¹ Cho Yesu wendekele kuli bandongethi bendi lalo ngwendi, "Kwakele mpite umo wamunalume uje wakele na ujewakele na katumina kendi,cho wamulekele ngwe uje katumina kendi wakele na kubihihitha buje bufuko wakele nabwo. ² Cho uje mpite wamuthanene nakumuleka ngwendi, 'Byuma muka binjili nakuthziba hali yobe? Njane bukaleho bwakulumbununa muje uli nakupangethelamo byuma byoshe,mwafwa kuwatha lalo kutwaleleho kupwa kunyunga byuma byange. ³ "Uje mukakungunga wendi walihwile ngwendi, 'Njilinga batijo, mwafwa babenya muka bipangi byangi akanjitambula chipangi cha bunyungi? kujethi na ndthzili ya kulima,cho cha shwama kuli yange kukala kulomba. ⁴ Njathzibuka chije linga,mangana omwo banjitunditha ha kupwa kanyungi,banu bakanjitambula mubinjubo byabo.' ⁵ Cho uje kanyungi kendi wathanene baje baka mikuli ba shukwaina,cho wehwile umo wakulibanga ngwendi, 'Bungahi uli nabwo ku mukuli wa shukwanana?' ⁶ Wamukele ngwendi, 'Chita chimo cha bindundu bya mathzi a Olibe.' ''Wendekele kuli ikeye ngwend, Ambata mukuli wobe,bwathibwathi utumbame,na kuthoneka makumi atanu.' ⁷ Uje kanyungi wendekele lalo kuli mukwabo ngwendi, 'Mukuli wobe bungahi? "Wamulekele ngwendi, Chita chimo cha mitwe ya tiliku. 'Wamulekele ngwendi, 'Ambata lubulu lyobe cho uthoneke makumi atanu na wana.' ⁸ Uje shukwaina washangalele uje kanyungi kendi kwa kujeneka hamulonga wa kupanga na mana. Mwwafwa banu ba lifuti bakele na maana akupanga na banu babo kutubakana bana ba cheke. ⁹ Njendeka kuli yeni ngwange,pangeni buthamba bweni na bufuko kwakujeneka kulongwa mangana omu bwita,bakamitambule mukayoya cha haya myaka. ¹⁰ Ou akakala na buthunga mu bya bindondo akakala nabuthunga na mubyakama,cho wakujeneka kulongwa mukakandondo na mubwakama. ¹¹ Ngwe kuwakele na buthunga mu kupanga na bufuko bwa bakweni kujeneka kulongwa,iya akakulahela mu bufuko bwa buthunga? ¹² Nga kuwakele na buthunga mu kupangetha byuma bya banu beka iyojo akakwana bimbongo byobe bya chipangi chobe? ¹³ Kukwethi ngamba atha kupangela bashukwaina babali,olojo napande kuthzindaho umo na kuthemaho mukwabo, nambe kukundama kuli umo na thinametha mukwabo.Kuwatha kupangela Njambi na bufuko hamolika." ^{14 15} Cho ba Faliseo baje bathemene bimbongo,bathzibile byuma ebi, cho bamushendumeine. Cho wendekele kuli bakebo ngwendi, "Mukalibwahethe yeni babenya ku mesho a banu,oloni Njambi atenekeya bimbunge byeni. Chije bana kaletha kubanu chinapu chongocho ku mesho a Njambi. ¹⁶ Mashiko na bupolofita bwakeleko kweta nakweta ku kwija kwa Yowano. Kutunda ha thimbu ije,muthimbu wa bumwene bwa Njambi bana bwambulula,cho munu woshe akalithindwiya kukalikobelethamo. ¹⁷ Oloni chinapu chuma cha chathi Lilu na kaye kwitilila kutubakana lijwi lya mashiko kujeneka kutela. ¹⁸ Munalume woshe akathsiya bulo na munakathzi wndi na kwambata weka nalingi bupangala,nauje amabata uje munakathzi uba byana kuli munalume wendi na ikeye lalo alinga bupangala. ¹⁹ Cho kwakele mpete ya munalume uje wathzalele buthzalo bwa bubwa bwa linyu wakele naku lithzibitha bwino na bufuko bwendi ha litangwa na litangwa. ²⁰ Cho kwakele chihutu walithzina lya Lazalo uje watumbikile ku chikolo chendi,uje wakele na bimbandu mubila woshe, ²¹ ou washakele kulya buje bungululu bwakele na kuwa ku metha ya uje mpite. Cho natutali bethzile na ku lyatha haje ha mimbandu byendi. ²² Cha chasholokele ngechi uje chihutu wathsile cho tungelo bamwambatele na kumwaka ku mutambela wa Abilahama. Mpite na ikeye wathsile cho ba muthsindile, ²³ cho muje mumbulu ya hetese,kukala mukayando,wajundwilile mesho endi cho wamwene Abilahama halako na Lazalo ali kuthambwa yendi. ²⁴ Cho walilile nakwenda ngwendi, 'Tate Abilahama,njithibileko mema kumbunge cho utume Lazalo,mangana ambwitike shongo ya munye wendi mu mema aije atonwethe handaka yange,mwafwa njili mubukalu muno mutuhya. ²⁵ "Oloni Abilahama wendekele ngwendi, 'Munange,anuka ngwobe hathimbu ya kuyoya kwobe watambwile byuma bay bibwa,cho Lazalo mungila imo bene watambwile bya kayando. Cho hathimbu ino ali mwachili kuno,cho yobe uli mutuyando. ²⁶ Nambe ngocho,muli chimbongo ckakama mukati,kulinga baje boshe batonda kujabuka kwija okwo kuli yobe kubatha kujabuka,cho lalo kukwitha atha kujabuka kutunda kutha olyo kwija kuno.' ²⁷ "Uje mpite wa munalume wendekele, 'Njakulombo,Tate Abilahama,ngwange umutumwe kubaka njubo ya tate - ²⁸ mwafwa njili bandolome batanu - aye akaba nyanyamethe,linga bakajeneka kwija ku chela cha tuyando.' ²⁹ "Oloni Abilahama wendekele kuli ikeye ngwendi,' Bali na Mosesa hamo na bapolofita;batela kubathzibilila.' ³⁰ "Uje mpite wa munalume wakumbulwile ngwendi, 'Embwe,Tate Abilahama,oloni nga umo wakutunda kubathsi aya kuli bakebo,cho bakatenguluka.' ³¹ ''Oloni Abilahamawendekele kuli bakebo ngwendi, 'Nga kubatha kuthzibilila kuli Mosesa na bapolofita,cho kubakatha kubahitha nambe umo enduke kutunda kubathsi.'''