¹ Inda kataw pasakopkam sa lakiyo, nguna, kamay dapwa gusisi salawongun, sa pagniwalan sa ugali bayi ngun, gusisi sa lawong. ² Mangani makay tangonngun, gusisi sa bilangun na akopakayan sa bilognun. ³ Miyamog palman sa paniwalan sa gubatnon, hanggang sulapid abok piyag sungsung hanggang kapyan balukas. ⁴ Nguna, palmanunyo sa palumluman ninyo sa buhay tam, sa luma makapyan gisalom kapyan sa pangket Panginoon. ⁵ Mangani angkapyan baylo tayto mapalakay wakay hanggang inda kataw pagpalaman. Mangani manginod sa Amang tam at nguna mebalukot sa lakingun. ⁶ Inda kataw gusisi sa lakingun si Sara kangun Abraham kangay unga mga anak kung payalman yokapyan at dapakam kalimo sa dutlay alo. ⁷ Katawran, kanyo laki alo mabuhay kam salig yo bayiyo matawanan ngun na maranto bislak, at pagtangap biyak salim bilogyak buhay. Palmanonyo nguna na dapo agdaywan. ⁸ Tigawon, pagalwan kam, pay shengaluan kam sa lumlumyo mahulugan, kabulungun tayali, mahulugan, at papandakto. ⁹ Mayayo agpalman dutlay dutlay alo at agpanlibak agpanlibak. Manguna, at gistuloy kam agbageka, nguna inda katam kanyo shegaw kam pagbagi kam kapyan. ¹⁰ Ang kabut agmahal sa buhay ngun kapyan pagmaybong nguna maya kalugban bebingun sa saligngun at sa bebingun na sapagsukpon bukay, mayoyo pagpalman dutlay alo palmanunyo ada kapyan, kamanggalaw ninyo kapyan alo at musisikam. ¹¹ Taludturan ninyo dutlay palmanonyo adakapyan. Kamangalaw nyo adakapyan at umosisikam. ¹² Bulalog Panginoong tam ay kakaytanon katalon kamalingyan talingangun tangon pagkabutan. Mangani kelay panginoon dayo sa agpalman dutlay. ¹³ Tinlay agpakaskit kamo kung kabot mo kapyan? ¹⁴ Mangani kung kayrapan kanyo agtangay sa katulon, at kanyoy biyagi kapyan. Mayakam kalekoy sa kapag kalakoyan. Mayakam kabiglan. ¹⁵ Nguna lalawon yowah Panginoong tam singalo banal. Pakapyakam sa abudabud kanyo apo pagsukpon Amang tam. Palmanunyo na kapyan paglumluman. ¹⁶ Pagbagi kaya kapyan kalumluman hangan tawalo ang kagalit kanyo kapyan buway sa kuyay malikoy at meplawong dutlay kanyo kuno dutlay pagtawo. ¹⁷ Kapyan kay, kung kabot panginoon, kanyo ay mairapan sa agpalman kapyan katawakay dutlay kanyo. ¹⁸ Maripan wakay tam sa dutlay piyalman, kangon na katulon mairapan, sa bukon katulon, nguna biyabatam sa panginoon. Piyakatay kangon sa layom mangani biyuway wakay sa gisalom. ¹⁹ Sa gisalom, patangay kangun aposhakpon sa mga gisalom nguna kakolungan. ²⁰ Kangun dayo agusisi sa Panginoon taytokay agalog ubagat kay Noe, maybungalo piyalman baluto pulaki Noe, misawad walo tawo bungkalos lubong. ²¹ Inda palakayan agpaligus na komwa nguna kanyo, bukon ngalo at pakapya sa bilog ngun, mangani agsigaw kapyan palumluman sa Panginoon, paniwalan pagkabuway Panginoon tam Kristo. ²² Sataksukon bakwaw Panginoon Hesus. Patangay sya sa sagbus. Anghel alo, hanggan kuyay alo ay maptangay kangay saakin.