¹ Na kinuwa ih Pilato si Jesus na biyadasan skiyan. ² Nasu manga sundaro na panguwa sa surok para baluy'n na korona. Tiyago iran oto ko ulo ih Jesus agu pinditaran skiyan sa maputi ah suyaw. ³ Miyubay skiran rkaniyan na pitaro iyan, "Kuwae niyo sa elmo, so datu oh manga Judio!" Agu bitay niyan skiran ah manga lima. ⁴ Nakumapasad na luminiyo paruman si Pilato na pitaro iyan ko manga taw. "Ilaya niyo, iniliyo akn so mama rkiyo para katukawan iyo ah da miya ilay akn ah marata rkaniyan. ⁵ "Na luminiyo si Jesus; ah sosolot'n iyan so korona ah surok'n agu so suyaw ah maputi. Na pitaro ih Pilato rkiran, Ilaya niyo, kataya so mama. ⁶ "Naku kiya ilaya oh manga pari agu so manga puporo si Jesus, milalis siran na pitaro, "tutok'n iyo! tutok'n iyo!"Pitaro ih Pilato rkiran, "Na skanod'n ih kuwa rkiyan agu skanod'n ih tutok rkiyan ka da sabap ah miya ilay akn rkiyan ah marata ah ulawla." ⁷ Sumimbag so manga Judio ki Pilato, "Adn ah isa ami ah kukoman, na kagya giya kukoman ami oto na kinanglan na matay skaniyan na pimbaluy niyan ah ginawa niyan ah skiyan na Wata oh Kadnan. " ⁸ Naku makin'g ih Pilato ah kataru aya, badn kiya umanan ko kal'k iyan, ⁹ na lumiyosud skiyan paruman ku Kulongan na pitaro iyan ki Jesus, "Anda ka miyakapuon?" Na kagya daskiyan s'mbaga ih Jesus. ¹⁰ Kumapasad, pitaro ih Pilato rkiyan, "Baka di ptaro raki? Banga di katawe ah adn kagaga akn ah pakaawaan akn ska agu kagaga akn ah ituktok akn ska?" ¹¹ Sumimbag si Jesus rkiyan, "Dabanga kagaga ah pangato raki inunta ubaka bigan sa kagaga ah paka poon sa puro. Naso taw ah inisong ako niyan rka na mas mala ih kadustaan." ¹² Sa s'mbag aya, tip'ngan ih Pilato ah pakaawaan skiyan, na kagya so manga Judio na milalis ah pitaro iran, "Opaka awaan ka ah mama aya, na ska na naba bulayuka ih Cesar: Langon oh taw ah pimbaluy niyan ah ginawa niyan ah datu na mitaro siran poon ki Cesar." ¹³ Nako makin'g ih Pilato ah manga kataro aya, iniliyo niyan si Jesus na miyontod sa untoda ah kukoman ku ing'd ah pkatimoan sa taw, na kagya sa Hebreo ay Gabbatha. ¹⁴ Imanto, giyaya so gawee ah pipiyapiyaan parako Kalilimod, ko kao-mad'n so ikan'm ah uras. Pitaro ih Pilato ko manga Judio, "Ilaya niyo, kataya so datu iyo!" ¹⁵ Milalis siran, "pakawatana niyo skiyan rkami, pakawatana niyo skiyan rkami, tutok'n iyo." Pitaro ih Pilato rkiran, "Ba aya kinanglan na mitutok akn so Dato iyo?" Sumimbag su manga ala ih pangkatan ah manga pari, "Dap'd ah datu ami ruwarki Cesar." ¹⁶ Kumapasad, inibgay ih Pilato si Jesus rkiran parami tutok skiayan. ¹⁷ Na inawedan iran si Hesus, na skiyan na luminiyo, awed-awed iyan so krus, tampar ko eng'd ah p'mb'towan ah eng'd ah Bungo, nasiko Hebreo ah p'mb'towan sa Golgota. ¹⁸ Roo iran mangi lusod si Jesus, pd iyan so duwakataw ah mama, isa ko bala ah kilid iyan, agu ko luok ih Jesus. ¹⁹ Sumiyuratp'n si Pilato sa karatas na tiyago iyan ko krus. Giyaya so misusorat ron: SI JESUS BABALING SA NAZARET, AH DATU OH MANGA JUDIO. ²⁰ Madak'l ah manga Judio ah miyaka batya sa surat aya kagya so eng'd ah tiyutokan ki Jesus na marani sa Kawalayan. Naso psoratan na muyange surat sa Hebreo, ko Latin agu ko Griyego. ²¹ Agu pitaro oh manga puporo ah pari ah manga Judio ki Pilato, "Dingka isurat, 'So datu oh manga Judio', kagya so pitaro iyan,'Saki so Datu oh manga Judio.''' ²² Sumimbag si Pilato, ''Sumingi surat akn na miyangi surat akn dn.'' ²³ Kumapasad tumotok oh mga sundaron si Jesus, kinuwa iran so suyaw niyan na pimbaad baad iran