1
1
Ми куспын зэм луэм учыръёс сярысь тросэз вераны кутскизы ни бере,
2
кудӥз сярысь кутсконысеныз ик Кылэз адӟемъёс но Сое быдэсъясьёс милемлы ивортӥзы,-
3
соку мон но малпай кутсконысеныз ик ваньзэ пыр-поч эскерыны но тыныд гожтыны, гажано Феофил,
4
тон но мед тодод со дышетонлэсь мурдалазэ, кудӥныз тон тодматскид ини.
5
Иудеяын, Ирод царь кивалтон нуналъёсы, Авиялэн выжыысьтыз Захария нимо священник вылэм, нош солэн кышноез Елисавета Аарон выжыысь.
6
Инмар азьын кыкназы но соос шонер улӥсьёс вылӥллям, Кузё-Инмарлэсь курон-косонъёссэ туж ӟеч быдэсъяса улӥллям.
7
Соослэн нылпизы вылымтэ, Елисавета нылпи ваисьтэм вылэм уго. Кыкназы но соос бадӟым арлыдоесь вылӥллям ини.
8
Огпол, черодэз вуыса, Инмар азьын кулэ ужъёсты лэсьтыкуз,
9
пус чӧлтыса(кыскыса), кызьы каро вылэм священникъёс, солы Кузё-Инмарлэн храмаз ладанэн ӵындытыны пыроно луэм.
10
Храмлэсь пушсэ ӵындытон дыръя, люкаськемъёс азбараз (пэдпалаз) вӧсясько вылэм, -
11
соку солы жертвенниклэн бур палаз сылыса, Кузё-Инмарлэн ангелэз возьматӥськем.
12
Захария сое адӟыса кепырам, но кышкан сое шобыртэм.
13
Ангел солы шуэм: эн кышка Захария, тынад вӧсяськемед кылэмын, Елисавета кышноед тыныд пи вайёз, солы Иоанн ним сётод.
14
Тыныд шумпотон но шулдыръяськон луоз. Солэн вордскемезлы тросэз шумпотозы.
15
Кузё-Инмар азьын со бадӟым луоз, вина но лек кудӟытӥсь юон уз веръя, анаезлэн пушказ ик со Святой Духен тыр луоз.
16
Израильлэсь туж трос пиоссэ Кузё-Инмар доры ваёз.
17
Илиялэн кадь лулын но кужымен Инмысь Атайлэн Пиезлэн азьпалтӥз со мыноз, Солы калыкез дасян понна: атайёслэсь сюлэмъёссэз нылпиоссы пала берыктоз, кылзӥськисьтэмъёсты шонер улӥсьёслэн визьмо сюрес вылазы берыктоз.
18
Захария ангеллы верам: Кызьы мон сое тодом? Мон уго пересь ини, кышноелэн но аресыз бадӟым ини.
19
Ангел солы тазьы верам: Мон Гавриил, Инмар азьын сылӥсь, тон доры ыстэмын ӟеч ивор тыныд вераны.
20
Табере тон, верамме быдэсмытчёзь, кылтэм но вераськыны быгатӥсьтэм луод, верам кылъёсылы оскымтэед понна, кудъёсыз ас дыраз быдэсмозы.
21
Со дыре калык Захарияез витьыса улэм, храмын ӝегамезлы паймыса.
22
Со отысь потэм, нош номыр соослы вераны быгатымтэ, кипусъёсын гинэ валэктыны тыршем. Калык валатскем, со адӟон адӟем шуыса.
23
Храмын служба ортчем бере, Захария дораз бертэм.
24
Та нуналъёс бере, солэн кышноез Елисавета нылпи ваёно луэм, вить толэзь со лушкем, нокинлы но вератэк улэм. Елисавета шуэм:
25
Калык пӧлын вераськонэз дугдытон понна, Кузё-Инмар мыным тазьы лэсьтӥз.
26
Куатетӥ толэзез мыныку Инмар дорысь Гавриил нимо ангел Галилеяысь Назарет городэ лэземын вал,
27
Давид коркась Иосиф нимо пиосмуртлы курам ныл доры ыстэмын вал, со ныллэн нимыз Мария.
28
Ангел Со доры пырыса шуэм: «Шумпот, тон благословить каремын! Кузё-Инмар тонэныд; кышномуртъёс пӧлын тон ӟечлыкоез».
29
Ангелэз адӟыса, верам кылъёсызлэсь ныл кепырам, малы меда та таӵе ӟечкылан, шуыса малпам.
30
Ангел солы шуэм: «Эн кышка, Мария, тон Инмар азьын ӟечлыко луид,
31
тани тон, секытэн луод, Пи ваёд но солы Иисус ним сётод.
32
Со луоз быдӟым но Вылысь Атайлэн Пиез шуыса нимаськоз, но Кузё-Инмар Солы царь Давид атаезлэсь престолзэ сётоз.
33
Пумтэм дауръёс ӵоже Иаковлэн коркаяз Со царь луыса пукоз. Солэн Царствоезлэн пумыз но уз луы.
34
Мария ангеллэсь юам: Кызьы со луоз, мон пиосмуртэз уг ке тодӥськы?
35
Ангел Солы тазьы шуэм: Святой Дух тон вылэ васькоз, Вылысь Инмарлэн кужымез Тонэ шобыртоз. Соин ик Тынэсьтыд вордӥськем Дун-Сьӧлыктэм Вылысь Атайлэн Пиез шуыса нимаськоз.
36
Тани тынад выжыысьтыд Елисавета но, нылпи ваисьтэм вал, пересь даураз нуны ваёно луиз, солэн куатетӥ толэзез ини.
