Pasal 10
Sikabung Israel lo taybay semugo nemotnang tangso gemang yang
1
Nga ey Ezra ya kon nomot no duing ga no dewi ya gabe pu,kukluo kay sung saisuik temoi nemuki Ki Wali yabno,sikabung Israel mataso gemang pung dali,sudue-sudue,kabung nggaey denok-denok ey.Nemotanang lo u..kangok so gemang kuklue.
2
Ngganemot sogoenno sekhanya,duo Yehiel sinok Elam,gemang pu Ezra no,sni genam nang lo tasam sekua go mosemu tungo Ki Wali nogo ngga genam nang kabung nenep saula-saula nan ge sogu iti go nggeasui go nogo maning dato,Israel nogo duduing butung maning ey gemang tasam piam ngge nogo.
3
Nggeasui,wenga imot takeduit Ki Wali ey go nggano ya mea yat ko klong nangklay senun nang ey duo-duo nang ey,mogo nebut drow no mea keng nggano sikabung bobong sngong nga imgo Ki Wali go nembut don ego nogo.
4
Bonga ip ya!Kunara ngge mgo kabe,genam nang modey kerlam so mea!Don sngong so e lemoy nggano se smu!"
5
Ezra Ip biwon go gemang kuongking nengkabui taiti so puit go nogo sedue-sedue Lewi,nggano nangklai sudue Israel tagedi dok nemotnang nembut pen ngganot sngong mea keng,nemotnang tanat dali.
6
Ezra klong nemuku Ki Wali yap sikso nggano gemang degut degu Yohanan duo Elyasib.Ngga sogo no,nemot roti nang kwadam nggano bu nang kwa drop ngga karik go sik so nemot sung usne semugo wamoi mele sudue-sudue boi basono no duig nawon go.
7
Ngga ey mot gabe tra go ngga Yehuda ngga Yerusalem sedue nang nangkai nogo mo tega go se weng Yerusalem nogo.
8
Nando kwa weng moku nggklik titenogo mo,nemot nang lo yang go nembut no mo trang kose nggano pecua-pecua go nogo,nemotnang go sogo-sogo yamso mea idok nggano nemot nang klam-klam so sudue temung-temung ey suing.
9
Ngganemot no,naklai sedue-sedue Yehuda ngano Benyamin gemang pung ku nanglik bano,mgga banu taidiso namon-namon no,tanggl 20 banu ngganemot no.Nangklai sedue gemang susuing Ki Wali go yab soboy no bubong ey gemang suing lak kunala ngganemot dey nggano sahwatui.
10
Taitiso puitgo Ezra ip siwon go gemang pu nemotnang nogo,"Motnang lo kua keng nggo nogo kabung idok go nemep sogo kangok so mosemu piam sedue Israel.
11
Nggeasui,semugo seyang seni Woy Wali,Ki Wali asi babu imgo nogo,nggaey sesemu tasam Nemot do yang go ya.Tandali go ey kwa tegu senun-senun nenep saula-saula nan ge siksogo."
12
Woy banu ngga lo kerlam so nembut don gemang pu,"Sni!Mot lo pu go klik so,ngga nemot ya genam nang lo meas semu.
13
No,ge sogo mataso sudue ngga no nggeasui go ku sa,genam nang ja lo go yakua suing.Ngganemot go sogo so,kbali ge ku klaya namon go balo ya kwa semu kunara go genam nang tasam piayam go mataso mo semu takebali ge banogo.
14
Newah genam nang go yengkabui sudue lo mea ip ko pen,woy banu nogo,senew sedue nemogo nemot tang so kota atnang go dam kabung-kabung nenep eweng kuku mo pugo no kerlam o sudue trang-trang nggano pegat-pegat e kota yay sogo,sepung nat Ki Wali go kangok sogo ngganemot sogo so pikunara ngge nemot genam nang sik sogo ket sono taseta."
15
Yonatan lo,duo Asael duo Yahzeya,duo Tikwa,nemotnang lo gemang ip suing go kay sunga bebat se.Mesulam tebok dali nggano Sabetai,sudue Lewi.
16
Sikabung btep ko ey takebali kralam-kralam so gemang semu.Nggano,taito sopuitgo Ezra sedue-sedue gemang kwoy yap tngram-tngram,yengkabui.yaptngram sikso.Nmeot go-nemot go suino.Ku Klaya banu ta namon no,susuing lak ko nebut ngganemot sogemang pen ak.
17
Ku klaya banu klaya,nemotnang takebali pluok ko ngga sudue-sudue naklai nogo kabung nenep so iti go.
Sui-sui sudue Israel kabung nenep so iti go
18
Ngge melena taitiso puitgo kabung nenep so tugu go gabe:Melena Yesua,duo Yozadak,nggano ntatn yap:Meaaseya,Eliezer,Yarib,nggano Gedalya.
19
Nemotnang moyang nemogo senun nang itak sogo.Nemugo kuklue no duing go no go.Nemotnang lo klaya domba kemsi sikso ponggo domba nomogo piam semugo so.
20
Ngga sikso melena Imer:hanani nggano Zebaja.
21
Ngga sikso melena Harim:Maaseya,Elia,Semaya,Yehie,nggano Usia.
22
gga sikso melena Pasyhur:Elyonai,Maaseya,Ismael,Netaneel,Yozabad,nggano Elasa.
23
Ngga sikso melena Lewi:Yozabad,Simei,Kelaya(Kelita so pu go),Petahya,Yuda,nggano Eliezer.
24
Ngga sikso usam kuklogo sudue nang:elyasib.Ngga sikso sudue naklai yataput yay so suisuing go:Salum,Telem,nggano Uri.
25
Ngga sikso sikabung-sikabung Israel meno nogo,ngga sikso melena Paros:Ramya,Yezia,Malkia,Miyamin,Eleazar,Malkia,nggano Benaya.
26
Ngga sikso melena Elam:Matanya,Zakharia,Yehiel,Abdi,Yeremot,nggano Elia.
27
Ngga sikso melena Zatu:Elyonai,Elyasib,Matanya,Yeremot,Zabad,nggano Aziza.
28
Nggano sikso melena Bebai:Yohanan,Hananya,Zabai,nggano Altai.
29
Ngga sikso melena Bani:Mesulam,Malukh,Adaya,Yasub,Seal,nggano Yeremot
30
Ngga sikso melena Pahat-Moab:Adna nggano Kelal,benaya,Maaseya,Matania,Bezaleel,Binui,nggano Manasye.
31
Ngga sikso melena Harim:Eliezer,Yisia,Malkia,Semaya,Simeon,
32
Benyamin,Malukh,nggano Semarya.
33
Ngga sikso melena Hasum:Matnai,Matata,Zabad,Elifelet,Yeremai,Manasye,nggano Simei.
34
Ngga sikso melena Bani:Maadai,Amram,Uel,
35
Benaya,Bedeya,Keluhu,
36
Wanya,Meremot,Elyasib,
37
Matanya,Matnai,nggano yaasai.
38
Ngga sikso melena Binui:Simei,
39
Selemya,Natan,Adaya,
40
Makhnadbai,Sasai,sarai,
41
Azarael,Selemya,Semarya,
42
Salum,Amarya,nggano Yusuf.
43
Ngga sikso melena Nebo:Yeiel,Matica,Zabad,Zebina,Yadai,Yoel,nggano Benaya.
44
Nemotnang nangklay kabung-kabung nenep soikak ko,nggano susnun nang tumung duo mo tui lak nemotnang nogo.