¹ Kainda nadnugan ni Jacob ti mga bagaw mga anak ni Laban, na sinabi nida, "Bin-ul ni Jacob ti tanan pag apuon nita ginurang kag ginan sa mga pag-apuun nita ginurang ti tanan bin-ul niya pag kayamanan ." ² Nakitan ni Jacob ti kay kanyahuria ni Laban. nakitan niya na magbag-o kay pakiusa sa kaniya. ³ pagkatapos sinabi ni Yahweh kan Jacob, "pagbalik kawo sa daga nimo mga ginurang kag sa kanmo mga kamag-anakan, kag ako ay makaibahan nimu. ⁴ Tinawag kag pinaatag ni Jacob sida ni Raquel kag Lea sa kanda bantud sa kawan. ⁵ Ag sinabi sa kanda, "nakitan niko nagbag-o kay paki-usa niyu ama sa kangko. Dapat ti Diyos kang ama ay kaibahan niko. ⁶ Alam niyo na pagsirbihan niko kanyo ama sa ikabaskug niko. ⁷ Dinaya ako niyo ama kag pinalitan waya sampu ka beses kang bayad. Dapat balaw siya ipinahintulot Diyos na ako ay masaktan. ⁸ Pagkasinabi nida ti buntok-buntok pag mga alaga ti ipakaon niku bayad sa kanmo." pagkakatida ti tanan alaga ay nanganak kay mga anak buntukan. Pagka sinabi nida, "kay mga batlungan ti kanmo maging bayad. Sa katida tanan kabuuhan alaga nanganak mga anak batlungan. ⁹ Sa kainda pag paraan bin-ul Diyos ti mga alaga hayop ti kanyo ama, kag ipakaun sida sa kangko. ¹⁰ Minsan lang sa panahon ti magpakayamu, nakitan niku sa usa katagin-up ti mga lalaki kambing na nantakras sa alag. Ti mga lalaki kambing ay mga batlungan buntukan kag may bukol. ¹¹ Sinabi sa kangko anghil Diyos sa tagin-up, "Jacob, sinmagot ako, atay ako. ¹² Magsabi siya, muklatan nimo kanmo mga mata kag bantayi nimo ti mga tanan kambing na magpayamu sa alaga. Sida ay may mga guhit, may buntok -buntok, kag may buntukan, pero nakitan niko ti tanan bagay na binuwat ni Laban sa aknmo. ¹³ Ako ti Diyos Bethel, no naan nimo binuhusan langis ti usa ka tuldok, nu naan kawo nanbuwat usa ka surundanun sa kangku. Kainda pagtindog kawo kag tayaki ti inda pag daga, bag-o pagbalik sa daga nimo inanakan. ¹⁴ Sinmagot sida ni Raquel kag Lea bag-o sinabi sa kanda, "May imaw aw kami nab-ul una uno pag maranahon sa bala nimi ama? ¹⁵ Balaw aw kabigun nida kita bilang mga kaaway? Dapat ipinabili nida kita kag diritsu tinabu kanta kwarta. ¹⁶ Dapat tanan ti kayamanan bin-ul Diyos sa kanta ama kainda sa kanta yi kag sa kanta mga anak. Nakan kainda uno man ti magsabihon Diyos sa kanmu, buwata nimu. ¹⁷ Pagkatapos nanbangon si Jacob bag-o pinasakay kay mga anak, bag-o kay asawa sa kamelyo. ¹⁸ Pinauna niya ti kay mga alaga hayop, kaibahan ti tanan nida mga butang pag-apu-un, hanggan yi ti mag alaga hayop na bin-ul niya sa Paddan Aram. Pagkatapos linmakaw siya atag daga Canaan sa kay ama na si Isaac. ¹⁹ Pagka-nan alis si Laban hampay gupitan kay mga tupa o karanido ni tinakaw maan ni Raquel ti diyos sa sambahayan nida ama. ²⁰ Dinaya diman ni Jacob si Laban sa Aramean, sa balaw pagsabi man-alis yi