¹ Ya yuponé koeti, enepone kutiati tutihiko evo sasetoté tokopokâkonehíko kuane poínuhiko payásoti kuane ne éckiribahiko ya,yuokokuti omónehiko iká'akonehiko Jesus, omanehiko xoko Pilato. ² Ína epemoa Pilatu: ''Iti Natina Jûdeu''? yumopâ: enepone yépomonuke kouhapu'íko indúkeovo. ³ Kuanehiko eníxoneti sasedote ákone tôpi yúho'ínoa okópati Jesus. ⁴ Yane épemo'ikopanemaka Pílatu: ''Akonoe yimapa?yokómoma êno ákoti aúnati okópiopéke?''. ⁵ Ítea ákone yumapa Jesus, yane, íyúpaxone Pilatu. ⁶ Mekúke koyuínovohiko, nóvokoxoa Pilatu ika'áiti kopuhiopo. ⁷ Yane xokoyokehiko ne ika'áhikovoti, heyeuke ne koepékotihiko íka'aiti vo'ókuke kutipasiyea isokokoti, ápe póhuti hoyeno ya koéhati Mbarâba. ⁸ Pihóhiko êno xâne xoko Pilátu yane turíxoane épemea itúkea kuteati kíxoku itùkeovohíko. ⁹ Ína yumopâ Pilatu: ''keha'ánoe ngópuhikopea ra natina Nyûdeuhiko!''. ¹⁰ Yoko éxoa itukeovo ahuxúkinovati okovo evosasedote omínoke Jesus. ¹¹ Itea épone tutihiko sasedoti Ítokuxea okovo xanehiko kuati voukuâti ahe'ókopea, kaha'ayea itúkeovo Mbarâba kurikópovo. ¹² Kíxopanehikomaka Pilatu: na'íkopo injaneye ra Nâtina Njûdeuhiko? ¹³ Kuanê vaukexehiko KÍRUHUXA! ¹⁴ Kixoane Pilatu: kuti'íkopo ituko pahúnevo? itea ínama'axoti vaúkexohiko ''Kirúhuxa''. ¹⁵ Épone Pilatu kahâ'ati ítúkinua áha xanehiko, kurikopa Mbarâba. yané kuriókone Jesus kuane yehepoke'éxea,motovâti kurúhuxea. ¹⁶ Eneohíko ne húndaro ómane kuveuke neko ovokuti, óvoku natíxea, yane eháxikuane heukoeti ne húndaru. ¹⁷ Ikoípovoxua ya kuati ípoovoti, harara'iti hômo itúkinua hirepuí ainóvoti tôpe ípihua ya xoko Jesus. ¹⁸ Turíxovone, kuane yuihoikeahiko kuane yuho ''Iháyuikakana ra natina Judeuhiko.'' ¹⁹ Kuanehiko ísukea tûti ya pulôi ina apuru'íkua, ípuyekekohíkomaka mahi ihayúíkuati. ²⁰ Íkénepoke komohiyea, veyópeahiko ne harara'iti itúkinoa ína íkó'ipovoxopamaka kuati ípovo, yane omane hiko meúkeke kuruhúxuatine. ²¹ Namukixónéhiko ukopeâti óyonuku, íkoinosuati ne kuruna Jesu. Simão koeha íhae sîrene (ha'á Alexandere yoko kúfu). ²² Ómonehiko húndaru ne Jesus xoko iháxoneti ngoûgota, kixoêkoti óvokuopeóti. ²³ Porexoane viyum kaxanénati úheti ihópune, ítea áko énapa. ²⁴ Yane kuruhúxuanehiko haxakexokokuane ne ípovo, kuríkohiko komomâti itúkovotimoye ípovoti námoe póhutihiko húndaru. ²⁵ Yoko ya mópoápeke koyúmakexovo ne ôra kuruhuxeahiko. ²⁶ Oúkeke yutóxuahiko koeku evotíkuake: ''Natina