¹ Imanto ah miyukit si Jesus, miyaka ilay skiyan sa buta taman ko kawawata eh ron. ² Minishaan skiyan oh mga sugo-sugoan iyan, "Rabi, anda aya ki s'ndit, giya taw aya na so mga loks iyan, ah mingimbawata skiyan ah buta?" ³ Sumimbag si Jesus, " Di ki s'ndit sa taw aya udi na so mga loks iyan, ka so mga pimbaal oh kadnan na mahayag rkiyan. ⁴ Aya kinanglan na manggalb'k tano so mga galb'k iyan ah so skiyan uto ah sumiyogo raki ka madadawndaw pn. Pakawma so kagagawii ah dad'n ah paka gaga sumuwa ko mga galb'k. ⁵ Taman sa sisii ako pn na saki eh mababaloy ah sindaw ko kalanguwan." ⁶ So kiyapakapasad iyan taro sangka uto ah mga bitiyara, dumiyuda skiyan sa lupa, piyaka plapot iyan so lupa, agu mingi sising iyan so lapot ko mata oh mama. ⁷ Pitharo iyan rkiyan, "Sungka roo agu panagop ka sa languyan oh Siloam ( kiya sabapan oh 'inisugo')." Na gumiyanat so mama, miyanagop, agu kumiyasoy ah mimbalingan so kapaka-ilay niyan. ⁸ So kiyapasad, so mga siringan iran ah mga mama agu so pakha ilay rkiyan ah kada'da na mitharo, "Naba giyaya so mama ah moontod a di pamangni?" ⁹ Pitharo oh sabaad, "Skiyan." Pitharo oh p'd, "Naba, uway na buntal iyan badn." Uway na pitharo iyan, saki ba uto." ¹⁰ Pitharo iran rkiyan, " Uphama ka ska uto uto na inu nga ki ilay so mga mata nga?" ¹¹ Sumimbag skiyan, "So taw ah p'mb'tuwan sa Jesus na mimbaal sa lapot agu mingi sishing iyan ko mata akn agupitahro iyan, "Sungka sa Siloam agu panagup ka.' Na gumiyanat ako mambo agu miyanagup, agu miyaka ilay ako." ¹² Pitharo iran rkiyan," Anda skiyan?" sumimbag skiyan,"Diko katawan." ¹³ Minawidan iran so mama ah guwani na di pakha ilay ko mga Pariseo. ¹⁴ Imanto uto so gawii ah ka d'kha ko kiyambaal eh Jesus sa lapot agu biyulongan iyan so mga mata niyan. ¹⁵ So kiyapasad iyan na minishaan pman oh mga Pariseo oh panon eh kiyapaka ilay niyan. Pitharo iyan kiran, "Tiyaguan iyan sa lapot so mata akn, miyanagup ako, agu imanto na pakha ilay ako dn." ¹⁶ Pitharo oh p'd ko mga Pariseo,"Giya taw aya na naba miyaka phoon ko kadnan ka da niyan tumana so gawii ah kad'd'kha." Pitharo oh p'd, " Panon eh kapaka mbaal oh taw sa mga kata'oh oh skiyan uto na naba mamaratiyaya?" Na miya ad'n mambo so kambaad-baad ko kapaka lo-look iran. ¹⁷ Na minisaan iran paruman so mama ah buta, "Antunaa eh maptaro ka rkiyan sabap sa piyaka ilay ka niyan paruman?" Pitharo oh mama ah buta, "Skiyan na nabi." ¹⁸ Imanto na so mga Judio na di pakha paratiyaya ko andang ah di pakha ilay na imanto na paka ilay dn taman sa piyaki tawag iran so mga loks oh mama sa aya kon migay sa kapaka ilay oh mama. ¹⁹ Minishaan iran so mga loks oh mama, "giyaya so wata iyo ah taman ko kinimbawataan non na buta? Panon eh kiyakapaka ilay niyan imanto?" ²⁰ Na sumimbag mambo so mga loks rkiran, "Katawan ami ah giyaya so wata ami ah mingimbawata ah buta. ²¹ So kiyakaka ilay niyan imanto na di ami mambo katawan, agu so skiyan uto