¹ Antunaa imanto e ph'taroon tano a kiyatukawan e Abraham a so mga apo apoan tano a miyakaphoon ko tunganay? ² Ugaid na o pagadaan iran sa sala si Abraham sabapan ko mga galb'kan, na phakakuwa sana skiyan sa rason para mipmamasla iyan, uway na sii ko kasanguran o Diyos. ³ Ugaid na antunaa e dii tharuun sii ko misusurat? " Ph'paratiyaya si Abraham ko Diyos ago giyaya na mingi ramig s'kiyan upama ko mapiya e adat." ⁴ Imanto na sii r'kiyan d'n dinggalb'k, so bayad na di ki ramig ko rizki, uway na isa ko kabayaran. ⁵ Ugaid na s'kaniyan a naba diinggalb'k uway na ph'paratiyaya r'kiyan na pangada sa kasalaan sii ko mga marata e ulawla, ki ramig so kamapiyaan niyan ko paratiyaya iyan. ⁹ Aya upama na, so kamapiyaan aya na pitharu sii ko mga miyathuri bo, o apiya sii ko da mga tuturi? Kagiya aya tanu di tharuun, " So paratiyaya .na mingiramig sii ki Abraham a matitho". ¹⁰ Ino baa, paano aya mingibilang? Ko si Abraham ba na miyaturi d'n o dap'n? K'naba sa kathuri, ka sii sa di kapthuri. ¹¹ Tiyarima e Abraham so t'ndo ko kathuri. Giyaya na tanda ko katuntuntol sii ko paratiyaya a ad'n a r'kiyanon ko dap'n s'kiyan maturi. So unga aya na t'ndo a s'kiyan e miyawmbal a ama ko langon a dipamaratiyaya, apiya k'na siran p'd ko miyangatuturi. Giyaya na aya maana niyan na so katidto na miraramig r'kiran. ¹² Giyaya na pimaanan bon a si Abraham na miyawmbal a ama ko kapanuri, k'na ba bo sii ko mga miyaturi, ka apiya sii ko mga p'tundog ko lakaw o ama tano a Abraham. Ago giyaya so paratiyaya a ad'non s'kiyan guwani ko dap'n s'kiyan maturi. ¹³ Ugaid na so kapasadan a mingib'gay ki Abraham ago apiya sii ko mga apo-apoan niyan na k'naba miyakapoon sii ko kasuguan, so kapasadan aya na siran e kangawmbaal a tagapagmana ko dunya. Uway na sii pakapoon ko mala e paratiyaya. ¹⁴ Ugaid na ibarat o so mga mibibilang ko kasuguan na tagapagmana, so paratiyaya na daa bali iyan, ago kada so bisa o kapasadan. ¹⁵ Ugaid mala a rarangit a kib'gay o kasuguan, uway na sii ko daa kasuguan ron, ago dabon a p'suway. ¹⁶ So sabapan inin na, p'kasuwasuwa aya poon ko paratiyaya, on giyaya na phakapoon ko rizki. So kaliyuwan, so kapasadan na titho sii ko langon o mga ka apo-apoan. Ago k'naba bo ko mga khikatawan ko kasuguan e kibilang ko mga apo-apoan, ka apiya ko mga poon ko paratiyaya e Abraham. Ugaid na s'kiyan e ama tano langon, ¹⁷ lagid o misusurat, "Inumbaal ak'n s'ka a ama ko kadak'lan a ing'd". Dodoroo si Abraham ko presensiya a diniyan di pangimb'naran, giyuto so Diyos, a pamgay sa niyawa ko mga miyatay ago phangad'n sa langontaman a dap'n mawbal. ¹⁸ Ko langon o mga miyasuwasuwa, miyangimb'nar a tanto si Abraham ko Diyos para ko kuris. Kaya miyawmbal s'kiyan a ama ko madak'l a ing'd, lagid o pitaru, "... Khalagiduto so mga apo-apoan ka." ¹⁹ K'naba s'kiyan malubay ko paratiyaya. Kinilala e Abraham a maatay d'n so lawas iyan ugaid na paka magatos ragon d'n s'kiyan. Kinilala niyan bon a daabag'r e Sara sa kambawata. ²⁰ Ugaid na kagiya so kapasadan o Diyos, dad'n p'riba-ribat si Abraham sii ko paratiyaya. Uway na, mabag'r s'kiyan e paratiyaya ago bigan sa balas o Diyos. ²¹ Tanto s'kiyan a miyangimb'nar a o antunaa e mingipasad o Diyos, na kagaga niyan bon tuman'n. ²² Uway na giyaya na mingit'ndo a titho s'kiyan. ²³ Imanto, k'naba aya mingisurat para bo sii ko pakaid iyan, a mingiramig r'kiyan. ²⁴ Giyaya bon na mingisurat para bon r'kitano, a miraramig, s'kitano a dipamaratiyaya r'kiyan a miyuyag ki Jesus a Panginoon tano poon ko kapatay. ²⁵ Giyaya na inib'gay para ko mga kasalanan tano ago inuyag paruman para phakadaan so mga sala tano.