¹ Popele ilifyabonekele ifintu, Mose na Aloni balile kuli Falone kulabila ati, " ifi efyo Yawe Lesa wakwa Isilaeli balabila, ati, lekeni abantu bangi baye, pakweba ati baye mukuteka ikitumba kyakulya ikyangi mumpanga." ² Popele Falo ati, mboyu Yawe ninani? Ikyengalenga ukweba ati nebo nakile kwishiwi lyakwe ne kuleka Isilaelo ukuya? Nebo shimwishibilepo Yawe, kabili, nshasumine ati Isilaeli aye. ³ Popele nabo ati, " Lesa waba Yebeya akumana na fwebo. Pano tweni twende inshiku shitatu mu mpanga ne kilambila kuli ba Yawe Lesa bwesu ukweba ati te kukuti ba tutule ubulemo ukupichila mu myalo ku mupeni. ⁴ Popele imfumu yabena Ijipiti yalilabile kulibo ati, " Mosena Aloni, mba nindo mulefumisha abantu kunkito shabo? Kabiyeni bweleleni ku nkito shenu. ⁵ Kabili kalabila Falo ati, pano boneni mwaba abantu abengi mu kyalo kyesu. Pano mulukubalengela ukwimika imilimo yabo. ⁶ Penka kenka kalya aka suba, Falo alofundile ifilolo fy kumilimo ya bantu ne ba pyungishi ati, ⁷ pano tekwesha ukubapela abantu ifyoni ifyimine ifya kupangila amatafwaliabo kochi nifyifyo mwakichile pakutanga ukufika na lelo. Balekeni abene baye mu kulikalila. ⁸ Nangaba nifyefyo, ulingile ukabebe ba kapange impendwa itashi iyi bapangile. Tekwesha ukusumina, anini ne. Pakuti abo bafila. Ekalye nga ati balikulabila ati tusuminisheni tuye muku lambila kuli Lesa wesu. ⁹ Bapeni imilimo ikosele aba abantupa kweba atibaposeko amano kabili ati bengesa kuketekela amashiwi abufi. ¹⁰ Popelepo ifilolo fyamilimo neba pyungushi balimine nekuya mukubabula abantu. Balabile ati, " ifi efyalabila Falo ati, nebo shakamipelenipo ifyani ifyaumine ifili fyonse. ¹¹ Kabiyeni mwebene mukalifwayile ifyani ukuli konse uko fingasangwa . Kabili imilimo yenu teshi yikakefiwepo. ¹² Popelepo abantu balipalengeninemo mukyalo kyonse ikya mu Ijipiti mukunukula ifisanse fya fyani ifyumine. ¹³ Fyopele efyo ifilolo fyalitwalilile ukubofwa nokulabila ati, pwisheni umulimo wenu, kochi fyani fyeni ifi bamipeleni." ¹⁴ Penka apo aba pyungishi balipumine abena Isilaeli, abapyungishi abo abantu bamo abobapele amakosa aapababofi.Kabili ifilolo fyalitwalilie ukubepusha ati. Nindo tamupwishishe ukufyatula amatafwali onse alikufwaikwakuli mwebo. Nangu nimailo neli nilelo. Kochi nifilya mwalekita kunuma. ¹⁵ Popelepo aba pyungishi babena Isilaeli balishile kuli Falo ne kumulilila. Atii mba nindo mulukupeseshefi aba bomfi benu? ¹⁶ Takulipo ukupelwapo ifi ifyani libili kubabofi benu? Pano lomba bakitwalile ukutweba ati, 'pangeni amatafwali !' Fwebo, ababomfi benun, twatenkja ukupuma pano, nangaba nififyo filubo fya bantu benu mwebene. ¹⁷ Lomba Falo kalabila ati, muli bafila, muli bafila, ekyo mulabila ati, tusumisheni tulukuta mukulambila milambu ya ba Yawe. ¹⁸ Pano pali ino pindi bweleleni kumilimo yenu. Takulipo ifyani ifya kumipeleni, lomba mulingile ukutwalilia ukupanga ipendwa imo lukoso iya matafwali." ¹⁹ Popelepo aba pyungishi bena Isilaeli ili babwene ati tuli mufyakukatasha ili babebele ati, " tamwelelwe ukukefya kipendo kyenu kyamatafwali apabushiku pabushiku. ²⁰ Penka balikumene na Mose na Aloni, abaimakene, kumpelo ya kipango, ili balefuma kuli Falo. ²¹ Balilabile kuli Mose na Aloni ati, nga bakeba kuli mwebo nekumipensheni, pantu mwatulangesha fwebo ukupanga ifilubo ku menso akwa Falo neba bomfi bakwe. Mwabika ifumo mu kuboko kwabo ati batwipaye. ²² Kabili Mose ali bwelele libili kuli ba Yawe nekubabula ati , "mwe ba Lesa, nindo mwaletela ifyakukatasha kuli bantu? Nindo mwabangilile ukuntuma nemo inshita itanshi? ²³ Impindi shonse nga naisa kuli Falo mukulabila nakwe mwishina lyenu, ninshi kubusha ifyongo fyababa bantu. Kabili tamubakakulwipo abantu benu yowe,"