ikuma,nganemot Tuhan siksgo,kukenan so semugo nemogo sini kioli madam,yakna-yakna saula tomei matup sini kuago nemot so?
14
Nga nemot sogoso,kukenan damoi ei matam sunungdui-duing kemuliaan Tuhan,bu lo biap kibet gokalik.
15
Mugo baso mang sedue kabung bu dabai piam ei kua iti,ma yane ngano mot ma ikum mogo saisuk ule so itak go.
16
Mot nuei ma temoi nembut piam-piam so pengolo mogosui mopiam,mot se durop dali,ngano mogo piam-piam ma ikum mot uleso itak gono,cawan Tuhan nemogo ta semelea siksogo mot sono maiti.
17
Nga iseng kumuduim Lebanon siksgo mot bulono maiwot,ngano menei-menei matogo sadui bongei ma pling,sinokgo kin mata so pigo mogo iseng sikso,negri,kota,sedue kabung naklai
18
Nemogo sini sogo,talo semu-talo semu,nembut pen wamoi mulue nemot so semugo sini ei sup nga talo semugo nemot no-nemot da be nembut kuago.
19
Mogo baso mang sinok nembut koi topopno pengo,"Bongnga!"Demu nga nembut kuagono ipba!nga mogo tuiyam kului?Ikum,nga emas ei perak ei golo tugot go,seni so nganemot basogo waglo kwa.
20
Nemot da,Tuhan nomogo yap kon kwago baso.Ngaso kuknan sering no-sering no yaktso nemot banose ip!