¹ Nakan ngani ti langit kag ti kalibutan tinapos ti maybuhi pag gamit pinuno ngap ngani sa kanda. ² Sa ikapito pag sirang renmas-og ti Diyos. Sa kay pagtapos sa kay mga binuwat namahari siya sa ikapito pagsirang sa kay binuwat. ³ Pinapaladan Diyos ti ikapito pagsirang kag binuwat niya matadlong ti mga binuwat niya pag mga buruwaton. ⁴ Inda ti nangyari ati katpung pag panahon angay sa kalangitan sa babaw kalibutan ag sida binuwat ni Yahweh na Diyos ti daga ag kalangitan. ⁵ Unman waya may halaman sa babaw bantud. Sa buo kalibutan ag unman waya may pantanom sa bantud tinmubo nakan ngani unman waya inayaw ni Yahweh na Diyos ti uran sa babaw kalibutan ag uman may tawo mantrabaho sa daga. ⁶ Bago dinmayik ti namog sa babaw kalibutan diniligan ti buo babaw daga. ^{7 8} 7Si Yahweh na Diyos ti tawo ay binuwat ginan sa alabok daga bag-o inarupan ti boslot niya irong ag nag arop pagbuhi ay ti tawo buhi pagbinwat. ⁹ Ginan sa daga Pinatubo ni Yahweh na Diyos ti bawat puon. Kamayad mayad sa kay magbantay. Mayad karan-unon sitay ti puon pagbuhi sa karaw-an gardin ag ti puon kadunungan ti mayad ag ti daut. ¹⁰ Linmuwas ti usa ka sapa diniligan ag hardin natunga ti sapa naging upat ka sapa. ¹¹ Ti on-an pag sapa kay ngaran ay Pison inda ay magbulos tabog sa kadagaan Havila no naan may imaw ati ginto. ¹² Ti ginto ati mayad gid may bidilio ag may bato onese. ¹³ Ti pangadwa pagsapa Gihon magbulos sa kadagaan Kuse. ¹⁴ Ti pang tulo pag sapa Tigris inda ay magbulos tabog sa butlakan init ng Sur. Kay pang upat pag sapa ay inda sa Euprates. ¹⁵ Inilagay Diyos ti lalaki sa hardin Eden hampay alagaan kay mga binuwat.

¹⁶ 16 Binagawan niya ti lalaki “Makaon nimo tanan ginan sa puon kayo na makitan sa hardin. ¹⁷ Purya sa puon kayo na nakakaalam mayad ag daot unman mahimo kawo mangaon. Mamatay kawo no mangaon tida pagburak kayo. ¹⁸ Binagaw ni Yahweh “Balaw mayad na mag-usa ti lalaki ayawan niko siya katimbang.” ¹⁹ Ginan sa daga binuwat Diyos ti mga hayop sa babaw bantud mga manok maglayang sa kalayawan. Dinara niya sa lalaki hampay makitan kay mga binuwat uno man kay ipangaran imaw ye kay ngaran. ²⁰ Lalaki ti nangayaw pangaran sa tanan mga hayop na makitan sa babaw daga dapat ay lang udmay nakasapat sa kaniya na maging kaibahan niya. ²¹ Nakan ngani niloob Diyos na siya makaturog hamook sa kay pagturog nam-ol ti Diyos ginan sa tadyang lalaki tinalakpan maan niya inda. ²² Ginan sa tadyang lalaki bin-ol ti babaye. Binuwat niya ag dinara sa lalaki. ²³ Binagaw lalaki sa odas inda, inda kay but-ol sa but-ol, naye sa naye. Ginan siya sa lalaki nakan pinangaranan babaye. ²⁴ Nakan ngani tayakan lalaki kay ina ag ama magmirinsanan sida duwa bilang mag-asawa ag magkausa bilang usa ka tawo. ²⁵ Balaw sida magkay-a una pareho sida udmay rutay.