¹ Ago so kiyapasad aya na si Jesus na sumiyong sa Galilea, kagiya naba niyan kabaya ah makasung sa Judea kagya di-planuwan oh mga Judio ah pakibunuon skiyan. ² Imanto, Magaan mauma so kanduri oh mga Hudyo, ah Kanduri oh mga ditatabanga. ³ Na pitaru rkiyan oh mga pagari niyan a mga mama, " Ibagak ka ah ing'd aya na sung ka sa Judea, on mailay mambo oh mga sugu-suguan ka so mga gal'b'k ka. ⁴ Da ah taw ah ding-gulawla sa antunaunon san ah itatapok oh apya skiyan d'n aya na kabaya iyan na makilala skiyan. Amay ka p'nggal'b'k'n ka aya, na ipakilay nga a ginawa nga sa kalangkapan sa dunya." ⁵ Kagiya apya so mga pagari niyan na di rkiyan mangngib'nar. ⁶ Na pitaru eh Jesus rkiran, "So masa akn na dapn mangitangiluma, kagiya so masa niyo na istede makarereparado. ⁷ Dika kapakay ah kararangitan a dunya, ugaid na kiyararangitan ako niyan sabap sa saki na dii-tharu sa bnar ah miphuon ko mga gal'b'k iyan a mga rarata. ⁸ Sung kano dn sa kadurian; di ako sung sa kanduri aya sabap sa so oras akn na dapn matuman." ⁹ So kiyapasad iyan mataro so mga p'taruon iyan rkiran, na mitalimbagak skiyan sa Galilea. ¹⁰ Ugaid, so kiyapasad sumung oh mga pagari niyan sa kadurian, miyanalukon mambo skiyan, naba makikilay ka tatapok. ¹¹ Pinggiluba skiyan a Judio sa Kandurian na go pitaru, "Anda skaniya?" ¹² Miyaka-adn sa misubra ah kang-giluba sa madak'l a tao a makapuon rkiyan, pitaru umaniisa, " Skaniyan na mapiya eh adat a taw. " pitaru oh ped, "Naba, piyamakalidas iyan so kadak'lan." ¹³ Ugaid da ko mga tao niyan ah mitaru makapuon rkiran sabap sa kal'k ko mga Judio ¹⁴ Ko magaan d'n mapasad ah kandurian, na miyanik si Jesus sa sambayangan na miphuon mamando. ¹⁵ Miyam'm'sa so mga judio ago pitaru, "Panon miyakakuwa sa madak'l ah elmo ah mga taw aya? Da pman skiyan makapangadi." ¹⁶ Simbag siran eh Jesus ago pitaru, "So rak'n ah elmo na naba raki, ugaid na r'k oh sumiyugo raki. ¹⁷ Apya antaa dn eh kabaya galb'k sa baya a ginawa niyan, na kasabutan niyan angka'e ah pamamanduan, oh giyaya na pakapuon sa Kadnan oh pakapuon sa ginawa ko. ¹⁸ Sadn sa dii-taru ah mipuon ko ginawa niyan na aya niyan bo kabaya na mabantog ah ginawa niyan, uway na sadn pman sa aya niyan kabaya na aya dii mabantog-bantog na sumiyugo rkiyan, na so giyuto ah taw na bnar ago naba marata eh adat. ¹⁹ Ba da rkano ib'gay eh Moises so mga sugo? Sabap sa da rkano umaniisa ah mimbaal sa kukuman. Angkaino ako niyo kabayaan muno?" ²⁰ Sumimbag so madak'l ah taw, "Ad'n ah satiman ka ah saitan. Antaa eh kabaya r'ka muno? ²¹ Sumimbag si Jesus ago pitaru iyan rkiran, "Mimbaal ako sa satiman ah bagay, ago miyam'm'sa kano sabap saya. ²² Bigan kano eh Moises sa panuri (knaba rka uway na phuon ki Moises, ugaid phuon ko mga apu-apuan), ago ko alungan ah id'd'kha na panuriin iyo so mama. ²³ Oh so mama na p'tarima sa panuri sa alungan ah id'd'kha na on so kukuman eh Moises na di masupak, inu ako niyo pkararangiti sabap sa pimbaal akn ah bnar ah mapasang so taw sa alungan ah id'd'kha? ²⁴ Di niyo p'tulika kagiya giyuto eh mambubuntal iyan, ugaid na ko galb'k iyan a mapiya. ²⁵ Pitaru oh ped rkiran ah tag ah Jerusalem, "knaba giyaya eh kabayaan iran muno? ²⁶ Ago ilaya niyo, piyakandaya skiyan taru-taru ago da pitaru iran rkiyan. laged ah katawan oh mga pkauunutan ah giyaya si Cristo, kapakay mangaday? ²⁷ Katawan tano oh anda