Pasal 1
1
Nebut Amos logo,sedue klaya duo domba yay Tekoa sikso,nomodo ikum gana duing go Israel banim dega go pemerintah Uzia,Iram Yehuda,ngganamot no pemerintah Yerobeam,duo Yoas Iram,Israel yagui namon kuysu maming gono.
Idekeba saula-saula meno nogo
2
.Amos lo usui go,"Ki Wali lom nganga Sion sikso,nggano nmot numbut kluim yamya tup Yerusalem sikso;udog,genong sip no seduo-seduo domba yoyso suisuing go nemant nemang nang sung usene,nggano neguat,Muduim Karmel lak go."
3
Nggekalik so gabe Wali sam lo pengo,"Kuklue nanglik ey Damasyik lo semugo,nggano namon-namon tete sogo tebok dali go sisko,at lo ide keba iti go ngga tandali go ya kua lek.Nemot lo,mo nedik Gilead ey nedik go besi go lo,
4
Ngga nomot sogo so At lo namot nang bano koy mea iti iram yap teguap Hazael no koy iti nemot lo yam so mea kuim daali iram yap teguap-teguap Benhadad.
5
At lo nemot mea peduing sebendi yataput damsyik,nggano mea but ko kebong blung Betue Awen,ngga nemot tegoulitap tano mlak goey tap Bet-Eden;nggano saula Aram sikso rlek ko klong go bou Kir no,"Wali sam.
6
Ngge kalik so gabe Wali sam lo pen go,"Kuklue nangglik ey Gaza,o semu go,ngga namon-namon tebok dali go sikso,at lo ide keba iti go ngga tandai go yakua lek.Nemot nang lo mo mlak nangklay sudue kurlu go,nggano Edom no gemang iti,
7
At lo nemot nang blonogo koy mo iti tema demu Gaza no koy ngga nemot lo iram-iram go yap koy lo mea kuim.
8
At lo mea but ko kebong sauta Asdod,nggano nemot tano teguoli mlak tap Askelon,At lo mea btep way konggo Ekron,sudue temu-temu Filistin sikso mea kebong dali,Ki Wali sam.
9
Ngge kalik so gabe Wali sam lo pen go,"Kuklue ey Tirus lo semu go nggano namon-namon tete sogo tebok dali go sikso,At lo ide keba iti go ngga tandali go yukua lek.Ngga namot sogoso mo iti nangklay sedue kurlu go Edom no,nggano tandali yakua duing tegadi ntatan ey go,
10
At lo nemot nang blonogo koy mo iti tema demu Tirus koy ngga nemot lo iram-iram go yap koy lo mea kuim.
11
Ngge kalik so gabe Wali sam lo pen go,"Kuklue nangglik ey Edom lo semu go nggano naon-namon tete sogo tebok dali go sikso,At lo ide keba iti go ngga tandali go yukua lek.Ngga sogo so nomot nang lo truik ko ntaton ngga ey tengang kaluang gano gemang itak daypiam ganemot dabui banogo dapiyam maning,ngge kalik so gabe Wali sam lo pengo,kuklue nangglik Edom.
12
Ngga ey,At lo nemot nang blonogo koy mea iti andua lo kaysungga koy ganemot lo mea kuim iram-iram Broza go yap."
13
Ngge kalik so gabe Wali sam lo pen go:"Kuklue nangglik ey go sudue Amon,nggano namon-namon,tete sogo tebok dali go sikso,At lo ide keba iti go ngga tandali go ya kualek.Nemot nang lo kabung-kabung go teguan nu ey go tegek ko Gilead no,nemot go yakana bata walongso lomoynang sogo.
14
At lo koy mea blon tema demu Raba yang blono koy nemot lo yam so mea kuim iram-iram go yap,sek ey plago plepung go kuno,kayem ey ku gano.
15
Nemot go iram se klong nemot nang so yaluim go nogo,nemot dey nmogo wengkabui-wengkabui ey,"Wali sam.