Nyudeuhiko''. ²⁷ Ápe ha'íne kuruhuxeovo pí'axo ómovotihiko, poiháxo éxopeke ína apê pôi lopékuke. ²⁸ Kuati kana'úti ra yutoeti enepo koyuhôa: ''koyuhohíké koeti.'' ²⁹ Eneponehiko hunoneâtihiko, koemokeáti, kuane kayakakeahiko tûti pâ koene: ''Máhi ketohíneotimo hana'iti imokovokuti kuane mahi kexupukapatimakamo poínu ovâti ya kuveu mopo'ati kaxe, ³⁰ Keitapapu yevesékopé kurûhu!'' ³¹ Kuane kixuaku, evo sasedote koemoke'áhiko, evo éskiriba, kíxuane: ''Koitovahikomaka ne poínuhiko, ítea áko kaitapapu. ³² Enepo itukapa kuati Natína Izarâe, yevesekapi kurûhu naxapi ûti, ínamo vakutipopi''. Kuanemaka neko ha'íne kuruhuxeovo koemoke'ámaka. ³³ Yaneko seixope ôra, hahámone ya heukoeti poke'é tuku koeti ya nóvexope ôra. ³⁴ Ítopónuane ya novéxope ôra, yane ína vâuko ne Jesus: ''Eloí, Eloí, lama sabaketáni?'', hara koêti neko yûho, ''Unaém Umaém, nakoeti'iye kurí kíxínenu?'' ³⁵ Híyeuke ovóhexuati kámuane koene: ''Iliya iháxiko''. ³⁶ Yane tópe koene ehákovoti, ípihinuane xoko kalaka'íkopoti váhere ya vínagiri ípíhua xoko Étakati poréxuane énoyeova. Koene yuho ne hoyeno: ''Vokómoma voíkopo veyópea Íliya.'' ³⁷ Yane vaúkone ne Jesus ívókovone. ³⁸ Enepone ípovoti haxakuâti neko hana'iti ímokovokuti, ívarereo úkeati vanukeke tuku koeti poke'éke. ³⁹ Énepone tûti húndaru ovóhexuati nonékuke, nóxua ne kíxovoku hunokoku omexekuyeovo, kuene kuati kana'úti ra hoyeno ''itúkeôvokuatí Xe'éxa Ítuko'oviti''. ⁴⁰ Ápemaka senohiko ixómoti komomâ áko malika okinuaku ixómoyea komoma. Ape evo Mariya Madalena, yoko Mariya (êno Teaku, inámati koya, ya Yuse) yoko Salume. ⁴¹ Enepo ovohexohiko ya Ngalileia, Hókuanehiko hokopâti ikeneke ya Njerusalem. ⁴² Koeku kiyea kaxe, kousokinova, ne kaxena Sâputu, ⁴³ Enepone Yúse íhai arimateya pihóneya. kuatinovo Hana'iti teyoneti, kúxo'íxoti Natixea Ituko'oviti. Kóxunakovône pihóne xoko pilátu epemópoti muyo Ítuko'óviti. ⁴⁴ Íyupá koene ne Pilátu íkutexâti ívokovotine Jesus; yane eháxikuane ne tûti húndaru epemuâti ívókeovo ne Jesus. ⁴⁵ Kamuane né Pilátu yuhoínua tûti húndaru ívókeovone síkuane Yûse veyópea mûyo. ⁴⁶ Yoko ápe váneu ne Yûse kalísoti váhere linhu, ina kóevesekopo Jesus ya kuruhúke ína aupíxopa kalísoti ipovóti, yane ípihópa xokó ekóxóvoku ya uhoroke kuveúke mopôi ina kohokoroko mopôi exexuâti ne ekóxovoku. ⁴⁷ Yoko ápe evo Mariya Madalena, yoko Mariya, êno Yuse noixuane ekoxokoneku Jesus.