^{1 2} गलती प्रांता माने मंडली हिन महा की नेता महा वर्सेस तर येशू ख्रिस्ता वर्जेसे आण जियाय तियाल मोतापने उठाव्या तो देव पितो त्या याहा वजेसे वेयो ओ प्रेषित पौल, इयाहोवेने आन मा आरी आख्ये पावुहू होवेने. ³ देव जो बाहको आण आपुहू प्रभू येशू ख्रिस्त इयाहिने तुम्हाहाल तुम्हाहाल कृपा आण शांती मिले. ⁴ आपुहु देवबाहका मना प्रमाने, इ आमीच्या दुष्ट जगामने आपुहुल सोडवा प्रभू येशू ख्रिस्ताने आपु पापा केता स्वतःल देदो. ⁵ देवा बाहकाल सदाकाळ गौरव री आमेन. ⁶ माल चाकित वाटेहे का, जीयाय तुम्हाहाल ख्रिस्ता कृपाम निवड केयी तीयाही ने आलेहे माहर तुम्हा बिजा सुवार्ता होवे वोल्याहा.

⁷ बिझी केलीच सुवार्ता नहा ; पेण तुम्हाहाल घुस्कुडाम पाडणारे आण ख्रिस्ता सुवार्ता विपरीत केवनु इच्छा केणारा कोताहाक हाय. ⁸ पेन जी सुवार्ता आम्हाहाय तुम्हाहाल आखी नेता होरगामने आला देवदूताही बी आख्य्यो तेबी तो शापित रे. ⁹ आम्हाहाल पेह्याज आखलो हाय तेहकिच माय आमी बी आखुहू का, केदाय तुम्हणेन जो तुम्हाहाय लेदो तियासने अलग सुवर्ता केदाय तुम्हेन आखी तो शापित री. ¹⁰ माय आगी महा नेता माय देवा मनधरी करा विरियोहो? माय महान आनंदित केरा व्ही रियोहो काय? माय आम्ही लुग महालुज आनंदित केतो रेतो माय ख्रिस्ता सेवक नाही रेतो ¹¹ कारण; पावूहू माय तुम्हाहाल आखुहू का मायुय जी सुवार्ता घोषणा केयी ती महा आखनू प्रमाणे नाहा. ¹² कारण तो माल माहा होवेने मिल्लो नाहा तेहकिज माल केडाय हिकाव्ये नाहा; पेन येशू ख्रिस्ता प्रगटीकरनामाने तो माल मिल्यो. ¹³ तुम्हा मा,यहुदी धर्मामने, पूर्वीच्या वागणुकीविषयी उनाय हाय का माय मंडलीही खूप छळ किन तियाहा नाश केतलो. ¹⁴ आने आय मा पुर्वजांहा प्रथाविषयी वाय वादुज आवेशी हाय त्याखातोर माहांमने मा वोया खुब लोकांपेक्षा आय यहुदी धर्माम आय आगाडी गेहलो हाय. ¹⁵ पेन ज्या देवाय माल याहकी गर्भामाने जुदो केयो आन तिया कृपाहाकी माल हाद्यो तीयाल जहा हारो लागलो का ? ¹⁶ तिया पुत्राल मा वैजेसे प्रकट कीव, कहाका आखा देशाम माय तीया सुवार्ता उनावु ताहा माय ई केल्याज माहा सल्लो नाहा लेता. ¹⁷ आन मा पूर्वी वेया प्रेषिताहवे येरुसलेमाम नाहा जाता, पेन माय ताहाज अरबस्तान देशाम निगी गेहलो आन तिहीने दिमिष्काम फासे परत आलो. ¹⁸ आगला, तीन वर्षानंतर माय केफाल मिला येरुसलेमाम गेहलो आन पंधरा दिही माय तीया आरी रेहलो; ¹⁹ पेन प्रभू पावुहू याकोब इया शिवाय माय कोताहा प्रेषितापैकी बिजा केदोनच माल देखलो नाहा. ²⁰ माय जो तुम्हाहाल लिखी रियोहो,तो त्या, देवाहुमूर,माय खोटो गोगतो नाहा. ²¹ तीया नंतर माय सीरिया आन कीलीकिया देशाम आलो. ²² आन ख्रिस्ताम आथ्या, याहुदिया देशामने मंडलीहिन माय मालूम नाय आथो. ²³ तीयाहा उनावनू ओतोहोज की,पूर्वी आम्हाहा छळ केनारो च्या विश्वासा फासला नाश केतलो तीयाज तो आमी देवासुवार्ता आखी रियोहो. ²⁴ आन ते मादारे देवा गौरव केरा लागले.