¹ So kiyapasad iran dum'kha, Si Maria Magdalena, si Mariang a ina eh Santiago, ago si Salome na miyamasa siran sa kakamutan ka on siran makasung roo ago masembay iran so lawas eh Jesus ka an mil'b'ng. ² Kapipita ko una a gawii ko padian, so kiyasinang oh s'nang na sumiyong siran sa kuba. ³ Pitaru iran ko uman eh isa rkiran, "Antaa eh p'lilid ko wator ah iplusod ko kuba para r'kitano?" ⁴ So kiya ilaya iran sa puro, miyailay iran ah adn ah lumilid sa wator ah mala. ⁵ Lumiyosod siran sa kuba na miyailay iran so sakataw ah manguda ah sumusulot sa maputi ah bal'kas, muuntod sa tampar sa kawanan na miyam'm'sa siran. ⁶ Pitaru iyan rkiran, "Dikano pkal'kan. Pangilay iyo si Jesus, so tag ah Nazaret ah initotok sa krus. Mim'buwat skiyan dn! Na da skiyan saya. Ilaya niyo anda skiyan initago. ⁷ Ugaid na awa kano ron, Taruw-a niyo ko mga urip'n ago ki Pedro a muna skiyan sumung sii rkano sa Galilea. Roo na kailay niyo skiyan, Lagid oh pitaru iyan rkano. ⁸ Luminiyo siran na miyalalagoy roo sa kuba; Kiyal'kan siran ago miyam'm'sa. Da pitaruwan iran apya antaa ka misubra so kal'k iran. ⁹ Mapanay ko una ah gawii sa padian uto, So kiyapakanaw niyan, miyuna skiyan makiilay ki Maria Magdalena, na puon rkiyan na miyapakaawa iyan so pito ah saitan. ¹⁰ Miyawa si Maria Magdalena na pitaru iyan ko mga ped iyan, so di iran di kapranon ranon ago gumaraok. ¹¹ Miyan'g iran ah miya-uyag si Jesus ago miyailay niyan na ugaid na di siran pangemb'nar. ^{19 20}