¹ So kiyapasada eh Jesus taro sangkawto ah mga kataro, luminiyu skiyan pd iyan so mga sugu sugoan iyan sa kapantaran ah Cedron, na lumiyusod skiyan sangkawto ah ganden, skiyan agu so mga sugo sugoan iyan. ² Imanto ah si Judas ah pagakal rkiyan na katawan yan mambo angkawto ah siyungan eh Jesus, kagae lalayon roo pakasung si Jesus pd iyan so mga sugu suguan iyan. ³ So kiyapasad iyan,i Judas, so kiyapaka talinguma oh mga sundaro agu mga pupuro ah miyaka phoon ko mga pupuro ah pari agu mga Pariseo, miyka uma siran ah ki aawid sa sulo, agu mga p'dang. ⁴ So kiyapasad iyan, si Jesus, ah ki katawan sa langon ah kasusuwa rkiyan, na sumiyong sa unaan agu minishaan iyan skiran, "Antaa eh di niyu dii pangilayn?" ⁵ Sumimbag siran "Si Jesus oh Nazaret." Pitharo eh Jesus kiran, "Saki uto." Si Judas, ah skiyan eh miyagakal rkiyan na tumit'nd'g mambo ko unaan iyan ah p'd iyan so mga sundaro. ⁶ Na pitharo iyan baa rkiran, "Saki baa," miyaka atras siran sarta ah miyaka usad sa lupa. ⁷ So kiyapasad iyan, minisaan iyan siran paruman, "Antaawn eh diyu nyu dii pangilayn?" Pitharo iran paruman, "Si Jesus ah Nazaret." ⁸ Sumimbag si Jesus, "Pitharo ko rkano dn ah saki baa; ka uba saki eh di nyu dii pangilayn na iyog eh nyu dn ah maka awa ah mga pd akn aya saya." ⁹ Giyaya na an matuman so mga pitharo iyan: "So langowan oh mga mingi pangalimuan ka raki, na dabawn miyalaga ¹⁰ So kiyapasad iyan, si Simon Pedro ah adn ah p'dang iyan na biyunot iyan sarta ah tinidaw niyan so mapuro ah pari agu minabisan iyan sa tangila. Imanto, aya ingaran oh panuganor na Malco. ¹¹ Pitharo eh Jesus ki Pedro, "Ikasoy nga ah p'dang ka anan ko taguay niyan. So baso ah mingi b'gay raki oh Ama, ba di aya kapakay ah inum'n?" ¹² Na diyak'p iran si Jesus so grupo ah mga sundaro, agu so mapuro, agu so so mga opesyan oh mga Judio agu miniktan iran skiyan. ¹³ Minuwit iran daan ki Annas, sabap sa skinian so panugangan eh Caifas ah mapuro ah pari sangkawto ah ragon. ¹⁴ Imanto, na si Caifas ah migay sa lalag ko mga Judio ah aya lalag iyan na so taw na aya mapiya na mathay para ko mga taw. ¹⁵ Tiyundog eh Simon Pedro si Jesus, laged bun oh isa ah sugu sugoan. Imanto, giyangkawto ah sugu suguan na katawan oh mapuro ah pari, agu skiyan na limiyusod ah pd iyan si Jesus ko patyo oh pinaka mapuro ah pari; ¹⁶ ugaid na tumitind'g si Pedro ko pintuan sa liyo. Na so mabo so isa ah sugu suguan ah kilala oh pinaka mapuro ah pari, na luminiyo agu mingi bityarae niyan so babay ah sugu suguan ah pagiapata niyan so pintuan, agu mingi lusod si Pedro. ¹⁷ So kiyapasad uto, pitharo oh babay ah magiipat ko pintuan ki Pedro, "Inuwa pd ka sa ko mga sugu suguan ah mama aya?" Pitharo iyan, "Naba". ¹⁸ Imanto, so mga sugu suguan agu so mga pupuro na tumitind'g siran roo; mimbaal siran sa apoy ah oring, kagiya panggaw sa gyuto, agu di iran dii paka kayawn ah mga ginawa iran. Si Pedro na pd iran pn ah maka titind'g agu pamakayawan iyan mambo ah ginawa niyan. ¹⁹ Minishaan oh mapuro ah pari si Jesus makapantag ko mga sugu suguan iyan agu so mga pamangdaw niyan. ²⁰ Simbag skiyan eh Jesus, "Saki na mapayag ako