¹ Ino yo tendekelo ya maambo awaama a Yesu Kilishitu, mwaana Lesa. ² Moonka mokyanembelwa mu Isaya ngauzhi wa Lesa, "Taala, mbena kutuma muluwe wami kulutwe yobe ukanengeshe kumenso yenu, umo uukeminengezhezha jishinda jenu. ³ Jiwi ja umo ubijika mungye amba 'Nengezhai jimo jishinda ka Nkaambo; ololayi mashinda anji."' ⁴ Yoano waishile, kaasa abatizha mungye ne kusapwila maambo a lubatizhilo lwa lulapilo lwa luketekolo lwa maambo. ⁵ Kabiji bamukyalo kyonse kya Yudeya nebena Yelusalema boonse ba alenga konka ko aji. Kabiji ba baatizhiwe kwi aye mu mukola wa Yoano, kaasa besolola bubi bwabo. ⁶ Yoano wavwajile bivwalo bya lengwa na boya wa ngamela kabiji wa vwajile ne mukwaandala wakiseba mukifuka kyaanji, kabiji waajanga nzhiye ne buuki bwa mungye. ⁷ Ne aye waasapwijilenga, " Panyuma yaami pa bena kwiya umoo waankila bulume pa bena kwiya umoo wankila bulume amiwa; mikaanda ya makwabilo anji kechi afikilaamo ne kwi kasulula ne. ⁸ Amiwa ne mibaatizha nameema, kabiji aye ukemibatizha na mupanshi waazhila." ⁹ Kyauubikilwe mu oa mooba Yesu ku Nazala mumuzhi wa Ngalilea, kabiji wabatizhiwa kwi Yoano koka kumukola Yodano. ¹⁰ Kimye Yesu pakutuutu ka kufuma pa meema, wamwene jiulu saaka jibena kushinkunka ne mupashi waazhila wamwikijile nobe nkunda. ¹¹ Kabiji mwaafumine jiwi mwiulu amba, " Yoobe mwaanami wamulume yenatemwisha. Monamwena lusekelo mwi obee." ¹² Kabiji ponkapotu mupashi waamutwajile mungyetu. ¹³ Ne ayee waajinga mungye moba makumi ana, saaka baamweseka kwi Satana. Kabiji waikajilenga na banyama bamungye, kabiji neba malaika ba mwingijilenga. ¹⁴ Kabiji Yoano byo bamukwachile, Yesu waaishile mu Ngalilea kasa asapwila maambo awaama a Lesa. ¹⁵ Wambile amba, " Kimye kyafikizhiwa, ne bufumu bwa Lesa bwaafyenya kepepi. Lapilayi nekwi taabila mu maambo awaama." ¹⁶ Kabiji Yesu byo asezezenga ku kizhiba kya Ngalilea, wamwene Shimona ne Andeleo ne baakolojanji Shimona kasa baata bukonde mu meema, maambo bajinga ba mwingilo wakukwata masabi. ¹⁷ Ne Yesu wibaambijile amba, " Iyayi, ndondelayi amiwa, kabiji amiwa kemwalula keba mwingilo wami." ¹⁸ Ponkapo bukiji bukiji bashile makonde abo kebamulondele ne kumulondela. ¹⁹ Kabiji Yesu byo aendelenga ko pacheche, wamwene Yakoba mwana Zebede ne Yoano kolojanji; bajinga mubwato nakununga maakonde abo. ²⁰ Kabiji wibechile boonse kabiji bashile neba shabo Zebede mubwato na ba mingilo, keba mulondele. ²¹ Kabiji bashile pa Penamu, mu juba ja Sabado, Yesu watwelele mu shinagoga wafundishile. ²² Kabiji bakuminye kufundisha kwanji, maambo wibafunjishenga nangovu kechi pamo nobe banembeshi ne. ²³ Kabiji ponkapotu mwaji muuntu wa jinga na mupashi waabipa