1

¹ Симон Петр Иисус Христослэн ляльчиез но апостолэз, асьмелэн Инмармылэн но Иисус Христос Утисьмылэн шонерлыкезъя миленым ӵош дуно оскон басьтӥсьёслы, ² благодать но лякыт улон мед ватсаськоз, Инмарез но милесьтым Иисус Христос Кузёмес, тодыны.

³ Инмар сетӥз милемлы Аслаз кужымын ваньзэ, мае милем кулэ улыны но Инмарлы ярамон тыршыса улыны, усьтӥз данлык но ӟечлыко улон, милемды Ӧтисез тодон пыр. ⁴ Кудӥныз милем кузьмамын Солэсь туж быдӟымесь но дуноесь сизёнъёс, кудъёсыз пыртӥ тӥ огазеяськиды Инмарлэн улон люкетаз, палдурскиды дуннеын кузёяськись юрдӟым мылпотэмъёслэсь.

⁵ Озьыен тӥ, та борды понэ вань тыршемдэс, возьматэ асьтэлэсь оскондэс ӟеч ужъёсын, ӟеч ужъёс лэсьтэмдэс тодон-валанэн возьматэ. ⁶ Тодон-валанадэс- возиськонэн, возиськондэс- чидатсконэн, чидатсконын - Инмарлэсь кышкаса улон , ⁷ Инмарлэсь кышкаса улонын - агай-вынъёсты гажанэн, агай- вынъёсты гажаса - яратондэс. ⁸ Озьыен со тӥ пушкын вань ке, но йылэ ке, соку тӥ уд кыле емыштэк но, азинскынтэк асьмелэсь Кузе Иисус Христосмес тодоньын. ⁹ Нош кин пушкын со ӧвӧл, со яке ляб адӟись, яке синтэм, со вунтэмын азьвыл сьӧлыкъёсыз чылкытатэмын шуыса.

¹⁰ Озьыен, агай-вынъёс, уж вылын тырше возьматыны асьтэлэсь званидэс но быръемдэс, озьы лэсьтыса ноку но уд канжаське. ¹¹ Тӥни озьы тӥледлы усьтиськоз, милям Иисус Христос Куземылэн, пумтэм Царствояз пырон.

¹² Озьыен тӥ сое тодӥськоды ке но, йыг-йыг сылӥськоды ке но зэмос зэмлык бордын, мон ноку но уг дугды тӥледлы со сярысь тодады вайытыны ¹³ Мугорлэн хижинаяз улӥсько на бере, шонерен лыдъясько сайкатыны тӥ пушкын тодады ваён, ¹⁴ тодӥсько ӝоген мон кельто та мугорме, кызьы усьтӥз мыным Кузёмы Иисус Христос. ¹⁵ Соин сэрен мон турскисько тӥ мед кошкем берам но, пыр тодады вайылоды та сярысь.

¹⁶ Уго ми ивортимы тӥледлы кужымзэ но лыктэмзэ милям Кузёмылэсь Иисус Христослэсь, калыклэн кескич малпан-веранъёсыз пыртӥ ӧм, нош асьмелэн синъёсынымы адӟимы Солэсь быдӟымлыксэ. ¹⁷ Уго Со басьтӥз Инмар Атайлэсь данлыксэ но санзэ. Куке туж быдӟым но данлыко куара кылыськӥз :"Та -Мынам яратоно Пие, кудӥз бордын Мынам ӟеч эрике". ¹⁸ Нош ми кылӥмы со куараез, кудӥз лыктӥз инбамысен, куке ми Соин ӵош вал святой гурезьын.

¹⁹ Со сяна милям вань зэмлыко азьланез тодон валан кыл, тӥ туж умой кариськоды, куке кылзӥськоды солэсь, тылпиштонлэсь музэн, кудӥз пиштэ пеймыт азьын, выль нунал ӝужатчёзь, но тӥляд сюлэмъёсады ӵукна кизили улӟытчёзь. ²⁰ Нырысь ик тодэ: нокыӵе но азьланьзэ адӟен, кудӥз гожтэмын Писаниын, уг луы ас визьмыныд гинэ валаны, ²¹ озьыен, ноку но азьланьзэ адӟен ӧй на вал адямиослэн ас мылкыдзыя ивортэмын, нош ивортылӥзы сое Инмарен быръем адямиос, кудъёссэ валтэ Святой Дух.