kyapitala 49
1
Kepo Yakoba waichile bana baji babalume, ne kwi bambila'amba: "pwilai pamo, kubamba nemubule bikemumwekela mu moba akapelako.
2
Pwilai pamo, Mumvwe anweba, baana ba babalume ba Yakoba; Mutelekenga kwi shenu Isalela.
3
Obewa lubenyi wi mubeji wami, wi ngovu yami, wi ntendekelo ya balume bwaami; Waji wafwainwa kukila mukushin`ama, Ne kukila mu kukosa.
4
Bino uvwandaukatu nobe mema apuzhima, kechi ukikila mubuneme ne, mambo waile ku mwanya waami amiwa shobe; kabiji wamuzhilulwile, ne kukanjila wakanjile pondala.
5
Shimeon ne Levi bo baloongo naba longo. mapoko abo byo byela bya bukapondo.
6
kabiji obewa mweo wami kechi wiye mumvun`ano lwabo ne; Mu kipwilo kyambo mukabukaji kwabo baipayile bantu. Nemu bonotu bwabo bachiaulatumishipi yaku mikoko yaku bijomu bya ban`ombe.
7
Kubukaji kwambo kufingwa mafingo mambo ko kuleta moyo; Ne kuzhingila kwabo nakokufingwa mambo kwashinta. Kabiji mutanda yakwa Yakoba amiwa nkebabanya ne kwibapalan`anya mu ntanda ya kwa Isalela.
8
Yuda bakakutota kuji balongo bobe; kuboko kobe kukakwata pashingo yapamashingo ya balwani bobe. Bana bobe baba shobe bakafukama kumenso obe.
9
Yuda yemwaana bokwe obewa mwanami wafumapo ku jilambo. Wabandamine, ne kubasa ma nobe bokwe, kabiji nobe bikwe mukazhi; N`anyi wachinka-amba amubushe?
10
Ndonda yabufumu kechi ikafumamo mu Yuda ne, Nangwa kamama ka bundamakyalo kechi kakafume ku maulu anji ne, kana shilo waiya; Kabiji aye mikoka ya bantu ikamu kokelanga.
11
Saka akasa mwaana mbongolo waji kumun`anzan`a`nza, ne kukasa kitubala wa mbongolo waji ku mun`anzan`anza wawamisha; wachapa bivwalobyanji mu binyu, Ne kivwalo kyanji mu kyalepalepa mumashi a man`azan`za;
12
Meso anji akafinta bwii na binyu, kabiji mono anji akatoka nobe meleki.
13
Zebuluma ukekala ku kito kiji ku kalunga ka mema; kabiji aye ukekala ke mwa kufikila mato, kabiji mupaka waji ukekala ku shidona.
14
Isalela ye mbongolo wakosa, walala na kukokoloka pakachi ka bipaka bya mikoko,
15
Kabiji aye wamwene amba; kwakukokoloka kwa wama, kabiji amba; Ntanda nayo yanengela; kepo abandamishe kipuzhi kyanji amba; Nsende, kabiji waalukile ke muzha sa engila mwingilo ya buzha.
16
Danyi ukekala mambo abantu baji byo mukoka umo wa bena Isola.
17
Danyi ukekala ke mulolo wa kujishinda, kikipinji kujishinda usumana kuntushiko twabambili, kabiji wendapo upona lufuta nyuma.
18
Naketekela lupulukilo lwenu, Yehoba.
19
Gadi bakamutula muzhita, pakuba aye ukebatula zhita panyuma yanbo.
20
Ashela ukekala nakajo kawama, kabiji ukalenga byatobala bijo bamfumu.
21
Nafitali ye nsebula wa mukazhi wakasuluka; usema baana bawama.
22
Yosefwa yemusapi upanga bipangwa, ye musapi upanga bipangwa uji ku nsulo ya mema atupauka, misampi yanji itandala, ikila ne lubumbu.
23
Bataya miketo bamulwishishe kyasosa, bamwashilenga miketo mambo bamupachile;
24
Nangwa byokabyo buta bwanji bwa mukanda bwakijingatu bwakosa, kabiji maboko akwa aye wa bulume wa kwa Yakoba, koku jizhina ja aye kafunga, jibwe ja Isalela.
25
Konka kwi Lesa wa shobe, ye ukakukwasha; kwi aye Lesa wabulume bonse, ukakupesha obewa na mapesho amwiulu mwine, mapesho apanshi ajipanshi pene, kabiji mapesho amabele amu jivumo.
26
Kabiji mapesho a kwa shobe akila a bashakulu bami, afika nekwine kwa pela mtumba. Ano akekale pa mutwe wa Yosefwa, Byonkabyo akekale pa mutwe wabana bafumu abalongo baji.
27
Bejamina ye musuka utabaula lukelo uja yeukwata, kabiji mabanga wabanya bipulukulwa byanji.
28
Ino yomikoka jikumi natubiji ya Isalela. Bino byo byambo bya abiwe kwi abo byo ebapesheshe. Yonse wamupesheshe kwabo au kyanji au kwanji.
29
Kepo ebakambizhe abo ne kwibambila abo, "pano kangye, kutwalwa kuji bashakulu bami mu kibwe kiji mujimi bwa efulona mwina Hitti,
30
Monka mubjibwe jiji mubujimi bwa ku mamale mu kyalo kya Kenana, kyo kibwe kyo apotele Abalahama pamo na bujimi kwi Efulona mwina Hitti amba kikale ke kilende kyami kya kwibazhkamo bafu bami.
31
Moba zhikile Abalahama ne Sala mukazhaji; Koko bazhikile Izaka ne Lebeka mukazhaji ne Leya.
32
Abwa bujimi ne kibwe kijimo bebipotele ku bena Hitti,
33
Kabiji pakupwisha kwibabila banabaji wasuntwile maulu aji pamwanya nekuleka ku mweo, Nekuya kubantu baji.