ah minggalb'k sa kiyapaka ilay niyan na di ami pn katawan. Isae niyu skiyan. Matu'a dn skiyan na. Maka p'tharo dn skiyan para ko ginawa niyan." ²² Miya-taro aya oh mga loks iyan sabap sa skiran mambo na p'khal'k ko mga Judio. Sabap sa miyapasad so mga Judio sa sadn sa taro sa si Jesus na so Cristo, na pakha awa ko eng'd iran. ²³ Sabap roo, na miyatharo oh mga loks oh mama sa skiyan na matua dn. Aya niyu isae. ²⁴ Na miyaka duwa iran dn matawag so mama ah di pakha ilay guwani agu minishaan iran paruman, "Mbatog-batog anga so kadnan. Katawan ami ah gyuto ah taw na baradusa." ²⁵ Agu sumimbag mambo so mama," Oh so skiyan uto na baradusa, na diko katawan. Aya bu ah katawan akn na guwani na diako pakha ilay, agu imanto na pakha-ilay ako dn." ²⁶ Agu pitharo iran rkiyan, "Antunaa dn eh mingi kidiya iyan rka? Panon eh kiyapaka ilaya niyan rka paruman?" ²⁷ sumimbag skiyan, " Miyatharo ko rkano dn na di kano bu pangimbnar! Ngainu niyu kabaya aya man'g paruman? Naba niyu kabaya ah mabaloy kano ah mga sugu-suguan iyan, di ba?" ²⁸ Piyamaka ito iran skiyan agu pitharo iran, " Ska na sugu-suguan iyan uway na skami na sugu-sguan oh Musa. ²⁹ Katawan ami ah so Musa na mingi bityarae niyan so kadnan, uway na giya taw uto na, di ami katawan anda skiyan miyaka phoon." ³⁰ So mama na sumimbag sarta ah pitharo iyan rkiran, "Ngainu, giyaya na piyaka m'm'sa ah miya suwa-suwa, agu di niyu katawan anda skiyan miyaka phoon, uway na piyaka ilay ako niyan. ³¹ Katawan tano ah so kadanan na naba di mamakin'g ko mga taw ah baradusa, uway na so taw ah barasimba ko kadnan agu dii mangungunotan rkiyan, na skiyan uto na pamakin'g'n oh kadnan. ³² Tman dn ko kiya adna ko dunya na da'd'n man'g uba adn ah taw ah miyaka ilay aya inunta bu na minimbawata sikiyan ah buta. ³³ Uba giyaya ah taw na naba phoon ko kadnan, na daba niyan kagaga." ³⁴ Sumimbag siran sarta ah pitharo iyan rkiyan, "Ska na mingimbawata ka ko kambaradusa, na imanto na skami eh dinga di pamamandaon?" So kiyapasad iyan na piyaka liyo iran sa sinagoga. ³⁵ Miyan'd eh Jesus ah piyaka-awa iran skiyan sa sinagoga. Miya-ilay niyan skiyan agu pitharo iyan, "Psimba ka sa wata ah taw?" ³⁶ Sumimbag skiyan agu pitharo iyan, Antaa skiyan, Kadnan, ka on ako ron makasimba?" ³⁷ Pitharo eh Jesus rkiyan, " Miya ilay nga dn skiyan, agu skiyan ah di rka aya di makimbitiyarae imanto. ³⁸ Pitharo oh mama, "Kadnan ko, miyangungunotan ako, "So kiyapasad uto na simimba niyan skiyan. ³⁹ Pitharo eh Jesus, "Miyaka talingoma ako sa dunya para ko akhirat ka para so di pamaka-ilay na maka-ilay, agu agu so pamaka-ilay na mabaloy ah di pakha-ilay." ⁴⁰ Miyan'g oh mga Pariseo ah mga p'd iyan angawto ah mga kataru, agu minisha rkiyan, Apya skami na mga buta?" ⁴¹ Pitharo eh Jesus kiran, "Upama ka skano na mga buta, na daba niyu dusa. Uway na sabap sa skano na aya niyu di taroon na "pamaka-ilay kano," na so mga dusa niyu na mag iistidi.