Pasal 1
Koresh lo sedue boi ba sogo pen go yap tandali klonggo.
1
Ku yagui klaya gono ku Koresh wengkabui Persia so gono, deguo teguop lemoi segono nembut ngge nemot Yermia lomput mea pen, Wali dua lo pulok go Koresh go dabui bano wengkabui Persia no, ngga nemot no nembut wisi go yakena siding na-siding no nggano sam klik nemogo kukum ey:
2
“Ngga Koresh, wengkabui Persia: Wali, Ayah ut so nan so semugo lo genam no yakena kangko mo iti nan kona. Nggano, Wali Ayah lo genam no talinggo yap kangok go klik so Wali Ayah nogo yakena Yerusalem e, Yehuda so.
3
Nanda nang e, motnang naklai Wali Ayah go duo yap ngga nemot so imot nang Ayah lo yai baso kabe susuinggo itakya nemot Yerusalem no klonga, nemot Yehuda genang, nggano Wali Ayah gemang klik, wengkabui Israel nemot Wali Ayah no Yerusalem so.
4
Nando maning susuing mo sip ngga nemot nago na nemot mea itak dali namboinya, itak ya sedue-sedue sip ngge sogo.”
5
Ngga nemot no, wengkabui sedue Yehuda benyamin ey tamot nggano sedue-sedue lewi, ngga nemot nang go dabui Wali Ayah lo melak go, don se kok klong sogo Wali yap klik sogo Yerusalem no.
6
Sedue kabung naklay ngge lo suing lak go nemot nang ulong-ulong perak eye mas along temu menai, nggano taut-taut suiey go keteng sogo-sogo naklay Io dok go tago dabui yakai lo.
Taut wali yap so go tandali iti go..
7
Weng kabui kores taut-taut Wali yap ba so go iti go nebukatnesar lo Yerusalem sikso nggano sip ta so ko hong go genam tui.
8
Koresh uengkabui Persia lo, naklai pung ne nawon go mitredat go masi bano deuot nakyai inenawongo nggano serbasar, wengkabui sedue Yehuda.
9
Ngga nemot naklay: ta namon masi namon ta namon wakai perak, 29 tengang biso.
10
Sedue si klaya emas, 410 mangkuk perak dan 1.000 taut temungei,
11
I ne nawon go naklay taut emas ey perak ngga 5.400 yamso serbasar losedue kabung naklay wawi go tandali yaluim go babel sikso Yerusalem no.
Sam semugo sedue Yehuda tandali yaluim Yerusalem no.