1
1
Нырысь ик вал Кыл, но Кылыз вал Инмарлэн, но Кыл вал Инмар.
2
Со вал нырысь ик Инмарлэн.
3
Ваньмыз Со пыртӥ ӧдъяз луыны, но Сотэк номыре но ӧй вал, мар ӧдъяз луыны.
4
Со пуӵкын вал улон, но улон вал югдыт калыкёслы.
5
Югыт югдытэ пеймытын, но пеймыт ӧз басьты сое.
6
Инмарлэсь келямын вал адями, кудызлэн нимыз Иоанн.
7
Со лыктӥз ивортыны, ивортон понна Югыт сярысь, ваньмыз мед оскозы шуыса со пыртӥ.
8
Со ӧй вал югыт, но келямын вал, вераны Югыт сярысь.
9
Вал землыко Югыт, Кудыз котькудзэ дышетэ, кин лыктэ дунне вылэ.
10
Со вал дунне вылын, дунне кылдӥз Со пыртӥ, нош дунне ӧз тодма Сое.
11
Со лыктӥз аслазъёсыз доры, но аслазъёсыз Сое доразы оз лэзе.
12
Нош соослы, кин лэзиз Сое дораз, оскисьёслы Солэн нимызлы, сётӥз власть луыны Инмарлэн нылпиез шуыса,
13
кудъёсыз ӧз вордӥське вирлэсь но мугорлэн мылпотэмезлэсь но пиосмуртлэн мылпотэмезлэсь но, нош вордӥськизы Инмарлэсь.
14
Кыл луиз мугор но асьменым ӵош вал, тырмыса благодатен но шонерлыкен. Ми адӟимы Солэсь данлыксэ, Атайлэсь Одиг гинэ вордискем Пиезлэсь данзэ кадь.
15
Иоанн вералляз Со сярысь но шуылӥз: «Та Со, Кудыз сярысь мон верай, мон сьӧры Мынӥсез мынам азьпалам луиз, малыке шуоно со вал мынам азьпалам.
16
Солэн тырмеменыз ми ваньмы басьтӥмы благодать вылэ благодать,
17
малыке шуоно Моисей пыртӥ сётэмын закон, нош благодать но шонерлык лыктӥзы Иисус Христос пыртӥ.
18
Инмарез нокин но ноку но ӧвӧл адӟем – Сое возьматӥз Одиг гинэ вордскем Пиез, кудыз улэ Атаезлэн пуӵказ».
19
Тӥни сыӵе вал веранэз Иоаннлэн, куке иудейёс келязы вал Иерусалимысь священникъёсты но левитъёсты юаны сое: «Кин тон?»
20
Со ялӥз, но ӧз но куштӥськы, но валэктыса вераз :"мон Христос ӧвӧл"
21
Солэсь юазы: «Кин бен тон? Илия?» Со шуиз: «Ӧвӧл». «Пророк?» Со шуиз: «Ӧвӧл»
22
Соку соос шуизы: «Кин бен тон? Мар милеем верано, милемды келясьёслы : мар тон вералод ачид сярысь?»
23
Со шуиз : «Мон пустыняысь кесяськыса верась куара: «Лэсьтэ шонер сюрес Кузё Инмарлы» - кызьы шуиз пророк Исаия».
24
Келямёс вал фарисейёс пӧлысь.
25
Соос юазы солэсь: «Тон ӧвӧл ке Христос но Илия но пророк но ке ӧвӧл, малы соку крестить кариськод?»
26
Иоанн шуиз соослы: «Мон вуын крестить карисько, но тӥ пӧлын вань Кинке, Кудзэ тӥ уд тодӥське.
27
Со, мон бӧрсьы Лыктӥсь, мынам азьпалам луиз. Мон Солэсь пыдкутчетэзлэсь езэ но пертчыны ярано ӧвӧл»
28
Та вал Вифаниын, Иордан шур дурын, кытын крестить каре вал Иоанн.
