¹ Omu welukile ku Kapenauma hanima yamatangwa amandondo, bachithzibile ngwabo ali mwimbo. ² Babendi bakungulukile oku na mwela wawile, nameme kuchikolo, na Yesu wendekele lijwi kuli ba kebo. ³ Cho kwethzile banalume ababanenele munalume wa kalepa; ba mwanbatele banu ba wana. ⁴ Omo bonyene kweta kuhyeyi nendi amulonga wa mbumga, batundithzile chiluli chanjubo akele Yesu, na hanima yakupanga bwini, bathothele na ku shulwitha chithalo aje akothele uje muka kalepa. ⁵ Kumona lukulayelo bakele nalo, Yesu wendekele kuli uje munalume muka kalepa ngwendi, " Munange, shili yobe banaikonekela." ⁶ Bamo mubakakuthoneka batumamene aje bene, na kuthinganyeka mubimbunge byabo, ⁷ " Bika endekela ngechi ou munalume? Na shaula! Iya natha ku konekela shili kubanga njambi lika?" ⁸ Aje bene Yesu wathzibukile mu monyo wendi obyo bakele nakuthinganyeka mukatikabo. Wendekele kulibakebo, " mwafwa bika munakuthinganyekela nga chije mubimbunge bweni? ⁹ Chachathi chili, kwendeka kumunalume wakalepa, ' Shili obe banaikonekela,' indi kwendeka, ' Katuka, ambata chithalo chobe uye'? ¹⁰ Oloni mangana muthzibuke ngweni muna munu ali na binthzili byakukonekela shili ano athi." wendekele kuli muka kalepa, " ¹¹ Njendeka kuli yobe, katuka, ambata chithalo chobe, nakuya kunjubo yobe." ¹² Wakatukile ajr bene nakwambata chithalo, na kutuhuka munjubo kulutwe yaboshe, cho boshe balikomokelele na kuthzumbangeya Njambi, na kwendeka ngwabo, " Kanda tuchimoneho byangachije." ¹³ Wahile lalo kuyeyi nalishali, nambunga yoshe yethile kuli ikeye, cho wabalongethele. ¹⁴ Omwo etile, wamwene Levi muna Alufeasi natumbama mu tende ya muka kutambula lithimu cho wendekele kuli ikeye, " njikabe" wakatukile nakumu kabangeya. ¹⁵ Yesu wakele nakulya munjubo ya Levi nabaka kutambula lithimu babengi na baka shili bakele na kulya nrndi amo na ba ndogethi bendi, mwafwa bakele babangi cho bamukabele. ¹⁶ Omu bakakuthoneka, aba bakele ba Faliseo, bamwene ngwabo Yesu ali nakulya amo na bakashili na baka kutambula lithimu, bendekele kuli bandogethi bendi, " Bika akalila hamo nabaka kutambula lithimu na baka shili?" ¹⁷ Omwo Yesu wathzibile ebi wendekele kuli bakebo, " Banu banalikangula mumibila habo kubethi kuchaka ndotolo; kubanga bakakubinja bakeko bashaka umo. Kunjethzile mukuthzana banu ba babuthunga, oloni baka shili." ¹⁸ Thimbu hije bandongethi ba Yowano nama Faliseo bakele nakuthzila kulya. Banu bamo bethile nakwendeka kuli ikeye, " Bika bandongethi ba Yowano na bandogethi ba bafaliseo bakathzila kulya, olojo bandogethi bobe kubethzi kuthzila kulya?" ¹⁹ Yesu wendekele kuli bakebo, " Chinatha kupwa bati kubangethzi banathana kuchilika chabulo kulithzilika kulya thimbu bali amo na ishashombolwa? Banapande kulya, mwafwa ishashombolwa bali nendi. ²⁰ Oloni matangwa haketa omu shashombolwa baka mwambata kutunda kuli bakebo, cho muli aje matangwa, bakalithzilika kulya. ²¹ Naumo wahi a tonga chitopeko cha chiya abuthzalo bwalaja. Ngocho ngocho chitopeko chitabukao, chachiya kutunda hachalaja, nakutabuka mwakuyana. ²² Naumo wahi aka binyu byabiha mu binjaba byalasha. Ngocho ngocho binyu bitiya binjaba cho byoshe binyu na manjaba bilibihila. Olojo, binyu byabiya baka byaka mu binjaba haololo." ²³ Alitangwa lya Sabata Yesu wetile mumaya habimbuto, naba ndongethi bendi baputukile kunona mitwe habimbuto. ²⁴ Ba Faliseo bendekele kuli ikeye, " tala, bika balingila byuma bechetha alitangwa lya Sabata?" ²⁵ Wendekele kuli ba kebo, "Kanda mutandeo laja ebi Ndabiti walingile thimbu wajenekele na kuthiba njala—ikeye nabanalume akele nabo— ²⁶ Omwo akobelele munjubo ya Njambi thzimbu Abiata akele kapilisitu wakama, nakulya likende lyakeleko, eli bathzilika munu oshe kulya kubanga lika kapilisitu, cho nakwanako amo kuli baje wakele nabo?" ²⁷ Yesu ngwendi, " Sabata bayakeleleko munu, kethi munu kumwakelako Sabata. ²⁸ Hakupwa ngosho, muna munu apwa Shukulu, na hali Sabata,"