¹ Bukumo ba Yawe balishile iyi mishi muku mweseka Isuleli, ukutongolwa mashina a onse uli mu Isuleli uyu tanga pitapo mu nkondo iili yonse iya lwile abena Isuleli. ² ( Alikichilefi mukuba sambisha ifya nkondo ku bana abeakiisa aba mu Isuleli abo taba ishibilepo kunuma. ) ³ Ifi efyalo: Imfumu shisanu ukufma mu Filisilitina, bonse abena Kena, abena Sidona, ne ba Hivi alikuikala mu Lebanoni mu mpili ukufuma ku lupili lwa Baai Emoni ukufika ku Hamata fi ne kupita. ⁴ Ifi fyalo bali fishilepo koti kintu iki ba Yawe ba kesekelako Isuleli, ukwishibisha kani baka sumina amafunde aba pele aba fikolwe fyabo ukupichila muli Mose. ⁵ Penka abantu ba mu Isuleli balikele mukachi ka bena Kena, aba Iti, aba Amoli, abena Pelizi, abena Iviti, neba Yebusi. ⁶ Abana babo abana kashi bali kubapinto kuba abakashi babo, ne bana babo abena abanakashi bali bapene kubana babo abalalume, kabili bali kutota ba lesa babo. ⁷ Abantu bamu Isuleli kichile fintu ifibipile kumenso aba Yawe ne kulubako kuli ba Yawe ba lesa babo . Bali kutota ba Baai naba Ashelasa. ⁸ Penka, ubukali bwa ba Yawe bali bali bubikile pa mulilo wa kulaila aba Isuleli, kabili ali ba shichishe bo mu kuboko kwa ba Kushana- Lishata Ima imfumu ya Alanu Naalaima. Abantu ba mu Isuleli bali kubombela kushani- Lishataimu pa myaka isanu na itatu. ⁹ Ili abantu ba mu Isuleli ba lilile kuli ba Yawe, ba Yawe balimishepo umuntu umo uyo ukesa mukofwa bantu ba mu Isuleli, kabili nekuba pokolola bo : Otinyele umwana wakwa Kenazi umwalalume ( umwanike wakwa Kalebu umwalalume) . ¹⁰ Umupashi wa ba Yawe wali mukoseshe ye, kabili ali pingwile Isuleli kabili alile kunkondo. Ba Yawe bali mupele ukukimfya pali Kushani- Lishataimu imfumu ya Alamu. Ukuboko kwa kwa Otineli kakukimfya Kushani- Lishataimu. ¹¹ Ikyalo kyali mumutende pa myaka amakumi ane. Kabili Oteniela umwana wakwa Kenazi umwalalume alifwile. ¹² Panuma ya fifyo, abena Isuleli balikichile ifibipile ku menso aba Yawe, kabili ba Yawe bali mupele amakosa Eguloni imfumu ya Moabu uku kimfya abena Isuleli. ¹³ Eguloni ali kwatakene pamo ne bana Amoni nebena Aleleki kabili balile neku kimfya Isuleli, kabili bali pokele umushi wa fisonga. ¹⁴ Abantu ba mu Isuleli bali kubombela Eguloni imfumu ya Moabu pa myaka ikumi ne myaka po isanu na itatu. ¹⁵ Ili abantu ba mu Isuleli balilile kuli ba Yawe, ba Yawe balimishepo umo uyo uwa ku bofwa, Eyudi umwano mwalalume uwa kwa Gela Benjamini, uwali nekuboko kwa kupikp. Abantu ba mu Isuleli bali mutumine ye, ne limambo shabo isha kulipila, kuli Eguloni imfumu ya Moabu. ¹⁶ Eyudi alili pangile umwine ikiswi ikyo kya twile kubili, iyali na kyubiki umo mubutali; ali kipombele munshi ya kwa kufwala kyakwe pa kiiso kya kilulyo kyakwe. ¹⁷ Alipene ifya milambo fyakwe ifya kulipila ku mfumu Eguloni iya Moabu. ( Lomba Eguloni ali mwalalume uuwinine. ) ¹⁸ Panuma Eyudi apene ifya bupe fya kulipila, alifumineko nababo abali ba fipinchile mukachi. ¹⁹ Koti nikuli Eyudi umuuine, lomba, ili afikile pa mpunsha apo apali ikinshingwa ba bashile ukwipi na Eiligala, alyalulukile ne kubwelamo kunuma, kabili kalabila ati, " Inji ne mashiwi ankama aenu, mwe mfumu uangi. " Elogoni ali labile ati, "Penka bonse abali kumu bombela bali fuminemo umu bali. ²⁰ Eyudi alishile kuli ye. Imfumu yalikele yenka, bushimwa mumuputule wa peulu umutontwele. Eyudi alilabile ati, " Inji ne shiwi lyenu ilya fuma kuli ba Lesa. "Imfumu kaima ukufumaapo yaikele pa tebe lyayo. ²¹ Eyudi ali fikishe ne kuboko kwakwe ukwa kukipiko neku tole kiswi ukufuma ku kiiso kyakwe ikya ku killulyo, kabili ka lasa mumubili wa mfumu. ²² Ne kya kukwachila ikiswi nakyo kyalingile muli ye ukukonkele kiswi. Ne kupelele kiswi kya li fumine munuma yakwe ne mafuta alishikilepo, lomba Eyudi ta fumishe kiswi mukapafu kakwe. ²³ Penka Enudi alifuminemo mukachi ne kushinkako ikibi kya muputule wa peulu kunuma yakwe neku komako. ²⁴ Panuma Eyudi aile, aba bomfi ba mfumu kabesa, bali mwene ati ifibi fya muputule wa peulu fyali komenwe, kaba languluka, " Kyakine akolikwasho mwine mumuputule wa peulu uutontwele. " ²⁵ Ukuposako amano kulali kulile neku kakilwa nefi ba langulukile ati bali ku lekelele milimo yabo ili imfumu tayali kushikulako ifibi fya ng'anda ya peulu. Penka balitolele ana kii nekushinkulako, kabili nakapa yabo kaalele filya, yapona panshi, kai fwile. ²⁶ Ili aba milimo baliku pembelela, kabili ku kumya ifi bakilingo kukita, Eyudi aliputukile ne kupita mukachi ka mpunsha umo umwali ifya kubasa fya tulubi, kabili aliputukile Seila. ²⁷ Ili afikile, alilishishe ntolompita mukyalo kya kwa Efulemu ikya mpili. Penka abantu ba mu Isuleli bali kunkulukile nakwe ukufuma mu mpili alikubatangilila bo. ²⁸ Kalabila kuli bo, " Nkonkeleni nemo, pakuti ba Yawe bali nekukimfya abalwani benu, abena Moabu. "Bali mukonkele kabili bali kwachile ne ku pokolola ifya ba Yadabo ukwabuka ukufuma ku Moabu, kabili tabaitabishe uli onse ukwa buka nika. ²⁹ Pali ilye mpinji bali paile abalalume koti makana ikumi aba mu Moabu nabonse bali kosele kabili bali balalume ba munkonsha. Tapalipo nangu umo uwa butukile. ³⁰ Pali kalya kasuba abena Moabu bali ba kimfishe ku makosa abnea Isuleli, kabili ne kyalo kyali tushishe pa myaka amakumi asanu nemyakapo itanu peulu. ³¹ Panuma Eyudi mutoni waku konkapo ali Shamaga umwana mwalalume uwa kwa Anata uwa ipaile abalalume amakana asanu nalimo abena Filisitiya ne kichi iki babomfya ku ng'ombe. Kabili ali ba fumishe abena Isuleli ukufuma mu fikateshe.