ah dii maka mbitiyara sa dunya; lalayon ako dn dii maka pamangdaw ko mga sinagoga agu ko mga sambayangan ka roo matitimo so mga Judio. Da ba ko damataro. ²¹ Inu ako nga pagisae? Isae nga so mga miyakan'g raki antunaawn eh dii akn dii taroon. Katawan angkawto ah mga atw so mga miyataro akn." ²² So kiyataroah roo eh Jesus, na liyambit oh isa ko mga pupuro ah maka titind'g ko ubay niyan sa lima agu pitharo iyan, "Ba laged anan eh kas'mbag ko pinaka mapuro ah pari?" ²³ Sumimbag si Jesus, "Uba adn ah miyatharo akn ah marata na mabaloy ka ah saksi, makinp'n mawto, na oh miyka smbag agu sa mapiya na inu ako ah mbadasi?" ²⁴ So kiyapasad uto na minuwit eh Annas si Jesus ah kaiiktan ki Caifas ah mapuro ah pari. ²⁵ Imanto si Simon Pedro ah tumitind'g agu pamakayawan iyan ah ginawa niyan. Agu pitharo oh mga taw rkiyan, "Diba pd ko ko mga sugu suguan iyan? Piyawal iyan uto agu pitharo,"Naba". ²⁶ So isa ko mga sugu suguan oh mapuro ah pari, ah lolot oh mama ah inabisan sa tangila eh Pedro, ah mitharo, "inu ah miyalay ko ska ko garden pd iyan?" ²⁷ Agu piyawal paruman eh Pedro, agu kiyuko so lumsad. ²⁸ Kiyapasad uto na minuwit iran si Jesus ki Caifas ah tandang sa Pretorio. Kapipita pn sa gyuto na apya siran na da lusod sa Pretorio ka an siran si kas'bue agu maka khan siran sa Paskwa. ²⁹ Na luminiyo si Pilato kiran agu pitharo, "Antunaawn eh kamarataan ah mama aya?" ³⁰ Sumimbag siran agu pitharo, "Uba giya mama aya na da maka galb'k sa marata na naba ami saya pagwita rakno." ³¹ Na simbag siran eh Pilato, "Awidi nyu skiyan, agu kukuma niyu ko kukuman iyo," Pitharo oh mga Judio rkiyan, "Naba maka aayon so kukuman para rkami uba kami mamuno sa taw." ³² Pitharo iran uto ka on matuman so mga katharo eh Jesus, So kataro ah miyatharo iyan eh panon skanian ka wafat. ³³ Kiyapasad iyan, lumiyosod paruman si Pilato sa Preterio agu tiwag iyan si Jesus, pitharo iyan rkiyan, Ska so datu oh mga Judio? ³⁴ Sumimbag si Jesus, "Ipag isa ka ini ka aya ngawn pandapat, o pitharo rka oh pd ah eh isa iran inin rakn? ³⁵ Sumimbag si Pilato, "Naba ako Judio diba? So eng'd ka agu so mga mapupuro ah pari na inuwit ka iran rakn; antunaa bs eh siwa ka?" ³⁶ Sumimbag si Jesus, so paging'dan akn na naba sa dunya aya. Ka uba so paging'dan akn na saya sa dunya, na maki p'tidawa so mga sugu suguan akn asar bu ah di ako makuwa ah mga Judio. ka so kabnar iyan na so paging'dan akn na naba saya miyaka phoon." ³⁷ Kiyapasad iyan, pitharo eh Pilato rkiyan, "Ba ska na datu?" Sumimbag si Jesus, "Pitharo ka na saki na datu. Saki na mingi slang sa dunya para saya, agu giyaya baa eh kuris akn sa dunya ka para akn mipamayapat so bnar. Langowan oh mga bnar na pamakin'g ko suwara akn." ³⁸ Pitharo eh Pilato rkiyan, "Antunaa bs eh bnar?" So kiyataroa niyan saya, luminiyo skiyan saruman ko mga Judio agu pithato iyan kiran, "Daba ko miya ilay ah marata sa taw aya. ³⁹ Adn ah ulaula nyu ah kapakay ah maka awa ako sa taw sa Paskwa. Na ba niyu kabaya ah bukaan ko rkano so datu oh mga Judio?" ⁴⁰ Milalis siran paruman agu pitharo, "Naba giya mama aya, ka si Barabas. Imanto na si Barabas na t'kaw.