1

¹ Инмарлэн быръемезъя мон Иисус Христослэн апостолэз но Тимофей братмы -

² привет вераськом Колоссын улӥсьёслы, вӧсяськисьёслы, Иисус Христос бордын оскымон братъёслы:

³ Благодать но тупаса, каньыл улон тӥледлы асьмелэн Атай-Инмармылэсь но Кузё-Инмарлэсь Иисус Христослэсь. Ми котьку но вӧсяськиськом тӥ понна но тау кариськом Инмарлы Иисус Христослэн Атаезлы.

⁴ Малы ке шуоно, ми кылӥмы тӥлесьтыд оскондэс Иисус Христослы, но тӥляд яратонды сярысь адямиослы, вӧсяськисьёслы.

⁵ Осконды тӥляд вань уг, мар дасямын инмын тӥледлы, Со сярысь кемалась тӥ кылӥды ини ӟеч иворысь.

⁶ Со кыл кылиз, улэ тӥ дорын, вае емыш но вӧлме, кызьы быдэс дунне вылын, ӵош тӥледын со, со нуналысен, ку тӥ кылӥды но оскиды земос шонер гажанзэ но яратонзэ Инмарлэсь.

⁷ Тӥ дышетскиды асьмелэн яратоно ужасьмылэсь Епафрослэсь, кудӥз тӥ понна Иисус Христослы оскиськымон тыршыса ужаз.

⁸ Со ик милемлы вераз тӥлесьтыд юн яратондэс, кудӥз тӥледлы сётэмын Духен.

⁹ Малы ке шуоно кызьы ми кылӥм ,со нуналысен ӧм на дугдылэ вӧсяськемысь, тӥ понна, ялан курӥськомы Инмар тӥледлы мед сётысал визьлык но тодон-валан ваньмыз со Святой Духлэсь мед сётӥськоз.

¹⁰ Тӥ Инмарлы ярамон улэ, котьмар но ласянь, Инмарлы ӟеч лэсьтыны тыршелэ котькыӵе ӟеч ужъёсыныды, ваелэ емыш Инмарез тодонлыкты будысал.

¹¹ Юнматске Солэн кужмыныз но данлыкеныз, шум потыса чидатсконо.

¹² Тау каре Инмар-Атайлы, Со асьмемыз святойёсын ӵош инмын люкет басьтоное пыртӥз.

¹³ Инмар-Атаймы асьмемыз мӧзмытӥз пеймыт кужым ки улысь, но Аслаз яратоно Пиезлэн царствояз пыртӥз.

¹⁴ Иисус пыр мӧзмытским, Солэн Вирыныз куштӥськизы сьӧлыкъёсмы.

¹⁵ Иисус луэ адӟиськонтэм Инмарлэн тусбуез, Со азьлогес вордӥськемын мар кылдытэмын вал дуннеын.

¹⁶ Ваньмыз Соин кылдытэмын,мар вань инмын но, мар вань музъем вылын адӟоноез но, адӟисконтэмез но: престолъёс-а, кузёяськонъёс-а кузёйыръёс-а, кужымъёс-а ваньмыз Со понна кылдытэмын.

¹⁷ Ваньмызлэсь азьло Иисус, ваньмыз возиське Иисус бордын.

¹⁸ Со йырыз луэ, мугорыз церковлэн Со-нырысез кулэмысь улӟыса султэмъёс пӧлысь Солы нырысетӥ интыын луон понна.

¹⁹ Малы ке шуоно Атаезлы озьы кулэ вал ,Христос бордын мед луоз ваньмыз.

²⁰ Христос пыр Асьсэныз ваньзэ тупаса улӥсь карыны, музъем вылын но, инмын но кирос бордын кисьтӥськем вирыныз тупаса улон вайыны.

²¹ Куке-соку тӥ кыдёкын вал Инмарлэсь, тӥ вал врагъёсыз Солэн урод ужъёсты сэрен.

²² Табере Инмар тӥледыз тупаса улӥсь кариз Пиезлэн мугорыныз кулонэз пыр, тӥ мед луоды дун сӧлыктэм чылкыт Со азьпалан.

²³ Тӥ улэ юн осконэн, эн кошкелэ шумпотон ӟеч иворлэсь, кудӥз верамын вань улын инбам улӥсь калыклы но сое тӥ кылиды, Со ӟеч иворен тыршисез тодматӥсез луи мон Павел.

²⁴ Нош али шумпотӥсько мынам курадӟонъёсы тӥ понна, но ватсасько тырмымтэ Христослэсь курадӟонъёссэ аслам мугорам Солэн мугорыз понна Иисус Христослэн мугорыз со церковь лыдъяське мон луи церковлэн ужасез.

²⁵ Инмарлэн кивалтэмезъя Со мыным оскиз, тӥ понна Инмар кылэз вераны.

²⁶ Лушкем ватэмын вал быдэс даур ӵоже выжысь-выжыосы, но али усьтэмын со вӧсяськись калыклы.

²⁷ Инмарлэн возьматэмез потӥз язычникъёс понна: кыӵе данлыко узырлык ватэмын Со ватос луэ Христос тӥ пушкын, витёно христослэсь данлыксэ.

²⁸ Со сярысь ми тодӥськом, визьмаськом котькуд адямиез но дышетӥськом вань визьмес сётыса, котькуд адями мед луоз дун сьӧлыктэм, Христос бордын.

²⁹ Со понна ик мон тыршисько ужаны Солэн кужмыныз ожмаськисько, кудӥз юн кужмо ужа мон пыр.