¹ Imanto ko kapipita pita ko gawee ah akad rak's ah lumilibut'ng, sumiyong si Maria Magdalena ko kubor; maliya ilay niyan so ator ah pkalilid ah mawatan ko kubor. ² Na skaniyan na miyagapas ki Simon Pedro agusop'd ah sasarigan iyan ah pkababayaan ih Jesus, na pitaru iyan kiran, Kinowa iran so lawas oh Kadnan ah poon ko kubor na diyami katawan anda iran mingi song.'' ³ Na luminiyo si Pedro aguso sakataw ko sasarigan iyan na sumiyong siran ko kubor. ⁴ Mapiya so kiyapalalaguy iran ah magunota siran, liyampasan oh sasarigan iyan si Pedro na miyawna maka umako kubor. ⁵ Dumiyukong skaniyan ah minilay sa lusod; mayaylay niyan so bungkos sa miyatay ah mib'b'tad roo, ugaid na daskaniyan losod. ⁶ Na miyaka uma si Simon Pedro ah pdiyan na lumiyosod skiyan sa lusod oh pakuboran. Miya ilay niyan so bungkos sa miyatay ah mib'btad roo ⁷ agu bungkos iyan sakukowan sa ulo. Naba ininp'd ko mib'b'tad ah bungkos sa miyatay ka mib'btad aya piyapiya ko andang ron ah kab'btadan. ⁸ Agu so sasarigan iyan na lumiyosod pn, ah miya una maka umako kubor; miya ilay niyan na skaniyan na miyaratiyaya. ⁹ Kagya giyangka uto ah uras na diran katawan so mingisurat ah si Jesus na kinanglan na mauyag paruman poon ku kapapatay. ¹⁰ Naso manga sasarigan iyan na miyawa siran roo na mimbabaling ko manga walay iran. ¹¹ Makin pn mautu na si Maria ah tumitindd'g ko liyu ah kubor ah psudoon; so kap'ngguraok iyan, sumiyozod skiyan sarta ah minilay niyan so l'b'ngan. ¹² Miya ilay niyan so duwa ah mala ikat ah sumusulot sa maputi ah muuntod, so isa na siko ulonan agu ko dasigan, siko bitadan ko lawas eh Jesus. ¹³ Pitharo iran rkiyan, "Babay inuka anan psudu'a? " Pitharo iyan kiran, "Kagiya kinuwa iran rakn so kadnan akn na diko katwan anda iran tiyago. ¹⁴ Ko kiyataro ah niyan saya, miyaka dingil skiyan sarta ah miya ilay niyan si Jesus, ugaid na di niyan katawan uab gyuto si Jesus. ¹⁵ Pitharo rkiyan eh Jesus, "Babay inuka anan psudu'a? "antaa eh dinga dii pangilayn?" Katawi niyanon na skiyan so gumagalb'k ko gardenan na miyataro iyanon, "Orak, uba niyu skiyan kinuwa na tarua niyu raki anda niyu skiyan tiyago agu kuwaan ko skiyan." ¹⁶ Pitharo rkiyan eh Jesus," Maria!" Mingi sangor iyan ah ginawa niyan, agu pitharo iyan sa basa ah Aramaic, "Rabboni," kabasa "Guro." ¹⁷ Pitharo rkiyan eh Jesus, Di ako nga kapti, sapab sa da ako pn maka panik ko Ama; ugaid na sung inga so mga pagari akn na taruanga kiran ah panik ako ko Ama agu ko Ama iyu, Agu so kadnan ko agu Kadnan ka'. ¹⁸ Sumiyong si Maria Magdalena agu pitharo iyan ko mga sugu suguan, "Miya ilay ko so kadnan," agu pitharo eh Jesus angkawto ah mga kataro. ¹⁹ So kiyagabiyan ko gyuto ah gawii ah gawii ah akad, agu maka pamiminto so katataguan ko mga sugu suguan sabap sa kal'k iran ko mga Judio, miyaka talinguma si Jesus agu pitharo iyan kiran, "salam rkano ko kalilintad." ²⁰ So kiyatarua niyan ron na piyaki ilay niyan so lima niyan agu so takilidan iyan. Agu so kiya ilaya ron oh mga sugu suguan na miyababaya siran. ²¹ Agu pitharo rkiran paruman eh Jesus, "So kalilintad na mindud rkano. So kiya sugu ah raki oh Ama na laged bun uto ah kiya sugua ko rkano." ²² So kiyatarua roo eh Jesus na singawan iyan siran, agu pitharo kiran, " Tarimaa niyu so Banal na Espiritu. ²³ Apya antaa dn eh maka sasala sa kiya rilaan na, ka rilaan dn para kiran; Apya antaa dn mambo eh maka sasala sa miyaka takdir ka na, gyto na maka p'takdir dn taman sa taman." ²⁴ Si Tomas, na isa ko duwapulo ago duwa, ah pemb'thuwan sa Didimo, na naba iran ped go makauma si Jesus. Ko miyaipos na pitharo oh mga sugo suguan rkaniyan, ²⁵ "Miyailay ami so Kadnan." Pitharo iyan rkiran, "Ruwar oh mailay ak'n ko mga t'ndo oh mga tutuk ko mga lima niyan, ago matago ak'n so k'm'r ak'n ko t'ndo oh mga tutuk, ago matago ak'n ah lima ak'n sii ko kasadan iyan, na diyako pangimb'nar." ²⁶ So kiyapasad oh walo gawii, na n'duduroo pman so mga sugo suguan ago si Tomas na ped iran. Miyakauma si Jesus na so mga pinto na kapipintuan, tuminind'g ko look iran ago pitharo, "Aya ko pangnin na so kapiyaan na matago rkiyo." ²⁷ Ago pitharo iyan ki Tomas, "Dawag'n ka rak'n so mga k'm'r ago ilaya niyo ah mga lima ak'n; idawag ka saya so mga lima nga na taguon ko kasadan ak'n; di kapakay ah da ah p'simbaan uway na pangimb'nar ka ²⁸ Sumimbag si Tomas ago pitharo iyan rkiyan, "kadnan ak'n ago Diyos ak'n." ²⁹ Pitharo rkaniyan eh Jesus, "Kagiya miyailay ako ka, ska na dika dipangimb'nar". Biyalasan so mga da makailay uway na miyangimb'naran." ³⁰ Imanto, si Jesus na miyang baal sa madak'l ah mga t'ndo ko hadapan oh mga sugo suguan, mga t'ndo ah da misurat sa angka-aya ah libro, ³¹ ugaid minisurat aya on skanano na mangimb'nar ah si Jesus na si Cristo, so Wata oh Kadnan, ago on kano makapangimb'nar, skano na pakakuwa sa bibiyag ko ngaran iyan.