^{1 2 3} Saki si Pablo, ah isa ko mga sugu-suguan eh Jesu-Cristo, tiyawag ka para mag apostol, agu reniparado para ko kadnan. Giyaya so suguan a mingi pasad ah sii miyaka ukit ko mga nabi lalan ko kasuratan.Giyaya so maka-poon ko wata iyan, ah mingimbawata ah sii miyaka phoon ko Apo eh David. ⁴ Miyatharu a wata s'kiyan a Diyos phuon sa kabag'r o mga malaikat a mala e kapagagama, sii ko kiyambalingan niyan mawyag phuon ko kapatay, si Jesu-Cristo a psimbaan tano. ⁵ Sabap r'kiyan na miyatanggap ami so rizki ago mawmbal a apostol para kapuonan a katutuntol sii ko paratiyaya ko langon a mga bangsa , sabap bo sii ko ngaran iyan. ⁶ P'd ko mga bangsa aya, skano mambo na tiyawag para bo ki Jesu-Cristo. ⁷ So surat aya na para bo ko langon a sii sa Roma, so mga p'khababayaan o Diyos, na tiyawag para mawmbal a mga taw a mala e kapagagama. Makasong r'kano so rizki ago kamapiyaan a phuon sa Diyos a Ama tano ago p'simbaan tano a si Jesu-Cristo. ⁸ Aya ika isa sa langon, na panalamatan ko so Diyos ak'n a si Jesu-Cristo sabap r'kano langon, sabap sii ko mingilapat so paratiyaya sa dunya. ⁹ Ugaid na so Diyos na aya ak'n saksi, a diyak'n di pamagatur'n so mga malaikat sa ebanghelyo a wata iyan, ibarat na diko s'kano di mapanuthul r'kiyan. ¹⁰ Istidi ak'n di pamangniin uman ako simba sa apiya antunaa a ukit ukit, pangniin ko a apiya sa mawri na makataban ako na makawma rkano phuon sa ginawa o Diyos. ¹¹ Ugaid na kabayaan ko s'kano mailay, para kab'gan ko s'kano apiya pera a mga malaikat para s'kano na makabag'r. ¹² Giyuto na, p'ngganaan ako a langon tano na pamapakabag'r sa ginawa, sabap sii ko mga paratiyaya o uman ni isa, so r'kano ago so raki. ¹³ Imanto na diko kababayaan a di niyo katukawan, mga pagari, miyakapera ak'n d'n pitangka a sumong r'kano, ugaid na pagar'n'n ako taman imanto. Kabayaan ak'n aya para apiya mawto na makuwa ak'n so pera timan a unga sii r'kano lagid bon o p'd a Gentil. ¹⁴ Ad'n a utang ak'n sii ko mga Griyegon ago sii ko mga taw a phuon sa mawatan a ing'd, so mga matao ago daa mga katawan niyan. ¹⁵ Kaya, para rak'n, na riparado ako d'n a ip'lapat so mga ebanghelyo san r'kano a sii sa Roma. ¹⁶ Ugaid na diko iph'kaya so ebanghelyo, kagiya giyaya so kabag'r o Diyos para misal'ba iyan so langon a pamaratiyaya r'kiyan, ika isa na sa Judio ago lagid bon sii sa Griyego. ¹⁷ Ugaid na saya so kab'nar a Diyos a kilapat phuon sa paratiyaya taman si ko dimamaratiyaya, lagid a misusurat, " So makatitidtho na kawyag sabap sa kapamaratiyaya. ¹⁸ Ugaid na miyangilapat so rarangit o Diyos phuon ko langit kontra ko langon a karataan ago ko daa kab'nar o mga taw a sabap sa di kab'naran na pagar'n'n so mga kab'naran. ¹⁹ Giyaya na mingi sabap a kapakay a katukawan phuon ko Diyos na p'khailay iran. Ugaid na piyakasabot siran a Diyos. ²⁰ Ugaid so r'kiyan a piyangad'n na di pangaiilay na p'kailay niyan phiyapiya ipuon pn ko mawmbal a dunya. P'khatuntayan aya sabap ko mga piyangad'n a mga kasangkapan. So mga piyangad'n aya na daa tamanan iyan sa kabag'r ago r'kiyan a mala e kapagagama. Upama na, so mga taw aya na daa kirasun iran. ²¹ Ugaid na apiya iran katawan so Diyos, s'kiyan na diiran sambaan lagid o Diyos, diiran s'kiyan panalamatan. Ugaid, na miyab'thang so mga pamikiran iran ago miyakalibut'ng so mga puso iran a miyatay. ²² S'kiran na dip'mamatao ugaid na siran na miyawmbal a mga daa akal iyan. ²³ Mingisambi iran so kasimba iran ko Diyos a di patay lagid o tuladan a mga taw a pamamatay, a mga papanok, mga pangangayam'n a ad'n a ae niyan a pat'timan, ago mga p'ndula. ²⁴ Kagiya inibgay siran o Diyos ko kabaya o puso iran a marzik, on mamamatay so mga lawas iran umaniisa ko mga ginawa iran. ²⁵ S'kiran so mga taw a mingisasambi iyan so kab'naran o Diyos ko kapam'rak, ago ko mga suminimba ago miyagurip'n ko inad'n lawan ko miyangad'n, a p'suwa-suwat'n taman sa taman. Amen. ²⁶ Sabap sii, na inibgay siran o Diyos sii ko mga taw a tanto a p'khababaya, ugaid na inisambi o mga babay so mga kalamayan a ginawae iran sa antunaa e kaatu iran ron, ²⁷ Lagid bon, initagak o mga kamamaan so mga kalamayan a ginawae iran sii ko mga babay ago mas pagis'g so kabaya iran sii ko lagid iran a mga mama. Skiran so mga mama a miyangumbal sa di mapiya ko lagid iran mga a mama, ago p'tanggap siran sa apiyaan tunaa a isiksa kiran bayad ko mga miyanggalb'k iran a marata. ²⁸ Sabap sa diiran kabaya a kataguan sa Diyos a mga pagitungan iran na, piyakandaya iran siran sa mga marata a kapagitung, on iran mawmbal so mga marata a galb'k. ²⁹ Miyapno siran a tanto sa kadaa kab'naran, kamarataan, ago ka daa gagaw. Miyapno siran a inggit, kapamuno, kambubuno, kapanalimbot ago mangararata a kabaya. ³⁰ S'kiran na mga torimos, mga pakabinasa ago kararangitan ko Diyos. Siran na makatipo, mga ambog ago dipupuro-puro. Mga pangad'n siran sa mga marata ago di pamnar sa mga lok's. ³¹ Daa mga sabot iyan, disiran kapangimb'naran, daa babaya iyan ago daa gagaw niyan. ³² P'khatuntayan iran so mga sugo o Diyos, a so mga di mangumbal sa lagid uto a galb'k na kapakay d'n a bunuun. Ugayd na k'na ba giyaya bo e diiran diinggalb'k'n, pangungunotan bon siran sa p'd a galb'k sa lagidaya.