3
1
1. Пётр Иоаннэн ӵош укмысэтӥ часлэн вӧсяськоназ храме мынӥзы.
2
2) Храме пырон капка вӧзын чут вордӥськем адями пуке вылэм. Сое отчы нуналлы быдэ вайылӥзы аслыз кӧттырон курыны.
3
3) Храме пырон азьын,Пётрез Иоанэз адӟыса,соослэсь кӧттыр куриз.
4
4) Пётрен Иоанн сое адӟыса шуизы: «Учкы ми шоры».
5
5) Со малпам вылэм, мар ке но сётозы шуыса.
6
6) Нош Пётр Солы шуэм: «Мынам азвесе но зарние но ӧвӧл, нош маи вань, сое сётӥсько. Иисус Христослэн нимыныз косӥсько тонэ, султы но ветлы».
7
7) Пётр сое бур китӥз кутэм но султытэм. Соку ик солэн пыдъёсыз но пыдесъёсыз но юнмаллям.
8
8) Тэтчыса султэм но храм пушкын Иисус Христосэз данъяса ветлыны кутскем,
9
9) Храмын ваньмыз адӟиллям солэсь озьы ветлэмзэ но Инмысь Атаез ушъямзэ.
10
10) Тодмаллям сое, храм азьын кураськыса пукисез. Ӧлексы пилэн ветлыны кутскемезлы туж паймиллям.
11
11) Со дырысен та пияш Петр но Иоанн дорысь ӧз кошкылы ни. Ваньмыз талы но паймиллям,
12
12) Пётр верам калыклы: «Малы тӥ паймиськоды? Малы тӥ учкиськоды ми шоры? Ми сое ветлӥсь карим кожаськоды-а?»
13
13) Авраамлэн, Исааклэн, Иаковлэн Инмарзы, асьме атайёсмылэн Инмарзы, Со-Милям Вылысь Атаймы аслэсьтыз Пизэ, Иисус Христосэз данлыко кариз, кудӥзлэсь тӥ Пилат азьын куштӥськиды. Пилат малпаз вал Сое мозмытыны.
14
14) Чик сьӧлыктэм, чылкыт, шонер улӥсьлэсь тӥ куштӥськиды. Варраваез, адями виылӥсез, косӥды мозмытыны,
15
15) Тӥ улон сётӥсез – кулонлэсь мозмытӥсез вииды. Инмысь Атаймы Сое кулэмысь улӟытӥз. Ми Сое ваньмы адӟимы.
16
16) Вылысь Инмарлы оскыса та адями юнмаз, Иисус Христос пыр висись мурт тӥляд син азяды бурмиз.
17
17) Агай – вынъёс, мон тодӥсько , тӥляд кузёосты но, тӥ но валатэк озьы лэсьтӥды шуыса.
18
18) Инмар вераз вал пророкъёсыз (азьпалзэ адӟисьёсыз) пыр; Иисус Христос курадӟоз шуыса. Озьы ик луиз.
19
19) Озьыен, вазиське Кузё Инмарлы, сьӧлыкъёстылэсь куштӥське!
20
20) Азьвыл верамын вал: Вуозы сыӵе дыръёс, Инмысь Атай келялоз Аслэсьтыз Пизэ Иисус Христосэз, дорады.
21
21) Озьы ик, пророкъёс пыр верамын на вал Со выльысь инбаме ӝутӥськоз, шуыса.
22
22) Моисей пыр но верамын вал: Кузё Инмар келялоз пророкез тӥ пӧлысь ик. Мар Со тӥледлы вералоз, кылзӥське Солэсь.
23
23) Кин ӧз кылзӥськы Солэсь верамзэ, со калык пӧлысь быдтэмын луоз.
24
24) Самуил дорысен кутскыса, вань пророкъёс та нуналъёс сярысь ивортылӥзы.
25
25) Тӥ пророкъёслэн пиоссы,сӥзён-косонлэн люкет басьтӥсьёсыз луиськоды.Сое тӥляд атайёстылы Инмар сётыны сӥзиз. Авраамлы со шуиз: Тон пыр вань калыкъёс благословить каремын луозы.
26
26) Инмысь Атай Аслэсьтыз Пизэ Иисусэз кулэмысь улӟытыса, нырысь ик тӥ доры келяз, тӥледыз благословить карыны, котькуддэс урод ужъёстылэсь куштӥськыны косыса.