¹ Kyashile kubiwa nkumpelo ya myaka yibiji Felo wanjinga na kiloto. ² kutajijisha aye wayimene kwipi na Mukola wa Nilo. Kutajijisha, ban`ombe batanu na babiji bayishile kufuma pa mukola wa Nilo, byasakiwa ne kubaya, bajilenga mu matete. <sup>3</sup> Kutajijisha, bakwabo batanu na babiji bayishile panyuma ya-abo kufuma mu mukola wa Nilo, babula kusakiwa banyana. Bayimene pepi nabakwabo ban`ombe ku mukola. ⁴ Kepo ban`ombe babujibwe kusakiwa banyana bajile ban`ombe basakiwa babaya. Ponkapo Felo wabukile mutulo. Kabiji walajile ne kulota jikwabo ja bubiji. ⁵ Kutajijisha, wamwene lunenge waka kajo saka asema mitwe itanu na ibiji, yatunga ne kuwama. ⁶ kutajijisha, jikwabo wamwene lunenge mukwabo naye wajinga na mitwe ianu na ibijiyapumba ne kusokwa ku lubesha wa ku musela. ⁷ Kabiji ayo mitwe yapumba yaminyine yoya itanu na ijbiji yatunga bulongo ne kubaya. Felo wabukile, ne kujijisha, kyajinga kiloto. ⁸ Kyaishile mukupita mulukelo mupashi wanji wakatazhiwe. Watumine ne kwita bonse ban`anga ne babalume ba mana mu Ijipita. Felo wibabujile biloto byanji, pano kechi panjinga nangwa umo wa ku lumbulula kwi Felo ne. <sup>9</sup> Mukulumpe wakulama kamba wambile kwi Felo, ''navuluka bubi bwami lelo. <sup>10</sup> Felo wazhingijile biingi ba mwingilo banji, kabiji wankwachile ne kumbika mu kaleya mu nzumbo ya mukulumpe wabashilekale ne mukulumpewa waba kuki. <sup>11</sup> Twalotele kiloto bonka bufuku umo, aye ne amiwa. Twalotele yense muntu mwayila bulondoloshi bwa kiloto kyanji. <sup>12</sup> Mwi atweba mwajinga nsongwalume wa kihebelo, wa mwingilo wa mukulumpe wa ba shilikale. Twa mubujile aye kabiji walumbulwile biloto byentu. Walumbulwile umo umo kwi atweba mwayila kiloto kyanji. <sup>13</sup> Kyaishile kubiwa byonkabyo byo alumbulwilenga biloto kwi atweba, byonka byo byaubilwe. Felo wapwezhezhe pakifulo kyami, ne mukwabo aye wamu kujikile. <sup>14</sup> Kepo Felo watumine ne kwita Yosefwa. Bukijibukiji bafumishe mu kaleya. Wibeyele aye mwine, ne kukigya bivwalo byanji, kabiji wayishile mukachi kwi Felo. <sup>15</sup> Felo wambile kwi Yosefwa amba, ''najinga na kiloto, mino kafwako wakwiki lumbulula ne. Mino nauvwa pe obebwa, amba inge wauvwa kiloto wafwainwa kwi ki lumbulula.'' <sup>16</sup> Yosefwa wamukumbwile Felo amba, '' Kechi kiji mwi amiwa ne. Lesa usakulumbwila Felo mo kyayila. <sup>17</sup> Felo wambile kwi Yosefwa amba, ''mu kiloto kyami, paku tajijisha nayimene ku musezho wa mukola wa Nilo. <sup>18</sup> Pa ku tajijisha, ban`ombe batanu na babiji bafumiine mu mukola wa Nilo, babaya basakiwa, kabiji bajilenga mu matete. ¹⁹ Paku tajijisha, ban`ombe bakwabo ba tanu na babiji baishile panyima yabo, batamatama, bapumba,. Inkyange kumonapo mu ntanda ya Ijipita batamatama nobe abo. <sup>20</sup> Ba nyana batamatama bajile boba babaya bawama. <sup>21</sup> Byo beba pwishishe kwibaja, ke kyaukanyikile amba kechi bebanjapo ne, bajinga tu batamatama byonka byaa. Kepo na buukile. <sup>22</sup> Natajile mukiloto kyami, ne pakutajijisha, mitwe itanu nayi biji byayishile kumena pa lunenge umo, bya yula ne kuwama. <sup>23</sup> Pakutajijisha, mitwe itanu nayi biji yikwabo-yaumine, byanyana, ne kusokwa na lubesha lwa ku musela-byaminene panyuma byabo. <sup>24</sup> Kepo mitwe itanu nayi biji yaminyine mitwe intanu nayi biji yawama. Nabujile bino biloto kwi ban`anga, ino ke mwajinga nangwa umo wakulumbulula ne.'' ²⁵ Yosefwa wambile kwi Felo amba,''Biloto bya Felo bijitu pamo. Lesa kyo abena kusaka kuba, wikifikizha kwi Felo. ²⁶ Ban`ombe batanu na babiji byo myaaka ibiji, ne mitwe itanu na ibiji yawama ke myaaka itanu na ibiji ya wama. Biloto bijitu pamo. <sup>27</sup> Ban`ombe batanu nababiji banyana batamatama baishile panyuma yabo ke myaaka itanu naibiji,kabiji ne mitwe itanu nayibiji ya lunenge ya sokwa na lubesha lwa ku musela bikekala ke myaaka itanu naibiji ya kipowe. ²⁸ Kyo kintu kyo nambile kwi Felo. Lesa kyo abena kusaka kuba wiki solola kwi Felo. ²⁹ Talai, myaaka itanu