phuon ah taw aya. Ugaid, phuon makauma so Cristo, Da ah ped ah kikatawan oh anda skiyan pakapuon." ²⁸ di-m'lalis si Jesus sa lusod ah sambayanga, di pamado ago ditaru, "Kilala ako niyo ago katawan niyo oh anda ako miyakapuon. Knaba ako saya sumiyong para ko ginawa akn, uway na so sumiyugo raki na piyur ago di niyo skaniyan katawan. ²⁹ Katawan ko skiyan kagiya phuon ako rkiyan ago siyugo ako niyan. ³⁰ Tep'ngan iran ah dak'p'n skiyan, uway na da ah miyakaraw dumak'p rkiyan ka dapn mauma so oras iyan. ³¹ Ugaid, madak'l ah taw ah pesemba rkiyan. Pitaru iran, "Amay ko makauma so Cristo, pangbaal mangaday skiyan sa madak'l a t'ndo adi sa mga pimbaal ah mga taw aya?" ³² Miyakin'g oh mga Pariseo so mga di pamamagtungaan ah mdak'l ah taw puon ki Jesus, ago so mga mapupuro ah pari ago so mga Pariseo na sumiyugo sa mga dato on skiyan madak'p. ³³ Ago pitaru eh Jesus, "Sa makimp't ah alangun na maptang'g'p'da ako niyo, na mapasad na sung ako dn ko sumiyugo rak'n. ³⁴ Pangilubaan ako niyo uway na di ako niyo khailay; oh anda ako p'sung, na dikano pamakaunot. ³⁵ Mimbibitiyara'e so mga Judio, "Anda sung ah taw aya na di tano skiyan kagaga giluba? Sungwan iyan mangaday so mimbla-blag ah mga Griyego ago pamaduon so mga Griyego? ³⁶ Antunaa aya ah kataru ah pitaru iyan, 'Pangilubaan ako niyo uway na di ako niyo khailay; oh anda ako p'sung, dikano pamakaunot'?" ³⁷ Imanto sa uri ah gawii, so datu-datuan ah alungan ah kakanduri, tuminid'g si Jesus ago milalis na pitaru iyan, "Apya antaunon eh pkawaw, pakap'ndayaan skaniyan sumung rak'n ago minom. ³⁸ Apya antaun eh p'semba rak'n, lagid oh pitaru oh kasulatan, makapuon rkiyan na pagukit so mga linaw ah eg ah uyag-uyag. ³⁹ Ugaid pitaru iyan aya puon ko Saitan ah tarimaan so mga p'semba rkiyan; so Saitan na dapn mi-b'gay sabap si Jesus na dapn matay. ⁴⁰ So p'd ko mga taw, na ko man'g iran so katharo uto na miya-tharo iran, "Bnar baa ah giyaya so nabi." ⁴¹ Pitharo oh p'd, giyaya so Cristo." Ugaid na pitharo pman oh sabaad, "Antunaa, ba so Cristo na pakha-phoon sa Galilea? ⁴² Inu ah pitharo ko surat ah so Cristo na pakha-phoon ko babad oh David agu pakha-phoon sa Betlehem, so eng'd ah kiya-phoonan oh David?" ⁴³ Inu miya ad'n so kambagi-bagi ko kadak'lan ko mga taw ka mingi phoon rkiyan. ⁴⁴ So p'd kiran na pithomo iyan ah madak'p skiyan, ugaid na dabu rkiran ah bawn miyakaraw dumak'p. ⁴⁵ So kiyapaka pasad kumasoy oh mga pupuro agu p'ka-unotan ko mga pari agu so mga Pariseo, na pitharo iran kiran, "Inu niyu skiyan da pakha-unota?" ⁴⁶ Sumimbag so mga pupuro, "Dap'n ah ba mitharo ah taw sa laged aya." ⁴⁷ Na simbag siran mambo oh mga Pariseo,"Ba kano p'd ko mga miyamaka-silay?" ⁴⁸ Ba ad'n ko pd ko mga p'ka-unotan udi na apya antaa ko mga Pariseo ah suminimba rkiyan? ⁴⁹ Ugaid na giya kadaklan aya sa mga taw ah di iran katawan so kokoman--siran uto so mingi sinta." ⁵⁰ Pitharo eh Nicodemo rkiran, ( skiyan uto ah mababaloy ah p'd ko mga Pariseo ah miya-una d'n maka sung ki Jesus), ⁵¹ "Ba so kukuman tano na l'bi dn ah b'tang sa kukuman apya di tano katawan antunaa eh miyasuwa agu antunaawn eh siwa oh taw?" ⁵² Sumimbag siran agu pitharo iranon, Baka miya phoon dn sa Galilea? Pangingisa ka agu ilaya nga ka da ba naba ah pakha-phoon sa Galilea." ⁵³ [So kiyapaka pasad na uman eh isa ko mga taw na mimbabaling ko mga walay iran.