1

¹ Инмарлэн рабезлэсь Павелэсь, Иисус Христослэн апостолэз, монэ Инмар бырьиз земзэ оскон ваён понна.

² Со оскон сётэ быронтэм улонлы, асьмелы Инмар кылзэ сётӥз улон кутсконлэсь азьвыл ик.

³ Нош аслаз вуэм дырызъя Аслэсьтыз кылзэ усьтӥз калыклы, асьмелэн Утисьмылэн косэмезъя мыным оскизы.

⁴ Одӥг осконэн улӥсь, зэмос пилы Титлы: благодать каньылыкез ваньмыз та Инмар-Атайлэн но Кузё Инмарлэн, Иисус Христослэн асьмелэн Утисьмылэн мылкыд каремез.

⁵ Мон тонэ кельтӥ Критэ, тон вань быдэстымтэ ужез лэсьты но вань городъёсы пукты присвитеръёсты кызьы Мон тонэ коси лэсьтыны.

⁶ Соослэн нокыӵе но янгышсы медаз луы, одӥг пол гинэ кышнояськемын, пиналъёссы но соослэн оскымонэсь, азыса-калгыса яке нокинэн но гэрытэк уло шуыса пыкылӥсез медаз луы.

⁷ Малы ке шуоно епископ луыны кулэ Инмарлэн юртӥсезлы тупась, нокыӵе янгыштэк, дун зэмос, шонер луыны кулэ медаз со луы вылтӥяськись, йыркуръяськись жугиськись, узырлыклы синмаськись, вина юыны яратӥсь.

⁸ Со мед луоз куноослы шумпотӥсь, ӟечез яратӥсь, котьмае шонер лэсьтӥсь, вӧсяськыса, Инмарлэсь кылзэ быдэсъяса улӥсь, ассэ кутыны быгатӥсь.

⁹ Со шонер дышетон бордын возиськыны мед быгатоз, озьы ик юн зол мед дышетоз мукетъёссэ но, шонер сюрес вылэ султыны, нош кин ке пумитъяське шонер, дышетонлы соосты шарае поттыны быгатӥсь.

¹⁰ Вань уг трос кылзиськисьтэм адямиос, юнме супыльтӥсьёс, пӧяляськисьёс, тросэз соос пӧлысь вандӥськон сямез ортчытэмъёс.

¹¹ Сыӵеослэсь пытсано ымзэс, соос дышето озьы, кызьы кулэ ӧвӧл, но быдэс семьяосты куакато, асьселы пайда потон понна.

¹² Кин ке асьсэлэн ик пророксы вераз: "Критын улисьёс котьку но пӧялясько, соос лек зверъёс кадь, асьтэмесь, кӧттырмостэмесь".

¹³ Та зэм шонер веран. Соин ик соосты юн эскерыса возьма, шара вера умойтэм лэсьтэмзэс, соослэн мед луоз шонер зэмос осконзы.

¹⁴ Ӧз кызӥське Иудейёслэсь пӧяськыса мадёнзэс но адямиослэсь курон-косонзэс куд-огез палэнскизы шонерлыклэсь.

¹⁵ Дун-чылкытъёс понна ваньмыз дун-чылкыт, нош кин ке сураськемын, оскисьтэмъёс понна номыр но дун-чылкыт ӧвӧл, малы ке шуоно соос возьыттэмесь, возьзы сураськемын.

¹⁶ Соос верало, ми пе тодӥськом Инмарез, нош ужъёсынызы куштӥсько Инмарлэсь, Соос туж уродэсь но кылзӥськисьтэмесь адямиос, ӟеч уж лэсьтыны быгатӥсьтэмесь.