37
Инмарлэн одӥг кылыз но быдэсмытэк уг кыльы.
38
Соку Мария вераз: Мон Кузё-Инмарлэн ляльчиез, тынад верам кылыдъя мыным мед луоз. Ангел со дорысь кошкем.
39
Со нуналъёсы Мария ӝогак дасяськем но гурезё шаере Иудалэн городаз мынэм.
40
Захариялэн коркаяз пырем но Елисаветаез ӟечкылам.
41
Елисавета Мариялэсь ӟечкыламзэ кылэм бере, солэн нуныез пушказ вырӟем: Елисавета Святой Духэн тыр луэм.
42
Бадӟым куараен вазиськем но шуэм: «Кышноос пӧлысь ваньмызлэсь золгес тон благословить каремын,
тон пушкысь Нуны но ӟечлыко каремын!
43
Кытысь та мыным: Кузё-Инмарлэн анаез мон доры лыктӥз?
44
Уго Тынад ӟечкылан куараед кылӥськыку, нуны шумпотыса пушкам вырӟиз.
45
?? Шудо оскем мурт, - Кузё-Инмарлэн Солы верамез быдэсмоз уго».
46
Мария шуэм: «Мынам лулы Кузё-Инмарме данъя,
47
?? лулы Инмарелы, Утиселы шумпотэ,
48
уго адӟиз Со аслэсьтыз кылзӥськись ляльчизэ, та дырысен Монэ вань выжыос шудо мурт шуозы,
49
уго Кужмо мыным бадӟым уж лэсьтӥз, Солэн нимыз чылкыт,
50
Солэсь кышкасьёслы Солэн гажанэз (милостез) выжыысь выжые.
51
Со Аслэсьтыз кужымзэ возьматӥз, вылӥ мылкыдоослэсь малпанъёссэс пазьгиз,
52
кужмоосты пукон интыысьтызы уськытӥз, нош востэмъёсты ӝутӥз.
53
Сютэм улӥсьёсты ӟечен тырмытӥз, узыръёсты номыртэк лэзиз,
54
?? жалясь мылкыдыныз Аслэсьтыз ляльчизэ, Израилез бордаз кариз,
55
кызьы шуиз вал атайесмылы, Авраамлы но солэн выжыезлы.
56
Мария соин ӵош куинь толэзь мында улэм но собере гуртаз бертэм.
57
Елисаветалы нылпи воён дырыз вуэм, со пи нуны ваем.
58
Бускельёсыз, ӵыжы – выжыосыз кылӥллям Кузё-Инмар сое юн гажамзэ – жалямзэ но соин валче шумпотӥллям.
59
Тямысэтӥ нуналаз нунылы вандӥськон сямез ортчытыны лыктӥллям но атаезлэсь нимзэ солы сётыны малпаллям.
60
Талы солэн анаез шуэм: ӧвӧл, сое Иоанн шуыса нимано.
61
Нош солы шуиллям: «Тынад ӵыжы-выжыед пӧлын та нимез нуллӥсь нокин но ӧвӧл.
62
Атаезлэсь но пусъёс пыр юаллям, кыӵе ним со сётысал шуыса.
63
Со пул курем но гожтэм: Иоанн солэн нимыз. Ваньзы паймиллям.
64
Соку ик солэн кылыз-ымыз усьтӥськем но Инмарез данъяса, со вераськыны кутскем.
65
Со котырын улӥсьёс ваньзы кышканы кутскиллям: Иудеялэн быдэс гурезё шаераз ваньмыз та сярысь вераськиллям.
66
Ваньмыз тае кылӥсьёс сюлмазы возиллям, малпаллям: «Кыӵе пинал та луоз?» Кузё- Инмарлэн уго киыз со вылын вал.
67
Захария, пилэн атаез, Святой Духэн тыр луэм но азьпалзэ тодытыса(пророчествовать карыса) шуэм:
68
Ӟечлыко Израильлэн Кузё-Инмарез, Аслаз калыкез доры лыктӥз но солы утиськон ваиз.
69
Со Давидлэн юртысьтыз покчи пиез пыр милемлы утиськон сюрзэ ӝутӥз.
70
Аслаз святой пророкъёсыз пыр азьпалзэ вераз вал:
71
«Тушмонъёсмылэсь, синазькыль карисьёслэсь асьмеды утёз,
72
милям атайёсмылы гажан-жалянзэ возьматоз но Аслэсьтыз святой сӥзён – косонзэ тодаз ваёз,
73
Авраамлы, асьмелэн атаймылы, верам (сётэм) кылзэ быдэстоз.
74
Ум кышкалэ, милемыз тушмонъёсмылэн ки улысьтызы мозмытыкуз,
75
улонмылэн вань нуналъёсаз Со азьын Солы святой улонэн но шонерлыкен тыршыны.
76
Но тон, нуны, Вылысь Атайлэн пророкез шуыса нимаськод, тон Утисьмылэн азьтӥз мынод, Солы сюрес дасялод
77
но Солэн калыкезлы валэктод, соос утемын луозы но сьӧлыкъёссы простить каремын луозы шуыса,
78
асьмелэн Инмармылэн яратонэз туж бадӟым, ми вылэ Со дорысь шунды ӝужан васькиз,
79
пеймытын но кулонлэн вужераз пукисьёсты югдытыны, пыдъёсмес тупаса улонлэн сюрес вылаз поттыны.
80
Нуны будэм, лулыныз – сюлмыныз юнмам, Израиль калыклы возьматскон нуналыз вуытозь пустыняын улэм.