¹ Ko mga papasad aya, miyakiilay pharuman si Jesus ko mga sugo suguan ko ragat ah Tiberias; ko laged aya eh kiyapakiilay niyan sa ginawa niyan; ² Si Simon Pedro ped si Tomas na p'tharuon ah Didimus, Nathaniel ah phuon sa Cana oh Galilea, so mga wata eh Zebedee, ago so mga ped ko sugo suguan eh Jesus." ³ Pitharu eh Simon Pedro rkaniyan, "Saki ah mangingins'da." Pitharu iran rkaniyan, "Skami na pagunot rkiyo." Miyawa siran ago miyagda sa awang, ugaid ko kagagabian uto na da miyadak'p iran ah s'da. ⁴ Ko magaan niyan d'n ka-kapita, Tuminindeg ko kilid oh ragat, ugaid da makilala oh mga sugo suguan ah gyuto na si Jesus. ⁵ Ago pitharo eh Jesus rkaniran, "Mga kangudaan, ad'n ah apya antunaa a kakan iyo san? Sumimbag siran rkaniyan, "Da." ⁶ Pitharo iyan rkiran, "Eh itog iyo so sab'r sii ko kawanan ah awang ago ad'n ah kakuwa niyo."Na gyuto iniitog iran baa so mga sab'r, ugaid di iran uto kagaga kagiya so kadak'l oh mga s'da. ⁷ Ko mapasad pitharo iyan ki Pedro ah sugo suguan ah p'kababayaan eh Jesus, "So Kandan uto." Ko mad'g eh eh Simon Pedro ah skaniyan so Kadnan, siyulot iyan so bal'kas iyan. (kagiya skaniyan na makal'l'kas), ago tuminiphu sa ragat. ⁸ So mga ped ko mga sugo suguan na miyagda ko awang (kagiya siran na naba mawatan ko lupa, da kurang sa, mga duwagatos ah kubit), ago pinggan'd'ra iran so sab'r ah map'p'no ah s'da. ⁹ So kiyapaka dapo iran sa lupa, ad'n ah miyailay iran ah magaapoy ah uring ago ad'n ah s'da matatago sa ko unaan, ago ad'n ah paan. ¹⁰ Pitaro rkiran eh Jesus, "Awid kano sa mga s'da ah gup'n iyo miyadak'p." ¹¹ Miyamani'k si Simon Pedro ago giyan'd'r iyan so sab'r ko lupa, map'p'no ah mga ala ah s'da, 153 langon uto, apya madak'l uto, so sab'r na da magisi. ¹² Pitharo eh Jesus rkaniran, "Saya kano ago pitha." Da ko mga sugo suguan ah miyabaya mangingiza rkaniyan ah, "Antaa aka?" Katawan iran ah skaniyan so Kadnan. ¹³ Miyubay si Jesus, kinuwa niyan so paan, ago inib'gay niyan uto rkiran, apya mambo so mga s'da. ¹⁴ Giyaya so ikat'lo ah inipakiilay eh Jesus ah ginawa niyan ko mga sugo suguan ko mapasad skaniyan mauyag makaphuon ko kapatay. ¹⁵ So kiyapakapasad iran kuman sa kapipita, pitharo eh Jesus ki Simon Pedro, "Simon wata eh Juan, mas kababayaan ako nga kiran?" Pitharo eh Peddro rkaniyan, "Uway, Kadnan; katawan ka ah p'kababayaan ak'n ska." Pitharo eh Jesus rkaniyan, "Pakaka na ka so mga wata ah tupa." ¹⁶ Sa ikaduwa ah ukit, pitharo iyan paruman rkaniyan, "Simon, wata eh Juan, kababayaan ako ka? Pitharo eh Pedro rkaniyan, "Uway, Kadnan, katawan ka ah pkababayaan ak'n ska." Pitharo eh Jesus rkaniyan, "Piyapiya-e ka so mga tupa ak'n. ¹⁷ Pitharo eh Jesus ko ikat'lo ah ukit, "Simon, wata eh Juan, kababayaan ako ka? Miyarata ah ginawa eh Pedro kagiya pitharo eh Jesus sa miyakat'lo paruman. "Kababayaan ako ka?" Pitharo iyan rkaniyan, "Kadnan, katawan eh langon ah mga langguntaman; katawan ka d'n ah pkababayaan ak'n ska, "Pakak'n ka so mga tupa ak'n". ¹⁸ Bnar man so pitharo ak'n r'ka, guwani ko wata kap'n, dingka di pakambal'kas'n ah ginawa ka ago p'lalakaw apya anda ka mabaya; uagaod amay ko miyaluk's kad'n, ipurouka so mga lima ka, ago salakaw ah taw eh pakambal'kas r'ka ago pakasung'n ka niyan sa ingud ah di nga p'kababayaan. ¹⁹ Imanto pitharo eh Jesus para ipakiilay oh antunaa eh ped ah kapakay ah kapatay sa kap'kababayaan eh Pedro ko Kadnan. Ko mapasad iyan uto taruon, pitharo iyan ki Pedro, "Pangungunutan ka raki." ²⁰ Sumiyangur si Pedro ago miyailay niyan so sugo suguan ah p'kababayaan eh Jesus ah pangungunutan rkaniran- ah skaniyan so sumiyandal sa rar'b eh Jesus sa igagabi ago miyatharo, "Kadnan, antaa eh tipo rka? ²¹ Miyailay skaniyan eh Pedro ago pitharo iyan ki Jesus, "Kadnan, antunaa eh suwaan ah mama aya? ²² Pitharo eh Jesus rkaniyan, "Oh kabayaan ak'n skiyan m'nayaw taman ko kapakakasoy ak'n, antunaa uto r'ka? Pangungunotan ka rak'n." ²³ Na giyaya ah miyatharo aya na miyangitalaganap ko mga kapapagariya, na gyuto ah sugo suguan na di patay. Uway na da matharo eh Jesus ki Pedro ah gyuto ah sugo suguan na di patay, Ugaid, "Oh piliin ak'n ah p'nayaw skaniyan taman ko kakasuy ak'n, antunaa uto r'ka? ²⁴ Giyaya so sugo suguan ah makapam'nar sa giyangka-e a pkasuwa-suwa, ago skaniyan eh sumiyorat sa mga languntaman aya, ago katawan ami ah so pam'nar iyan na b'nar. ²⁵ Madak'l p'n ah ped ah mga languntaman ah siwa eh Jesus. Oh so uman eh isa na miyangisurat, sa katawi ko ron apya giyaya ah duniya na di kamin so mga libro ah pangisurat.