1

¹ Павел, Инмарлэн косэмезъя, асьмелэн Утисьмылэн но оскиськонмылэн Иисус Христос Кузёмылэн Апостолэз,

² Тимофейлы, осконэн зэмос пиелы: Инмарлэсь, Атаймылэсь, Иисус Христос Кузёмылэсь благодать, милость, тупаса улон.

³ Македонияе кошкыкум, мон кури тонэ кыльыны Ефесэ но дышетыны куд-огзе соос медам дышэте шуыса мукетызлы,

⁴ Соос медам ни вырелэ пумтем-йылтем чыжы-выжыосын кытысь но ку потэмзы сярысь, кудъёсыз кылдыто тросгез керетонъёс, нош Инмарлы осконлы дышетэтонлы соос люкето гинэ.

⁵ дышетонлен шорыз луэ яратон дун сюлмысь и ӟечь совестья но зэмлыко осконысь,

⁶ кудӥзлэсь куд-огез паленскыса, кутскизы токма вераськыны,

⁷ Соослэн законэз дышетӥсь луэмзы потэ, нош уг валало мар сярысь верамзэс, сое валектыны выро

⁸ Нош ми тодыськом, закон умой, кин сое уж вылын шонер лэстэ ке,

⁹ тодыса нош закон ӧвӧл кылдытэмын шонер улисьёс понна, нош кин уг кылзӥськы но улэ законлы пумит, сьӧлыклэсь кышкасьтэмъёслы, азыса улӥсьёслы, юрӟым ужъёс лэсьтӥсьёслы, анайзэс но атайзэс виисьёслы, адями виисьёслы.

¹⁰ калгыса улисьёслы, пиосмурт пиосмуртэн кӧласьёслы, адямиез лушкасьёслы, (кыл нуллӥсьёслы, пудоосын азон-калгон сьӧлык лэсьтӥсьёсты,) пӧялляськисьёслы, кыл сётэмзэз быдэсяъямтэослы, ваньмызлы, кин ӟечь дышетонлы мыдлань лэстыса улэ

¹¹ шудо Инмарлэн данлыко Ӟеч Иворзэ ивортэмъя, кудзэ мыным оскемын.

¹² Тау, Иисус Христослы, асьмелэн Кузе-Инмармылы, кудӥз сётӥз мыным кужым, но монэ шонерлыко лыдъяса, сётӥз служение,

¹³ монэ, азьло Христосэз ултӥясез но, Солы оскисьёсты уллясез но, вӧсь карисез, Инмар жаляз, уго тазьы лэсьтылӥ валатэк, осконэ ӧвӧлэн.

¹⁴ Асьмелэн Иисус Христос Кузёмылэн благодатез усьтӥськиз мон пушкын пачылмыса осконэн но Иисус Христослэ яратонэныз.

¹⁵ Тани шонерлык, кудзэ тӥ басьтыны кулэ номыр вератэк, Иисус Христос лыктӥз дуннее сьӧлык лэсьтӥсьёсты утьыны, соос пӧлысь мон нырысетӥез.

¹⁶ Со понна мон жалямын, мед Иисус Христос нырысьсэ мон вылын возьматоз вань чиданзе, адӟытыны мукетъёсызлы, кинъёс оскозы Солы пумтэм-быронтэм улонлы.

¹⁷ Пумтэм - быронтэм дауръёъслэн Царьзылы, ноку но кулонтэм но нокин но Сое адӟёнтэм, визьнодолэсь но визьнодо, одӥго Инмарлы пумтэм дауръёс ӵоже дан но сиё-дан. Аминь.

¹⁸ Сётӥско тыныд, мынам Тимофей пие, косон, кудӥз тупа тон сярысь азьласянь верамъёслы, тон со пророчествоосъя ожмаськы, ӟеч солдат кадь,

¹⁹ эн ышты оскондэ но чылкыт совестьтэ, кудзэ куд огез, палэнэ каризы, но чидано луизы осконазы бадӟым куашканэз.

²⁰ Имений но Александр кадьёс, кудъёссэ мон сатаналы сётӥ, соос мед дышозы шуыса богохульствовать карытэк улыны.