29
Мукет нуналаз Иоанн адӟиз со доры лыктӥсь Иисусэз но шуиз: «Тани Инмарлэн Ыжпиез, Кудыз басьтэ Вылаз дуннелэсь сьӧлыксэ.
30
Со сярысь мон верай вал: «Мон сьӧры лыктэ Соиз, Кудыз султӥз мынам азьпалам, малыке шуоно Со вал нӥ мынам азьпалам»
31
Мон уг тодӥськы вал Сое, нош мон лыктӥ крестить карыны Сое вуын со понна, Со Израильлы мед тодмо луоз шуыса».
32
Иоанн юнматыса вераз: «Мон адӟи Духез, кудыз ваське вал инмысь, дыдык музэн, но кылӥз Со вылын.
33
Мон уг тодӥськы вал Сое, нош монэ Келясь, крестить карыны вуын, вераз мыным:" Куке адӟёд Духез, Кудыз Кинке вылэ ваське но Со вылын луэ, Со вань Святой Духен крестить карись"
34
Но мон адӟи но ивортӥ, Со Инмарлэн Пиез шуыса".
35
Мукет нуналэ нош ик Иоанн аслаз кык дышетскисьёсыз сылэ вал.
36
Но, адӟиз Иисуслэсь лыктэмзэ но шуиз :"Тӥни Инмарлэн Ыжпиез"
37
Солэсь верамзэ кылыса, кыкез ик дышетскисьёсыз Иисус сӧры мынӥзы.
38
Нош Иисус, берытскыса адӟиз соос сӧраз мыно шуыса, но юаз соослэсь:"Мар тӥлед кулэ?" Соос шуизы Солы:"Равви (дышетӥсь), кытын улӥськод?"
39
"Лыктэ но адӟёды", - вераз соослы. Соос мынӥзы но адӟизы, кытын Со улэ, но улӥзы Со дорын со нуналзэ. Дыр вал дас час котыр.
40
Одӥгез кык пӧлысь, Иоаннлэсь Иисус сярысь кылылэмез, но Иисус сьӧры кошкисез, вал Андрей, Симон Пётрлэн выныз.
41
Со нырысь ик шедьтэ аслэсьтыз вынзэ Симонэз но вера солы :"Ми шедьтӥмы Мессияез (Христосэз)"
42
Но ваиз сое Иисус доры. Иисус учкиз со шоры но шуиз:"Тон - Симон, Ионналэн пиез, тонэ нималозы Кифа, кудыз "из" ( Пётр ) луэ.
43
Мукет нуналэ Иисуслэн мынэмез потӥз Галилеяе. Но шедьтэ Филиппез но вера солы:"Лык Мон сьӧры"
44
Филипп нош вал Вифсаидысь, одӥг городысь Андреен но Пётырен.
45
Филип шедьтэ Нафанаилэз но вера солы:"Ми шедьтӥм Сое, Кин сярысь гожъяз Моисей но пророкъёс, Иисусэз, Иосифлэсь пизэ, кудыз Назаретысь".
46
Нош Нафанаил шуиз солы:"Марке ӟечез луыны быгатоз - а Назаретысь меда?"
47
Иисус, адӟиз Со доры лыктӥсь Нафанаилэз но вера со сярысь:"Тани зэмос Израильын улӥсь мурт, кудызлэн ӧвӧл кескич малпанэз".
48
Нафанаил юа Солэсь:"Кытысь Тон монэ тодӥськод?" Иисус вераз солы:"Филипп тонэ ӧтемлэсь азьло ик, Мон тонэ адӟи смоковница улысь".
49
Нафанаил Солы пумитаз вазиз:"Равви! Тон - Инмарлэн Пиез, Тон - Израильлэн Царез".
50
Иисус солы вазиз:"Тон оскиськод, малыке шуоно Мон тыныд верай:"Мон адӟи тонэ смоковница улысь",- талэсь но бадымзэгес адӟёд!"
51
Но вера солы:"Зэм ик, зэм ик верасько тӥлед: табере тӥ адӟёды усьтӥськем инэз но Инмарлэсь ангелъёссэ, кдъёсыз тубо но васько Адямилэн Пиез доры".