kabiji waabijikile, ²⁴ waambile amba, "Bikaa byo twa afwainwa kuba neobewa, Yesu mwina Nazala? Leelo mwaiya nakwitonaula atweba nyi? Nemuyuka anweba byo muji. Anweba mwi waazhila wa Lesa!" ²⁵ Bino Yesu waamukainye amba fumaamo obe ndemona ne kwaamba amba, "Zhindama kabiji fuuma mwiaye!" ²⁶ Ne mupaashi wabipa waamutaile aye mpaashi nekuya kufuuma mwi aye nekujila kaajile najiwi jikaatampe. ²⁷ Kabiji baantu bonse baakuminye bingi, ne kwiyipuzha abo bene ba bene, "Bino byo bintu ka? Luufunjisho lungi na ngouvu? Aye ukambizha ne bapashi babipa kabiji ne abo bamukokela aye! " ²⁸ Kabiji ne unkuwa yanji yakumbeene mukyalo kyonse kya Ngalilea ne mumande akubwipi aku Ngalilea. ²⁹ Byo alupuukile mu shinagoga, baishile muzubo yakwa Shimona ne Andeleo, pamo ne Yakoba ne Yoano. ³⁰ Bino inanji yakwa Shimona walajile pa mwanya maambo wakolelwe kikola kya maashika, kabiji bamubujile Yesu maambo akikola kyanji. ³¹ Kepo aishile, ne kumukwata kukuboko, kabiji ne kumwimanya peulu; ponkapotu ne kikola kuamulekele, kabiji watendekele nekwibengijila. ³² Pa mabanga, pakushinka juba, bamuletejile bonse bakolwa ne banonkwa na bandemona. ³³ Ne bonse ba mu muzhi baapwijile konka ku kibelo kya nzubo. ³⁴ Ne ayee wavbuukile bavula bakolelwenga bikola bya misango ne misango ne kupangilamo bandemona, kabiji kechi wibaaswishishe bandemona amba baambe ne maambo bamu yukile. ³⁵ Kabiji bufuki pakutwala kumakya aye waabukile, byo pakijinga pafita; wayile ne kuya mungye mo alombelenga. ³⁶ Shimona ne boajinga naabo bayile na kumukeba. ³⁷ Byo baamutaine ba mwambijile amba, "Bonse babena kwi mukeba." ³⁸ Kepo ayee wibaakumbwile amba, "Twa fwainwa kuyu, mu mizhi ikwaboo iji kubwipi na uno, pakuba amba amiwa ka sapwile kwi abo. Pakuba omambo onaishijile kuno." ³⁹ Ne ayee waayile mu ngalilea monse, mukusapwila mu mashinangonga nekupangamo bandemona mu bantu. ⁴⁰ Kabiji kwaishile muuntu wa mbumba ko aji. Kaasa amusaashijila ayee; kabiji waafukamine paanshi nekwambamba, "Umvwe mwaaswa, mwakosha kutokesha." ⁴¹ Wayile na luusa, Yesu waatanikile ku boko kwanji ne kumukwata ayee, nekwaamba kwi ayee amba, " Amiwa nakebesha kuntokesha." ⁴² Ponkapotu mbumba yaamulekele, ne kutoka watokeshiwe. ⁴³ Yesu wa mujimwine kyakosa wamufumishepo ayee. ⁴⁴ Kabiji waambile kwi ayee, "Ikala wa kishinka kwa kubula kwamba kuumo ne, pano yayinga,ukemweshe obe mwine kuñaanga, mukaalambule byalayile Mosesa bya kubukwa kwenu, kelushimuno kwi abo." ⁴⁵ Pakuba aye waalupukile pangye ne kutendeka kutaya mbila, onkao maambo Yesu kechi wasakile kutwela mumizhi patoka mino waikajile pangye ya muzhi. Pakuba bantu baishilenga tu kwi ayee kufuma mumizhi yapusana- pusana.