siya. ²¹ Nakan tinmakas siya dara tanan ti may imaw siya kag nan dali-dali nanlakaw sa sapa. atag sa lugar ati bantud nasyon Galaad. ²² Sa ikatlo pagsirang naalaman ni Laban na tinmakas si Jacob. ²³ Nakan dimara niya ti kay mga kamag-anak bag-o nadura siya asa ikapito pag sirang niya paglakaw. Naabtan siya sa Bantud nasyon Galaad. ²⁴ Kainda nanpakakit ti Diyos kan Laban na Aramean sa usa ka tagin-up sa yabi bag-o sinabi sa kaniya, Pagdahan kawo magbagaw kan Jacob, una daot man o mayad. ²⁵ Inunahan ni Laban si Jacob ti payag sa bantud pag nasyon. Nangampo diman si Laban kag kay mga kamag-anak sa bantud pag nasyon Galaad. ²⁶ Sinabi ni Laban kan Jacob,"uno ti binuwat nimo ako kag dinara waya kang mga anak babayi" ga bilang mga nakakulong sa labanan. ²⁷ Hayga kawo tinmakas patago kag dinaya nimo ako bag-o uman lang nimo ako sinabihan. Pinaighit mana kawo niko na may kasulungan kag may mga kantahan, may tambula bag-o may mga alpa. ²⁸ Balaw nimo ako pinahimtulutan arukan kang mga laki- mga lalaki kag babayi hampay manpaalam. Nanbuwat kawo kabuangan. ²⁹ Sa kapangyarihan niko na buwatan kamu daut. Dapat ti Diyos niyo ama ay nagpakahampang sa kangko kis-ab yabi kag sinabi,"Pagdahan kawo magbagaw laban sa kan Jacob daot man o mayad. ³⁰ Bag-o kainda pakarayo kawo dahil subra yi kawo magkapung-aw sa balay nimo ama. Peru hayga nimu bin-ul ti kang mga diyos. " ³¹ Sinmagot si Jacob kag sinabi kan Laban, dapat magkadala ako ti duda niko na mab-ul nimo ti kanmo mga anak babayi ginan sa kangko sa paraan pinilit nakan inmalis ako na unman nanpaalam. ³² Nu sitapo man ti nam-ul sa kanmo mga rebulto dapat balaw yi mabuhi. Sa atubangan nita mga kamag-anakan, alama nimu nu uno ti may imaw sa kangko ti sa kanmo kag bul-a nimo"Dapat unman alam ni Jacob na si Raquel ti nam-ul tida. ³⁴ Taynguna bin-ul ni Raquel ti Diyos sa sambahan, ipinauli niya inda sa tukawan sa dayo kamelyo bag-o tinukawan niya. Hinanap ni Laban ti (kabuuhan) sulod payag, peru unman niya inda nakitan. ³⁵ Sinabi ni Raquel sa kay ama,"Danga kawo mag-isog kang Panginoon, dahil unman ako makatindog sa kang magtukawan dahil sa ako ay may imaw pamulanun magras-ug." Nakan nanhanap siya dapat unman niya nakitan ti kay pagsambahun diyos. ³⁶ Nangisog si Jacob kag nantaraluhan sida ni Laban. Sinabi niya sa kanda,"Uno lugod kang atraso?, uno lugod ti kang kasalanan, na hayga mag-initan nimo ako lagson. ³⁷ Hinanap yi nimo ti tanan kang mga butang. Uno ti nakitan nimo kanmo mga pagsamba butang? Bugtangan ti mga ati sita-ay sa atubangan nita mga kamag-anakan hampay parusahan sida sa panab-anan nita duwa. ³⁸ Kaibahan niyo ako sa sulud bayinte timpo. ti kanyo mga babayi karanido kag babayi kambing ay balaw nabula-an na mangaun ako una lalaki, karanido ginan sa kanyo mga alaga. ³⁹ Unu man ti inayaw pag mga maisog