sa pat timan, satpek ko uman ih isa ah sundaro, agu so ditar'n. Samanaya na su ditar'n nada pamanae niyan, giyayana biyaad puon sa puro agu taman sa surong suronga niyan. ²⁴ Kumapasad na pitaru iran ah isa'y sa, Ditano kisiin aya, ka sasarakan tano saya para katukawan tano anda aya katagu.'' Miyasuwasuwa aya onmabaloy so surat ah misusorat ron, ''Pimbaad- baad iran so suyaw akn para ko ginawa iran, parabo ko suyaw akn na misasarakan siran.'' ²⁵ Pimbaal oh manga sundaro ah manga gamit aya. Nasu ina ih Jesus, nasu pagari oh ina ih Jesus, si Maria na karuma ih Cleopas, agu Maria Magdalena-- na giya manga babay aya na tumitind'g ko ubay oh krus ih Jesus. ²⁶ Kumailay ih Jesus so ina iyan agu so miilay ron ah pkababayan iyan ah tumitind'g ku ubay niyan, pitaru ih Jesus siko ina iyan, ''Baeh, ilayanga, kataya so wata aka.'' ²⁷ Kumapasad, pitaro ih Jesus ko babantay, ''Ilayanga, sasaya si ina aka!'' Ipuon ko manga uras oto na tiyarema skiyan oh babantay roo ah mipag p'da iyan ko rkaniyan ah walay. ²⁸ Kumapasad ayana si Jesus, kagya katawan iyan langon oh manga pkasuwasuwa na mapapasad'n, para so sugo na mab'nar pitaro iyan, ''Saki na pkawaw.'' ²⁹ Sawaru ah taguay ah map'p'no ah mas'm ah panginginom'n ah matatagu roo, kagya tiyaguan iran sa isa ka espongha map'p'no ah mas'm ah panginginom'n siko l'k'b ah paginoman na inipuro iyan ko ngari iyan. ³⁰ Nako matarima ih Jesus so mas'm ah panginginum'n, pitaru iyan, ''Miyangulawlad'n.'' Na mingi dukong iyan so ulo niyan na piyaka awa iyand'n so saytan. ³¹ Sako kuwan na kapreparado, para di magtay so lawas iyan ko krus parako gawee ah id'd'ka, { ka kagya so gawee ah id'd'ka na masla ah gawee}, piyamangni oh mga Judio ki Pilato ah somanga s'ki oh manga mama ah tiyutok na p'lpoon, agu imbaba so manga lawas iran. ³² Na sumiyong so manga sondaro na lipu iran so manga ae oh pkauna na ah mama agu so ikaduwa ah mama ah mingi tutok pd ih Jesus. ³³ Sako sumong siran ki Jesus, na miya ilay iran skiyan ah miyatay na dayrand'n l'powa so ae niyan. ³⁴ Nakagya giyoto, siyukar oh manga sondaro so takilidan iyan ah bangkaw, na mingi tureres ah rugo agu eg. ³⁵ Nasumiyaka ilayron na mimbaloy skaniyan ah mituturo ah kukuman agu so pakab'b'nar'n iyan na bnar. Katawan ah langon ah pitaro iyan na bnar parabo skano na maratiyaya. ³⁶ Na giyan magugulawla aya namiyasuwasuwa para ko sugo na mab'nar, ''Da kalpo apiya so isa ko manga tulan iyan.'' ³⁷ Sawaropn ah sugo ah pitaro, ''p'mbantayan iran skiyan ko kiya tutoka iranon.'' ³⁸ Nasokiya pasad iyan, nasi Jose na mababaling sa Arimatea, kagya skiyan na isako manga tumatam'ng ih Jesus, na kagya tanto iran ah ipkal'k so manga Judio na piyagma iran ah ubakatukawe ap'd ah pitaru iran ki Pilato oh mapakay iran ah kuwaan so lawas ih Jesus. Bigan skiyan ih Pilato sa kabaya. ³⁹ Na sumiyong si Jose na kinuwa niyan so lawas iyan. Na sumiyong pn si Nicodemo, ah skaniyan ih muna ah sumiyong ki Jesus ah gagawee. Napagawed skaniyan sa piyaka s'mbor ah mira agu sabila, manga magatos ah kapn'd iyan. ⁴⁰ Nakinuwa iran so lawas ih Jesus agu siyopot iran skaniyan ah rak's ah manga manga amot ah baw, nasu wadjid ko manga Judio asukalb'ng sa manga lawas. ⁴¹ Imanto, siko eng'd ah tiyutukan rkaniyan na na adn ah manga pamumolan ron; sagiyangkaoto na ah manga pamumolan na adn ah p'l'b'ngan roo ugaid na dapn ah mingi kubor ron. ⁴² Kagya giyaya so gawee ah parako manga Judio ka kagya marini kiran so p'kuburan, tiyago iranron si Jesus roo.