na ibiji yakunowa kwabayisha bikeya monse mu ntanda ya Ijipita. ³⁰ Myaaka itanu nayi ibiji ya kipowe yikeya panyuma yabo, kabiji ne byonse byavula bakebivulama mu ntanda ya Ijipita, ne kipowe kikekala mu ntanda yonse. ³¹ Byavula kechi bakebivuluka ne na mambo a kipowe kiika londelapo,kikekala kyakatazha. ³² Pakuba kiloto bikibwezhezhempo kwi Felo na mambo Lesa wikifikizha, ne Lesa usa kwikyuba ubukiji. ³³ Lekai Felo akebe muntu wamulume wamana, ne kumubika ayi kwikala mukulumpe wa ntanda ya Ijipita. ³⁴ Lekai Felo atongole bakulumpe ba mingilo bakutala pa ntaanda, lekai basende lubaji lwa butanu lwa kajo mu ntaanda ya Ijipita mu myaaka itanu na ibiji ya bya vula. ^{35 36} Lekai abo babungezhe kajo ka myaaka ye bena kwiya n a kubika kajo panshi ya luusa lwa Felo, kajo kwingijisha mu mizhi. Ba fwainwa kwikalama. Kajo kakekala kakupwanwa pa myaaka itanu na ibiji ya kipowe kikekala mu ntaanda ya Ijipita. mujije jishinda ntaada kechi yikekala lukataazho ne na maambo akipowe.'' ³⁷ Buno bukwasho bwawamine kumenso a Felo ne menso a bonse wa mwngilo wanji. ³⁸ Felo wambile kwi ba mwingilo wanji amba, ''twakonsha kutana wamulume uji nobe iwe, mwi aye muji mupashi wa Lesa?'' ³⁹ Byonka byo Felo wambile kwi Yosefwa amba,''Lesa byo akumwesha kala bino byonse, kafwamo wamana uji nobe obewa ne. ⁴⁰ Ukekala wakutala pa nzumbo yami, ne mwayila byambo byobe bonse bantu bami bakatangijilwa. kanatu pa jitanda pokekala mukulumpe pe obewa.'' ⁴¹ Felo wambile kwi Yosefwa amba, ''Tala, nakubika obewa wakutala pa ntaada yonse ya Ijipita.'' ⁴² Felo wasompwele kambalamunwe kanji ka shitampa kufumya ku munwe wanji ne kubika ku munwe wa kwa Yosefwa, kabiji wamuvwikile ne bivwalo bya kisapi kya lineyi, ne kukobeka wakobekele ne munyololo wa ngolode mwishingo yanji. ⁴³ Kabiji aye wamwendeshenga mukalaki wanji waubiji, ne kubijika babijikile kulutwe yanji amba, ''mufukaminai'' Felo wamubika aye mukulumpe pa ntaada yonse ya Ijipita. ⁴⁴ Felo wambile kwi Yoefwa amba,''Amiwa ne Felo, kabiji kufumyako obewa, kafwako muntu nangwa umo ukemya kuboko kwanji nagwa kulu kwanji mu ntaada yonse ya Ijipitu.'' ⁴⁵ Felo wamumbile Yosefwa amba, ''Zafenata-paneya.'' Wamupele aye Asenata, mwana wamukazhi wa Potifela n`anga wa ku Ona, amba ekale mukazhanji. Yosefwa wafuminemo mu ntaada ya Ijipita. <sup>46</sup> Yosefwa wajinga na myaaka makumi asatu byo ayimene kumenso a Felo, mfumu wa Ijipita. Yosefwa wafumineko ku menso a Felo, ne kuya mone monse mu ntaada ya Ijipita. <sup>47</sup> Mu myaaka itanu nayibij ntaada yafumishe byakuja byavujisha. <sup>48</sup> Aye wabungizhe kajo konse ka myaaka itanu nayibij ya mu ntaada Ijipita ne kubika kajo mu mizhi. Wabikile kajo mumuzhi ka mu majimi onse azhokolokele muzhi. <sup>49</sup> Yosefwa wabikile kajo konse nobmusenga wa mu kalunga, byavujishi pakuba ba nkakelwe kwibi belenga. <sup>50</sup> Yosefwa wajinga na baana babiji kipowe saka kikyangye kwiya, bo asemene na Asanata, mwana wamukazhi wakwa n`anga Potifela waku Ona. ⁵¹ Yosefwa watumbile mwanaji mubeji amba, Manase, wambile, ''Lesa walengasha amiwa kulubako onse makatazho ami ne byonse bya mu nzumbo ya batata''. ⁵² Watumbile mwanaji wamulume waubeji amba Efulaimu, mambo wambile amba, ''Lesa walenga amiwa kusema mu ntaada yaku manikwa kwami.'' ⁵³ Myaaka itanu na ibiji ya byavula yayishile kumpelo mu ntaada ya Ijipita. ⁵⁴ Myaaka itanu na ibiji ya kipowe ya tendekele, byonka byo ambile Yosefwa. Mwajinga kipowe mu ntaada yonse, mino mu ntaada yonse ya Ijipita mwajinga kajo. ⁵⁵ Ntaanda yonse ya Ijipita byo ya fwilenga nzala, baantu bonse bajijile kwi Felo na mambo a nzala. Felo wambile ku bonse bena Ijipita amba, ''yayi kwi Yosefwa mube byo asa kwimi bula.'' ⁵⁶ Kipowe kyajinga mu ntaanda yonse. Yosefwa washinkwile onse makalanga ne ku potesha kubena Ijipita. Kpowe kyakatezhe biingi mu ntaada ya Ijipita. ⁵⁷ Ntaanda yonse yayishilenga mu Ijipita mu kupota kajo kufuma kwi Yosefwa, mambo kipowe kyakatenzhi biingi pa ntaada yonse.