pag-alaga balaw niko dinara sa kanmo bagkus inako niko ti pagkadura inda, Pirmi nimo ako timag-ipabayad sa mga magkadura hayop, una magtakawon sa yabi ag sa sirang. ⁴⁰ Ati ako sa sirang pinakurian ako sa init kag gayelo yi pagtun-og sa yabi. Kag nantiis ako unman nakaturog. ⁴¹ Kanda pag bayinte timpo sa kanyo sambahayan ako. Nantrabaho ako sa katorse timpo para sa duwa nimo ka anak babayi, kag unum ka timpo para sa kanmo alaga. Binag-o nimo kang bayad sampu ka beses. ⁴² Nu ti Diyos pagsambahon nimo ama, ti Diyos ni Abraham kag ti usa kapagkadalaan ni Isaac ay kaibahan niko. Sigurado taynguna pinaalis nimo yi mana ako unman may dara. Nakitan Diyos tikang kaapihan kag nu kabitay kabuyat niko binuwat bag-o pagsabihan kawo niya kis-ab yabi. ⁴³ Sinmagot si Laban kan Jacob. " Ti mga anak babayi ay kang mga anak babayi, ti mga ido ay kang mga kaiduhan, ti kang mga alaga ay kang mga alaga. Tanan nakitan nimo ay kangko. Dapat uno kang buwaton kainda sa kang mga anak babayi, kag sa mga maging anak nida sa kanda inanak. ⁴⁴ Nakan kainda manbuwat kita usa ka kasunduan, " kawu kag ako pabay-ani man pasakop sitay sa pangaraw-anan nimukag sa kangko" ⁴⁵ Nakan nanbuol si Jacob usa ka bato kag pinatindog ga usa ka tuldok. ⁴⁶ Magkun si Jacob sa kay mga kamag-anak, "Pagtipon kamu mga bato." Nakan nam-ul sida mga bato kag binuwat usa ka tumpok. Pagkatapos ati sida nangaun sa may mga tumpok. ⁴⁷ Iningarnan ni Laban inda Jegar Sahaduta, dapat iningarnan ni Jacob inda Galeed. ⁴⁸ Magsabi si Laban "Ti mga tumpok inda ti usa ka sakop sa pangaraw-anan niko kag sa kanmo kainda" Nakan kay ngaran iningarnan Galeed. ⁴⁹ Pag ingarnan diman inda Mizpah dahil magsabi si Laban "Mana si Yahweh ti bantay sa karaw-an nimu bag-o niko, Nu unman nita mag kaakitan ti kada usa. ⁵⁰ Nu gulpihon nimo kang mga anak, nu mam-ol kawo iba asawa maliban sa mga anak niko. Bagaman unman kita may kaibahan, bantayi nimu ti Diyos ti sakop sa tab-anan nimu bag-o niko. ⁵¹ Magsabi si Laban kan Jacob, "Bantayi nimo ti tumpok kainda bag-o bantayi ti tuldok, nu naan ipinauli niko sa tab-anan nimu kag sa kangku. ⁵² Ti tuldok inda ti usa kasakup, bag-o ti tuldok imaw diman ti sakup, na balaw ako lumapas sa tumpok inda paatag sa kanmo, bag-o balaw kawo manlampas sa tumpok inda kag sa tuldok inda paatag sa kangko, agud namwat sala. ⁵³ Mana ti Diyos ni Abraham, kag ti Diyos ni Nahor, ti Diyos di kanda ama, ti man hatol sa panab-anan nita." Nanpangako si Jacob sa Diyios na pagkadalaan ti kay ama si Isaac. ⁵⁴ Nangayaw usa ka alay si Jacob sa bantud bag-o tinawagan kay mga kamag-anak hampay mangaun. Nangaun sida kag ati lang sida sa bantud tugka yabi. ⁵⁵ Magkasurip yi binmangon si Laban, Inarkan kay mga kalakihan lalaki kag mga anak babayi bag-o pinapaladan sida. Pagkatapos inmalis si Laban bag-o binmalik sa kay ulian.