¹ Imanto, bago mauma so kap'sla-sla oh Paskuwa, kagiya katawan eh Jesus ah so oras iyan na miyauma, na skaniyan na kinang'lan ah mawa sa duniya aya phuon ki Ama iyan, pi-piyapiyaan iyan so rkiyan sii ko duniya, pi-piyapiyan iyan siran taman sa taman. ² Imanto, miyatagoo ko puso eh Judas Iscariote ah wata eh Simon, ah tipu-on si Jesus. ³ Katawan eh jesus ah inib'gay oh Ama sii ko mga palad iyan so langun oh mga bagay ago skaniyan na phuon ko Kadnan ago kasoy ko Kadnan. ⁴ Miyaninindaan siran sa khakan ago inin'daan iyan so susulot'n iyan. ⁵ Ko mapasad, kuminuwa skaniya sa eg ah inudod ko palanggana ago piphuonan munab so mga a'e oh mga urip'n ago on kapunasi siran sa tuwalya ah inib'khes sa ginawa niyan. ⁶ Miyubay si Jesus ki Simon Pedro, ago pitharo eh Simon Pedro rkaniyan, "Kadnan ko, ba nga pangunabi ah giyaya ah a'e akn aya?" ⁷ Sumimbag si Jesus ago pitharo iyan rkiyan, "Imanto so diyak'n dinggal'bek'n na dinga pn sasabut'n, ugaid na mauma bo so gawii ah sabot'n ka aya" ⁸ Pitharo eh Pedro rkaniyan, "Knaba nga d'n kaunabi so mga a'e ak'n." Sumimbag si Jesus, "Oh diyak'n s'ka pagunabi, di ka kab'gan ko mga sabagi ak'n." ⁹ Pitharo eh Simon Pedro rkaniyan, "Kadnan, knaba giyaya bo ah a'e ak'n, ugaid apya so mga lima ak'n ago so ulo ak'n." ¹⁰ Pitharo eh Jesus rkaniyan, "Oh anta man eh miyakaphaigo na did'n kinang'lan ah makapangunab sa apya antunaunon san salakaw p'n ko a'e niyan, ago skaniya na limpiyo d'n na limpiyo d'n; limpiyo kad'n, ugaid knaba kano langon." ¹¹ Kagiya katawan eh Jesus eh antaa eh tipo rkaniyan; na phitaro iyan; "Knaba langon rkano na limpiyo." ¹² Ko mapasad unaban eh Jesus so mga a'e iran ago kuwaan so mga bal'khas iran na miyuntod pharuman, pitharo iyan rkiran, "Katawan iyo so siwa ak'n para rkano? ¹³ P'thawag'n ako niyo ah 'Guro' ago Kadnan', ago piyur so pitharo iyo, kagiya sak'n ba uto. ¹⁴ Oh sak'n aya ah Kadnan ago Guro, na pagunaban ak'n so mga a'e niyo, na mapakay niyo mambo ah unaban so mga a'e oh ped ah taw. ¹⁵ Kagiya bigan ak'n skano sa ukit para masuwa iyo laged oh siwa ak'n rkano. ¹⁶ Piyur baa so pitharo ak'n rkano, so mga urip'n na knaba mapuro ko Kadnan iyan; oh apya so siyugo na mas mapuro udi ko sumiyogo rkaniyan. ¹⁷ Oh katawan ka akainin ah mga bagay, pakapiya ka oh p'nggal'bek'n aka aya. ¹⁸ Knaba ako ditharo makapuon rkano langon, kagiya katawan ak'n so pinili ak'n -- ugaid pitharo ak'n aya para so mga kasuratan na mitalangganap: 'So p'khan ko mga paan ak'n na miyuro skaniyan sa sako ah makaato rak'n.' ¹⁹ Pitharo ak'n aya rkano para oh giyaya na masuwa-suwa, pangimb'nar kano ah SAKI BAA. ²⁰ Piyur baa so pitharo ak'n rkano, so tumiyanggap rak'n na tanggap'n iyan so langon oh ip'sugo ak'n, ago so tumiyanggap raki na tanggap'n iyan mambo so sumiyugo rak'n. ²¹ So kiyatharo eh Jesus saya, skaniyan na kiyal'kan ko mga malaikat ago pitharo "Piyur baa so pitharo ak'n rkano, na isa rkano na tipo rak'n." ²² Mit't'nga uman ni-isa so mga disipulo, miyam'm'sa oh antaa eh di niyan di tharuan. ²³ Adn ah satiman ko lamesaan na sumasandang ko rar'b eh Jesus ah isa ko mga sugusuguan iyan, so p'kababayaan eh Jesus. ²⁴ Na pisinyasan eh Simon Pedro so gyuto ah sugusugoan agu pitharo iyan, " Taru anga rkami antaa eh di niyan dii pangantap'n. ²⁵ Sumiyandang so gyuto ah sugosguan ko rar'b eh Jesus agu pitharu iyan, "Kadanan ko, antaa uto?" ²⁶ Agu sumimbag si Jesus, "So kandilut akn sa paan agu uriyan uto na sadn sa b'gan akn non. "So kinidilut'n iyan ko paa sarta ah mingi b'gay niyan ki Judas ah wata eh Simon Iscariote. ²⁷ Agu so kiyapasad oh paan na lumiyosod si Satanas rkanian. Pitharo eh Jesus rkaniyan, "Sadn sa suwaan ka na suwaang ka dn gagaaan." ²⁸ Imanto, dad'n ah ped ko lamisaan ah kikatawan ko sabap oh angkaino pitharo eh Jesus aya rkaniyan. ²⁹ Miyapamikir ah ped, kagiya si Judas eh pagilay ko supot ah perak, pitharo eh Jesus rkaniyan, "Pamasa ka sa mga kinang'lan tano para ko kanduri," uway ruwar oh skaniyan eh pam'gay ko mga pubre. ³⁰ Ko mapasad makuwa eh Judas so paan, luminiyo skaniyan; ago magabi d'n uto. ³¹ So kiyapaka awa eh Judas, pitharo eh Jesus "Imanto so Wata ah Taw na pakam'm'sa. ³² Ago so Kadnan na pkam'm'sa rkaniyan. Ipkham'm'sa skaniyan ah Kadnan ko gya ginawa niyan, agu ikham'm'sa skaniya. ³³ Mga wata ah da katawan iyan, ka-ped ako niyo p'n sa maito ah alungan. Gilubaan ako niyo, agu laged oh pitharo ak'n ko mga Judio, 'Oh anda ako sung, dikano ron pakasung. 'Imanto na pitharo akn rkano aya. ³⁴ Bigan ak'n skano sa bago ah sugo, aya mapiya na pkababayaan niyo umani-isa, laged oh kap'kababaya ak'n rkano, laged bo uto aya mapiya na pkababayaan iyo umani-isa. ³⁵ Na sabap saya, katukawan langon ah taw ah skano na mga sugo-suguay akn, oh pkababayaan iyo umani-isa." ³⁶ Pitharo rakn eh Simon Pedro, "Kadnan, anda kano sung?" Sumimbag si Jesus, Oh anda ako sung, na imanto na di kano pakatundog, uway na pakatundog kano amay ko mapasad aya." ³⁷ Pitharo eh Pedro rkaniyan, "Kadnan, angkaino ko ska di tundug'n apya imanto? Im'b'gay akn eh niyawa akn para rka." ³⁸ Sumimbag si Jesus, "Im'b'gay ka niyawa ka para raki? Piyur baa so pitharo akn rka, di kuku so manok taman sa diyako nga ipamamantag sa makat'lo.