1 ¹ Исо Масиҳнинг маҳбуси Повул ва биродаримиз Тимўтийдан бизнинг ҳамкоримиз ва севиклигимиз Филимонга, ² севимли синглимиз Апфиага, бизнинг сафдошимиз Архипп ва сенинг уй Жамоатингга: ³ сизларга Отамиз Худодан ҳамда Раббий Исо Масиҳдан иноят ва тинчлик бўлсин! ⁴ Мен ҳар доим сени ўз ибодатларимда ёдга олиб, Худойимга миннатдорчилик билдираман, ⁵ чунки мен сенинг барча муқаддасларга ва Раббий Исога бўлган севгинг ва имонинг ҳақида эшитяпман. ⁶ Исо Масиҳда биз эга бўлган ҳар қандай эзгуликни таниб билишингда имонингнинг мулоқоти маҳсулдор бўлсин, деб ибодат қиламан. ⁷ Зеро биз сенинг севгингда буюк қувонч ва юпанчга эгамиз, чунки муқаддасларнинг юраги, эй, биродар, сен томондан тинчлантирилган. ⁸ Шу сабабли, мен сенга зарур нарсаларни буюришга Масиҳда буюк дадилликка эга бўлсам ҳам, ⁹ яхшиси севги ҳақи мен – қария Повул, эндиликда эса Исо Масиҳнинг маҳбуси, сендан илтимос қиламан. ¹⁰ Мен кишанбандлигимда туққан ўғлим Ўнисим ҳақида сендан илтимос қиламан. ¹¹ У қачонлардир сен учун яроқсиз эди, энди эса сенга ҳам, менга ҳам яроқлидир. ¹² Мен уни сенга қайтариб юборяпман, сен эса уни менинг юрагим каби қабул қилгин. ¹³ Мен уни ўзимнинг олдимда ушлаб қолишни хоҳлар эдим, токи менинг хушхабар учун бўлган кишанбандлигимда у сенинг ўрнингда менга хизмат қилсин. ¹⁴ Лекин сенинг розилигингсиз ҳеч нарса қилишни хоҳламадим, токи сенинг эзгулигинг мажбурий эмас, балки ихтиёрий равишда бўлсин. ¹⁵ Зеро сен уни умрбод қабул қилгин, деб балки у сендан айнан шу учун вақтинча ажралган эди. ¹⁶ Энди эса сен учун у қул сифатида эмас, лекин қулдан юқори – танада ҳам, Раббийда ҳам биродар сифатидадир. У айниқса менга, мендан ҳам кўра сенга севимли биродардир! ¹⁷ Шундай қилиб, агар сен мен билан мулоқотга эга бўлсанг, унда уни мен каби қабул қилгин. ¹⁸ Агарда у сени нимададир хафа қилган бўлса ёки сендан қарздор бўлса, буни менинг бўйнимга ҳисоблагин. ¹⁹ Мен, Повул ўз қўлим билан буни ёздим: мен тўлайман. Ҳолбуки, сен ўзинг билан менга қарздор эканлигингни сенга айтмаяпман. ²⁰ Ҳа, биродарим, Раббийда сендан фойдаланишга менга рухсат бериб, менинг юрагимни Раббийда тинчлантиргин. ²¹ Мен сенга айтганимдан кўра ортиқроғи билан бажаришингни билиб, сенинг итоатингга амин бўлиб, сенга ёздим. ²² Шу билан бирга, мен учун жой тайёрлагин, чунки ибодатларингизга биноан мен сизларга инъом этилишимга умид қиламан. ²³ Исо Масиҳ учун мен билан бирга кишанбанд бўлган Эпафрас сенга салом йўлламоқда. ²⁴ Менинг ҳамкорларим Марк, Аристарх, Димас ва Луқо ҳам салом йўлламоқдалар. ²⁵ Раббимиз Исо Масиҳнинг инояти сизларнинг руҳингиз билан биргадир. Омин