¹ Diyos nah on wa Noe at hatugunan as nagayubalan at maisug ay hagayu at yud melahag mga balan at haghas ate bawon as baluto. Diyos nawat sadik bagyo laman kuyup as tungud lutok hagdaw, ay gunyalong mayanan wakaalay at baa. ² Hagayu at mga bulbugan gimdaga ay hagayu at salebawan banwa in kahotwa ay ginya long in lagang wa nug moyan. ³ At mga danum agtuyungan wa kaalay gisa ngaba tungod lutok. Ay nan langhay wa 150 silang dual wa at nakaalayan. ⁴ 4Insigna ya hag baluto is hahitok mag danum at silang sik sahulo e hito. Sadik saholu e hito silang tunya nag magdanum nu masignaan sis tungud fung sa Ararat. ⁵ At danum ag dagusan wa kaalay anggan balyus fasahulok magdanum is taguna hag silang. At mga talagadan fungso in bangkad wa. ⁶ Nu maalunganan na uhat sahulok silang Noe nabuklas wa at naawat hag gaa baluto. ⁷ Na halayug aak ay gin holian asi ay asta anggan wa in maya at danum is sangaba tungod lutok. ⁸ Ginyaman na falayug sik kalapati laman mamantay kitay yud inmaya wa at danum gis tungod lutok. ⁹ Kitay di tunya nag kalapati diye laga at hagahunan lama nag hahiyaan at dalaha ay in holi yay as baluto, maskin hag daul talun e danum yay. Nahalantay ay gamat ay nadiya wa asa baluto. ¹⁰ 10Aghanaya yay hiya Fitu yak silang ay nafalayug yay hiya tunya hag kalapati gis baluto. ¹¹ Tunya hag kalapati gisi at hakayabian. Bantayan! Bantayan at bibig e sik labung olibo malatuy yalong Noe agtaw wa kitay at danum inkalay wahag dual talun. ¹² Ag hanaya yay hiya hituk yak silang ay nafalayug yay hiya tunya hag kalapati ay ginyalong duwan huli aanya. ¹³ In kalungan wag is unu kadaan ay sadik fangalaw gitaguna hag magdanum ay taguna hag silang tunya hag magdanum in mayo wa at danum gis hagdaul talon. Noe nahabul at falum sakbawan baluto ay nabantay as sadtalun ay nalag kitay in mayawa at dau lutok. ¹⁴ Is haduwak magdanum ay is haduwak sahulu hituk silang hag buwan at talon inmaya wa. ¹⁵ Diyos nalong as Noe, ¹⁶ Fakalhas wag is baluto aw ay am babay am mga anak ibama ay at mga babay am anak hag mga ibama. ¹⁷ Falfasan wa as dayu baluto nga di ngen at suwadan am ufud. Anggan mga manuk tungud anggan at hagimaluun hag mga balan ay hagayu tagilahang at tagilafangan mandi is tungud lutok. Laman umkay wan wa aba is tungud lutok. ¹⁸ Yalong Noe anggan at mga anak ibama nalfas wa anggan at babay ay at mga anak at mga babay kuhudan wa. ¹⁹ Ngadi nge at awatan nga dingen tagilahang hagayan nga dingen hag ngayan takimotan is tungod lutok anggan anya talanan ay nlaw wag is baluto. ²⁰ Noe na awat sik haghatukawan at hag sunugan as Yahweh ay nabul nu kayu da at mahiya hag balan anggan at mahiya hag mga manok tungud ay naanyun at anyun as hag yagoan. ²¹ Yahweh nu naayuk at mahiya hag bangle aglong at sadili, “gis katsi udwag tangkud ti hag lutuk maskin as hagayu wa taw wa gawa kitay at mga hangayhan duwa mahiya gisi ngay dayu mga anak. Anggan ud wa dumot nga dingen tag buyagan. Kitu ku awatan. ²² Anggan ti hag dual lutuk nu masinyaan dagun banwahan tanumon anggan hanganiun anggan han moyanun anggan dayu masudyang. Silang ay yabi ginholian kalanghay mandi duwe tabuan.