¹ Mumatangwa aje, kwakele nawa mbunga yakama manene, cho kubakele nachakulya. Yesu wa thanene Bndongethi bendi cho wendekele kuli bakebo ngwendi,, ² "Njili na ngothzi hali eyi mbunga mwafwa banakala nange laja matangwa atatu chaku jeneka kulya. ³ Ngwe njiba shondola kuya ku membo abo chakujeneka kulya, batha ku lethzumuka mungila. Bamo banatundu halako." ⁴ Bandongethi bendi bamukumbulwile ngwabo, "Kuli twatha kuwana mikasha ya makende amengi muno mu bingundu atha kukuthitha aba banu?" ⁵ Wa behwile ngwendi , "Muli na mikisha ingahi?" Bendekele ngwabo, "Itanu na ibali." ⁶ Wa lekele ije mbunga kutumama hathi. Cho wamabtele ije mikisha itanu na ibali, wa lombele, wa ipunjile. Wanene kuli Bandongethi bendi linga ba bapangele, cho bapangelele mbunga yakama. ⁷ Cho lalo bakele na tubithi twatundondo, cho mwamane thele kulombelela baje bithi, wa lekele Bandongethi bendi kupangela baje bithi lalo. ⁸ Baile na kukuta, cho bakungwilile bungululu bwoshe, kushulitha bingalo byakama bitanu na bibali. ⁹ Cho kuje kwakele makulukathzi awana abanu. ¹⁰ Cho haje bene wakobelele mu bwato hamo na Bandongethi bendi, na kuya ku lifuti lya Ndalamanuta. ¹¹ Cho ba Faliseo bethzile na kushangumuka kulinga nendi bimata. Balombele chithzibukitho kulli ikeye chakutunda kwilu, bashakele kumwetheka. ¹² Watutumwithile manene mu mwonyo wendi na kwendekeka ngwendi, "Omo bikajo chokta chalelo ba lomba chithzibukitho? Mwa buthunga, Yange njimileka ngwange, kukwethi chithzibukitho bakama chakota chalelo." ¹³ Cho hajebene waba thethele, wakobelele lalo mubwato, wa jabukilile muthambwa ya lishali ku mutambela ukwabo. ¹⁴ Cho bandongethi bebalele kwambata likende. Bakele lika na mukasha umo mu bwato. ¹⁵ Wa banangwile bakebo, ngwendi, "Thzangameni na kulinyunga ku chimbalwila chaba Faliseo na ku chimbalwila cha Helonde." ¹⁶ Ba ndongethi ba thinganyekele mukati kabo, "Chili ngocho mwafwa kutwambatele makende." ¹⁷ Yesu wa thibukile, cho wendekele kuli bakebo ngwendi, "Omo bikajo muli na kulikanangana haku jeneka kwambata makende? Kumani kumu thzibuka ndi? kunani bimbunge byeni kubya thzibukile? ¹⁸ Muli na mwesho, kumwethi nakunona? Muli na matwi, kumwethi na kuthziba? Kumani kumwethi na kwanuka? ¹⁹ munja pujwile mukisha itanu ha makombathi atanu cho mwashulithile bingalo bingahi na bungululu bwa makende?" Cho bakebo bakumbulwile ngwabo, "Likumi na abali." ²⁰ Omu yange nja pujwile ije mikasha ya makende itanu na ibali na kupangela banu bakweta makkombakathzi awana, chomwashulithile bingalo bingahi na bungululu bwa makende?" Cho bakebo bakumbulwile ngwabo, "Bitanu na bibali." Ikeye wendekele ngwendi, ²¹ "Kumani neni kanda muthzike ndi?" ²² Cho bethile ku Mbetethainda. Cho banu kuje ba munenelele umo kapuputwa wa munalume balambelele Yesu ngechi a mukambeke liboko. ²³ Cho Yesu wakwatele uje munalume wa kapuputwa ha liboko, na kumutwwala ku mukulo wa limbo. Ngechi wa mujekwilile mate ha mesho endi cho lalo wamukambekele maboko endi hali ikeye, cho wa mwihwile, "Watha mumona chuma nambe chimo?" ²⁴ Mukemo wakengele mwilu, nakwendeka ngwendi, "Njinamono banu banafu ngwe miti ili na kwenda." ²⁵ Cho lalo wakambekele maboko endi ha mesho, cho uje munalume watonene, bu puputwa bwa yoyele, cho wamwene na byuma byoshe kalanganja. ²⁶ Yesu wamutumine kwimbo lyendi na kwendeka ngwendi, "Kethi ukobele lalo muje mu mbaka" ²⁷ Yesu wayile na Ba ndongethi bendi muje mumembo aku Sesaliya Filipu. Cho hangila wehwile Ba ndongethi bendi ngwendi, "Banu bali na kunjitumbula ngwabo yange iya?" ²⁸ Ba mumbulwile na kwendeka ngwabo, "Yowano muka kumbwitika. Bakwabo ngwabo, 'Eliya' cho bakwabo, 'Umo wa baje tupolofeto.'" ²⁹ Ngechi wa behwile bakebo,"Cho yeni ngweni Yange iya?" Petulu wendekele kuli ikeye ngwendi, "Yobe Kilithitu." ³⁰ Yesu waba nyanyamethele kethi baleke munu woshe hali ikeye. ³¹ Washangumukile kuba longetha ngwendi Muna Mununapande kuyanda mu byuma bya bingi, cho bakulunu baka mubyana na bakulunu baka kulombela na baka kuthoneka maju a mashiko, baka muthsiya, oloni hanimaya matangwa atatu aka thanguka. ³² Ikeye wendekele bwino bwino kuli bakebo. Cho Petulu wamutwalele kwa likalyabo cho wa shangumukile kumu kanda ngwendi habwe. ³³ Oloje Yesu wetengulukile na kutala kuli Ba ndongethi bendi cho hajebene wakandele Petulu na kwendeka ngwendi, "Itila kunima yange, Satana! yobe bi thinganyeka byobe keti bya kufuma kuli Njambi embwe oloni oloni ku byuma bya banu." ³⁴ Cho wathanene ije mbunga ya banu hamo na Ba ndongethi bendi, cho wendekele ngwendi, "Woshe owo munu ashaka kunji kaba yange, napande kulibala ikeye babenya, nakwambata chilindakano chendi, na anji kabe yange." ³⁵ Woshe owo ashaka kwamena mwonyo wendi babenya aka uthzimbaletha, cho nawa woshe owo aka thzimbaletha mwonyo wendi mafwa wange na ha biñanda bya bibwa cho aka wamena. ³⁶ Cho munu anganyala chuma muka jo nga atambula lifuti lyoshe lyamutunu oloni a thzimbaletha mwonyo wendi? ³⁷ Indi chuma muka munu atha kwingitha mu mwonyo wendi? ³⁸ Woshe owo aka njithzibila shwamwa yange na majwi ange hakati ka chino chikota cha bupangala na bubi, cho na Muna munu lalo aka muthzibila shwamwa omo ikeye akaija mu bumpahu bwa Ishe hamo na tungelo ba kujela."